Populaire Bijbelverzen uit matta 21

Delen

ġakud nna‑ttẓallam rad‑awn‑yili kullu ma‑tḍalbm iġ‑nnit‑tumnm.»

isawl yasuɛ yini‑asn: «lḥqq a‑rad‑awn‑iniġ, iġ‑tumnm bla tškkam ra‑tskrm zund mad‑skrġ i‑tazart‑ad, rad‑nnit‑tskarm uggʷar n‑mayad. iġ‑tnnam i‑uwrir‑ad ‹itti zġ‑ġid tḍrt‑n ġ‑umda› rad‑as‑yili mad‑as‑tnnam.

frḥn bahra ġwilli zwarnin i‑yasuɛ ġ‑uġaras ula ġwilli‑as‑ggʷranin, ar‑talln awal‑nsn ar‑ttinin: «huṣanna i‑yus n‑dawd. ambarki a‑iga ġwad‑d‑yuškan s‑ism n‑sidi rbbi. huṣanna ġ‑ignna yattuyn.»

yini‑asn: «han ityara ġ‑warra n‑rbbi ‹tigmmi‑nu rad‑as‑ttinim tigmmi n‑tẓallit.› imma kunni, hati trurm‑tt tga ifri n‑imh̬h̬arn.»

«iniyat i‑tmdint n‑ayt‑rbbi, hay‑agllid‑nnm yuška‑d srm. yudr i‑ih̬f‑ns, ini f‑uġiyyul ula f‑usnus n‑tġiyyult.»

irar‑asn yasuɛ: «is‑ur‑tġrim ma‑ityaran ġ‑warra n‑rbbi? ‹aẓru lli‑n‑luḥn ibnnayn, nttan a‑iwrrin iga ih̬f n‑uġẓu. mayad, sidi rbbi a‑t‑iskrn. nẓra‑t ar‑gis‑ntɛjjab.›

f‑mayan a‑f‑rad‑awn‑iniġ, ra‑kʷn‑issufġ rbbi zġ‑tgldit‑ns, ifk‑tt i‑mddn yaḍni lli‑ra‑yakka lġllt‑ns.