Populaire Bijbelverzen uit مَتَّى 24

Delen

و عَشان الشَّر بِزيد، مَحَبَّة الكَتيرين بِتكون باردَه. و لَكِن هو البِتحَمَّل لِغايَة آخِر الدُّنيا، هو بِخلَص.

و بِبَشِّرو بِبِشارات المَلَكوت دي في الدُّنيا كُلَّها، عَشان شَهادَه لِكُلّو ناس الدُّنيا. و بَعدين آخِر الدُّنيا بِجي.

بِتَسمَعو بِحُروب و خَبَر حُروب. شوفو عَشان ما تَكونو خايفين. لازِم الحاجات دي تَحصَل. و لَكِن آخِر الدُّنيا لِسَّع ما جا.

عَشان بَلَد تَقوم عَلى بَلَد، و مَملَكَه عَلى مَملَكَه. و بِكونو في جوع و زَلازِل في بَعَض المَحَلّات. و لَكِن كُلّو دا بِدايَة الأوجاع.

السَّما و الأرض بِفوتو، و لَكِن كَلامي ما بِفوت أبَداً.

عَشان ناس كُتار بِجو بِإسمي و يَقولو: أنا هو المَسيح، و يَغِشّو ناس كُتار.

بَعدين هُم بِسَلِّموكُم لِلضّيق و بِكتُلوكُم. و كُلّو ناس الدُّنيا بِيَكرَهوكُم عَشان إسمي. في الوَكِت دا، ناس كُتار بِخَلّو سِكَّة الرَّب، و بِسَلِّمو بَعضَهُم بَعض لِلعَدو، و بِكرَهو التّانيين. و أنبياء كَضّابين كَتيرين بِقومو و يَغِشّو كَتيرين.

و يَسُوع رَدَّ و قال ليهُم: ”خَلّو بالكُم عَشان واحِد ما بِغِشّكُم.

عَلَشان كِدا، كونو إنتو كَمان جاهِزين. عَشان إبن الإنسان بِجي في ساعَه إنتو ما تَفتَكِرو.

عَلَشان كِدا، خَلّو بالكُم، عَشان إنتو ما عارفين اليوم الرَّب بِتاعكُم بِجي.

و لَكِن اليوم داك و السّاعَه ديك ما في واحِد يَعرِفو. و لا مَلائِكَة السَّما، و لا الإبن، لَكِن الأبو بَس.

عَشان مُسَحَه كَضّابين و أنبياء كَضّابين بِقومو و يَعمِلو عَلامات عَظيمَه و عَجايِب، فِشان يَغِشّو حَتّى النّاس المُختارين، إذا دا كان مُمكِن.

و زي ما كانَت في أيام نُوح، بِكون كِدا في الأيام لَمّا إبن الإنسان بِجي. عَشان في الأيام قُبّال المويَه غَطَّت الدُّنيا، كانو ياكلو و يَشرَبو، يِتزَوَّجو و يَزَوِّجو، لِغايَة اليوم الفيهو نُوح دَخَل المُركَب. و ما عِرفو حاجَه لِغايَة المويَه غَطَّت الدُّنيا و أخَد كُلُّهُم. بِكون زي دا لَمّا إبن الإنسان بِجي.