Populaire Bijbelverzen uit Hechos 1

Delen

Qaláxasa qomle 'ami nivitalo ga' Espíritu Santo, qaama'le 'auacoñiiỹet qomle ga' nañoqtaxanaxac, qataxa qaidi 'oquiỹot da' jaỹim 'au'axáchii, 'au'aqtaxañiim na'me néta'ña na' Jerusalén, qataxa na'me néta'ña di' 'aléua Judea qataxa di' Samaria, qataxa cha ỹivid'alo naua' lail jen' 'aléua.

Qana'chi so' Jesús 'enaaco': —'Ami sa 'te 'ami qoỹanómaxanaxanque ga' nolo' 'uootaxa ga'me naloqtenec da' 'uo ga' ỹí'et ñi' qadet'a, qá'a na'chiñíta ñi'me 'me 'uo da' 'enec da' 'uo ga' ỹí'et.

Joca'li maliaxa huetaavlo saua' lamaxa's, qana'chi so' Jesús huaqatalo saa'me da' sa quéd'ai qomle di' noic let'ádaic Jerusalén. 'Enaaco': —'Anpogoxóinỹi'ỹi' qomle ga'me ỹ'axátetac ñi' ỹit'a Dios da' 'ami ỹanema, ga'me sóxote 'ami sichoxotétapeema. Qá'a 'eesa so' Juan dachiláxanataxanỹi na' noxop, qaláxasa naua' noloqo'te laqáỹa' nataq'en 'ami qonachiláxanỹilo ga' Espíritu Santo.

Ca'li ỹim da' leleuaxa, qana'chi so' Jesús ỹitaxa naloxonalo saua' lamaxa's. Qana'chi coovlo saua' cuarenta noloqo'te da' naloxóotac. Da'me naloxónaxac ỹichoxot jeso'me da' 'eesása da'me nec'alétaiỹi. Qana'chi so'me ỹ'axátetapeema saa'me da' l'onataxanaxac ñi' Dios 'me ỹimata'a'téna.

Joca'li ỹim da' ỹ'axátetac dójo' so' Jesús, qana'chi ỹilóchidisee'megue saa'me joca'li naỹoséguem da' qoỹaueegue da' piỹem. Qataxa janac so' ló'oc, qana'chi táaue. Huá'a, qana'chi pal.

Qaa'le saa'me ỹilóchidisee'megue joca'li so' Jesús 'me taiỹi da' piỹem, huá'a, qana'chi ỹ'aalátr'eque saua' dos siỹaxa'u pagaxaiqa naua' louo 'me naloxonalo saa'me. Qaa'le 'enapega't saa'me: —'Ami Galilea lase', ¿tá'nooqo'chi 'auloit'ot na' piỹem? Sójo' Jesús 'me 'ami chiỹoqotoovlo da' taiỹi da' piỹem, so'me n'iỹílaq qomle. Ga'me l'iỹílaxasoxoc ỹitaxa 'ená'am qomle dójo' ladíquiaxac 'me 'auañíichiỹi.