Populaire Bijbelverzen uit Mǒhtûlû̌hǎhtûsa 32

Delen

Dě kòyònu tapwa̤ hî̌ nû̌û, “Nami̤ ta Yǎ̤kò mè̤pe tò̤ hǒ, na mi̤lè̌ ta Israel pě, ma̤tè̤hî̌dě na phlû̌shǔ ta Cǒmaradû̌ ta kòyòhǎkhû̌phû̌ dě na pè̤ hǒ.”

Htodě kòyònu tapwa̤ hî̌ nû̌û, “Plûcû̌kè mò̌ he ma̤tè̤hî̌dě lṳmṳlîbûlǎ hǒ.” Pwǎ̤ta Yǎ̤kò hî̌geshǔ yǎ, “Na dè howi̤ he tò̤ hî̌mî̌, he plûcû̌jò na tò̤.”

Hǐnudě Yǎ̤kò ǒkè tû̌꤮ pwǎ dě kòyò tapwa̤ hè ga nû̌û wa̤te̤ dě asî bòtṳglutèplè̌ nû̌û to̤htû̌ lṳmṳlîbû.

Hǐnudě Yǎ̤kò kaǎ gûla̤nu tò̤glò ami̤ ta Peniělè, dě a hî̌, “He kè̌shǐphǔ Cǒmaradû̌ ta hena̤ tû̌ hǐnudě a noǒhtûpwa̤pe pwǎ he.” (Peniělè amûasǎ mî̌ kè̌shǐshǔphǔ ta Cǒmaradû̌.)

Bǎ kòyònu tapwa̤ sî̌ya ta a ma̤pè̤pe Yǎ̤kò tò̤ akhanu, a phlû̌ Yǎ̤kò akhò̌kòtṳ. Dě bǎ asî bòtṳglutèplè̌ nû̌û akhanu, Yǎ̤kò akhò̌kòtṳ nûsîlî̤kè.

Kòyònu tapwa̤ gwè nû̌û, “Na mi̤ ta ûpè?” Dě a hî̌shǔ nû̌û, “Yǎ̤kò,”

Yǎ̤kò hî̌ yǎ, “Khòsò̌do pwe̤ǐlṳ bǎ he ta nami̤,” Pwǎ̤ta a hî̌shǔ nû̌û, “Na cû̌gwè tǒ̤ hemi̤ ma̤tè?” A hî̌ dě a howi̤kè nû̌û bǎnu.

Lǒ̤꤮ bò ta̤mo̤ǐ htě ahǎbòpè̤jò tò̤ ta ta̤cǒtè̤ ta yo̤ htě na dǔlṳ bǎ najû mî̌ he htǒonu, a gwa nî̤bǎnǒ dǐcǎ꤮ tò̤. Bǎ he cû̌kǎbò̌ Jòda shilo̤ akhanu, heta ǒ pwǎpǒ̤ nò̌htǒ tobo pwǎ, pwǎ̤ta khònò̤htǒo he ge dě he ge kû̌ta hekòyò saprṳ̂ gǐnǐ̤prṳ̂.

Hǐnuakhû̌akhî, to̤khònò̤ Israelphû̌ toǒ dè ǎ ta̤yî̌nu, a ǎpe wi̤ htě atǒhtu ta khò̌kòtṳnu toǒ tò̤. Ma̤tè̤hî̌dě kòyònu tapwa̤ phlû̌sîlî̤kè Yǎ̤kò akhò̌kòtṳ bǎ awi̤ kòshî̌nu tò̤glò akhû̌akhî, asî ǎ tò̤.

Htodě Yǎ̤kò kwisaba, “Kǒ꤮ hephu Abraham ta hepha Isǎko acǒmaradû̌, na mî̌ Cǒmara tûjûpwa̤ dě a hî̌ he, ‘Gekhîsǒ mò̌ nashinaga ta nakhlinalè toǒ aǒnu, he noǎhtò̌ohtò̌ tû̌ na pě, na olò̤ he hǐnu.’”

Pò̤̌ta khònò̤htǒo, hewè̤ Ětò̌ glè̌ hèshě he hǒ, dě he ǐsha ta a hèma̤sibò he ta hephû̌ sîtoǒ ta hema sîtoǒ akhû̌akhî, khòsò̌do ma̤lû̌htò̌pû he nî̌꤮.