Populaire Bijbelverzen uit Matt. 24

Delen

Küsakügha no thuwuve keu ghenguno timi kutomo mlo lo kikimiye mkove nani, ikemu khuno no ashekha kutólo mutotoi puthugho aghíni keno xaluve nani.

Eno Alhou kükaphu tsakiviu hipau no thopi lakhi shi ayeghiqha kümtsü lau kütsüwu nani, eno tithiu no ashekha tsalà ighi nani.

Nongu no nongu kupunú lo aghüshi akeu eno putou aghüshi akeu uyewu sütsa chilu nani, ikemu tipaqo no nongu shithüghüive mokepu shi jukuto alo. Hipaqo ye shikupu moayesa nani, ikemu ashekha ghuloki ye ighini aphike.

Shiye lakhi no shiye lakhi mjochile ipeghi nani, eno kükaphu lakhi no kükaphu lakhi mjochile ipeghi nani. Püqümiye keu eno ayeghi küghüthaqo a-a kütüta lo anani. Hipaqo kümtsü apunu küsǜ huthu akeu paphi ke.

Atsütsǘ eno ayeghi ye hauve nani, ikemu I tsa ye khilemu hauvemo nani.

Kughengu kutomo no I je lono, ‘Ni ye Messiah ke,’ ipi ighi nani eno kutomo pishiqhi nani.

“Tishi no nongu ye pishi-puju eno pìthíve penike pesü tsüve nani, eno shiyeqo kümtsü no I ghenguno nongu mithi nani. Tipau ghuloki lo kutomo no aküpülü pheve no wuve nani eno lakhi no lakhi thechu shi nani eno kimthi kilé nani, eno kichileu tungkupumiqo kutomo ipeghi nani eno timi kutomo pishiqhi nani.

Jisü no khochile: “Khuu pelomu nongu pishiqhive pemo nike jukuto alo.

Tighenguno nongu ghí kutokughoi pe amasa, kughengu Timi Nu ye nongu no huqhemo keu tüqhüdo lono ighi nani ke.

“Kiu tsalà lono nongu Mpeu ighi nani keno nongu ye mtha ke ghenguno jukuto alo.

“Ikemu atsala momu ayì kihedo ghili ye khunomu mthae, kungugha lo kungumiqo ke kumo no Anu ghí mthae, ikemu Apù likhi no ithi anie.

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye kisheluve kemiqo ghí pishiqhi niye shi nani.

Noah tsalà ghuloki lo toi, Timi Nu ighi kelo ghí titoi shi nani. Azü no yimi keu tsalà ighi mphi zülo, timiqo ye chu-shoa, külakupu shia eno külakupu tsüae, eno tiye Noah no ashuka lo ilove keu tsalà kutólo tishi ake; atshünazü no panongu kümtsü yimive no pesü wuvemo ke kutólo, panongu ye kiu shive nani keno kiumu mtha no ae. Timi nu ighi kelo ghí hitoi shi nani.