Populaire Bijbelverzen uit LAMPA-LAMPANA 1

Delen

Mingka punna battumo RohNa Allata'ala mange ri kau, langgappa mako koasa. Na la'jari mako sa'bingKu ri Yerusalem, ri sikontu Yudea, ri Samaria, sa'genna ri cappa'na linoa.”

Appialimi Isa Nakana, “KalenNa ManggeKu lampattantui allonna siagang wattunna. Anjo tena naparallu nuasseng, nasaba' anjo lalang koasaNai Manggea.

Na ri wattunna a'rappungang siagang ke'nanga, Nasaremi parenta ke'nanga Nakana, “Teako rolong a'lampai battu ri Yerusalem. Attayangko rolong anjoreng, sa'gennu Nasare Allata'ala anjo apa le'baka Napa'janjiang, iamintu apa le'baka Kupau ri kau ri pirangalloang. Nasaba' je'ne' napake Yohanes anje'nekko, mingka tasalloami anne nulanije'ne' siagang RohNa Allata'ala.”

Ri le'ba'namo attallasa' poleang battu ri kamateanga, lalanna patampulo alloa, a'mole-molei a'nyata sikali Napappicinikang KalenNa mae ri tunisuroNa, lanri ero'Na Napa'nassa angkanaya ma'nassa attallasa' poleammi battu ri kamateanga. Nicini'mi ri ke'nanga, siagang sipa'bicarami siagang ke'nanga ri passala'na Allata'ala siagang PamarentahanNa.

Le'baki akkana kamma Isa, niangka'mi nai' ri suruga, nicini' ngaseng ri ke'nanga, sa'genna nitongko' ri rammanga natanicinikamo ri ke'nanga.

Lalang accongana ke'nanga nai' ri langika, ri wattunna ta'angka' Isa nai' ri suruga, ti'ring nia'mo rua tau ammakeang kebo', ammenteng ri ampi'na ke'nanga. Nakanamo anjo tau ruaya, “E, ikau ngaseng tu battua ri Galilea, angngapa nummantang bawang antureng acconga nai' ri langika? Anjo Isa, nucinika ta'angka' nai' ri suruga, labattu poleangi sallang lalang kala'biranNa, sangkamma la'biri'Na ri wattunna nucini' nai' ri suruga sumpadeng.”