Populaire Bijbelverzen uit KARARIADI 32

Delen

Tau e'e nangul᷊i, “Arengu seng wal᷊inge i Yakub. I kau seng nul᷊al᷊inga dingang u Mawu Ruata dang dingang u taumata, dang i kau nakauntung; ual᷊ingu e'e arengu seng nakoa i Israel.”

Bou e'e angkung u taumata e'e, “Piloe ia; singkodo l᷊ai matangutiti seng musumuwang.” I Yakub nusumimbahi, “Ia ta sarung mamilo si Tuang, su l᷊ikuru boko i Tuang mangal᷊amati si sia.”

Arawe i sie natana sisanenge. Kuteu nusumongote singkatau ko ese nul᷊al᷊inga dingang i Yakub sarang kalonge.

Bou e'e i Yakub nangul᷊i, “Ia seng nusugha u pahesi dingang u Mawu Ruata, dang ia mborong wiahi.” Ual᷊ingu e'e nisighonge tampa e'e Pniel.

Su tempo ngu taumata e'e nakapundang himoneu i sie seng ta makauntung, nipukul᷊i Yakub su punarie, sarang l᷊al᷊ensorang u punarie naenso.

I sai arengu? kakina u taumata e'e. “I Yakub.”

I Yakub nangul᷊i, “habariko areng i Tuang.” Kateho tau e'e nusumimbahi, “Tahawal᷊uasi i kau makina i sai arengku!” Bou e'e nial᷊amatenge i Yakub.

Ia ta hinonge manarima kaul᷊i u kakindaghi l᷊au kasasatia ko seng nitode u MAWU si sia. Su tempo ngu ia nuwua nul᷊umiu sal᷊uhi Yordan, ia ta numbawa manga apa, su l᷊ikuri tiking. Orasi i'i ia sau nusumongo dingang dua komol᷊ang i'i

Sarang orasi i'i hintou ngu tau Israel ta kukang ghisi ko nanaka l᷊al᷊ensorang u punari u binatang, ual᷊ing i Yakub seng nikahinomang u papukul᷊i su punarie.

Bou e'e i Yakub nukal᷊iomaneng, “O Mawu Ruata, ko nisumba ngi upungku i Abraham, dang i papaku i Ishak, raringihiko ia! MAWU seng nundoi si sia pakapul᷊e sarang wanuaku dang sarang manga ana u simbauku. Dang MAWU seng nudiandi sarung mangatori kaul᷊i u patiku pakaudupi.

Ia mukahioro singapang botonge, ambange ko ia bou tuhangku i Esau. Ia mataku singkawua i sie sumongo mangalo dang mupakawinasa si kami kaul᷊ie, nasu kowawine l᷊au manga ana.