Populaire Bijbelverzen uit ᒪᑎᔪᐤ 24

Delen

ᒐ ᐃᔅᐱᔅ ᒪᒃ ᐊᔭᔅᒃ ᐛᔪᑎᒡ ᒥᒐᑎᓯᐅᓐ, ᒥᒐᑦ ᐊᐛᓐᒋ ᐅᓴᒋᐃᐛᐅᓄᐛᐛ ᓇᒪ ᒋᑭ ᐅᒋ ᑕᑈᐱᔪᐛ᙮ ᒥᒄ ᒪᒃ ᐊᓐ ᐊᐛᓐ ᒐ ᐊᔨᒋᑲᐳᐅᒂ ᒐ ᐃᔅᐱᔅ ᐱᒪᑎᓯᒂ ᐊᐅᒄ ᒐ ᐱᒪᒋᐊᑭᓄᐅᑦ᙮

ᐅ ᒪᒃ ᒥᔽᒋᒧᐅᓐ ᒋᓴᒪᓂᑐᐤ ᐅᒋᓴᐅᒋᒪᐅᓐ ᑲ ᑎᐸᑐᑕᔨᒡ ᒋᑭ ᑭᒐᔅᒋᒧᓇᓄᐤ ᐅᑕ ᒥᓯᐛ ᐊᔅᒋᒡ ᒥᓯᐛ ᐊᐛᓐ ᒐᒋ ᐸᑕᐧᒃ, ᑭᔭ ᐃᔭᒄ ᒐ ᐃᔎᐱᔨᒡ᙮”

ᐊᑲᐎᔾ ᑭᔭ ᒋᑭ ᐅᒋ ᒥᑯᔅᑲᑕᔨᑎᒥᐃᑯᐅᓇᐛᐤ ᐸᑎᒪᒂ ᐊ ᓂᑐᐱᔨᓇᓄᐅᒡ ᒥᒋᒪ ᐊᓐᑕ ᐊ ᑕᔭᒄ ᑭᔭ ᐸᑎᒪᒂ ᐊ ᑎᐸᑕᑭᓄᐅᒡ ᐊ ᓇᓂᑐᐱᔨᓇᓄᐅᒡ ᐊᓐᑕ ᐛᔪᐤ᙮ ᐊᐅᒄ ᐛᓱᐤ ᓂᔅᑎᒻ ᓇᑐᐛᔨᑕᒂᒡ ᒐᒋ ᐃᔅᐱᔨᒡ, ᒥᒄ ᒪᒃ ᓇᒪ ᐊᔅᒄ ᒋᑭ ᐅᒋ ᐃᔎᐱᔪᐤ᙮

ᐸᐃᑯᓄᒡ ᑲ ᐃᑎᔅᑲᓇᓯᒡ ᐊᐛᓐᒋ ᒋᑭ ᒪᓯᐧᑲᑐᐅᒡ ᐊᓂᔭᔪᐛ ᑯᑎᑲ ᐊᐛᔪᐛ ᐃᔭᒡ ᑲ ᐃᑎᔅᑲᓇᓯᔨᒋ᙮ ᑭᔭ ᐊᓐᒡ ᑲ ᐅᒋᒪᐅᒡ ᒋᑭ ᓂᑐᐱᔨᑐᐛᐅᒡ ᐊᓂᔭ ᑯᑎᑲ ᑲ ᐅᒋᒪᐎᔨᒋ᙮ ᒋᑭ ᑎᑯᓐ ᐊ ᑯᐃᒂᒡ ᑭᔭ ᐊ ᑯᐅᐧᑭᑕᓄᐅᒡ᙮ ᐃᔅᐱ ᒪᒃ ᒋᒋᐱᔨᒐ ᐊ ᐃᔅᐱᔨᒋ ᒥᓯᐛ ᐅᔭ ᒐᒂᔪᐛ ᐊᐅᒄ ᐱᒐᐃᒃ ᐊ ᒋᒋᐱᔨᒡ ᓂᓇᐧᑲᑕᔨᒧᐅᓐ, ᒧᔭᒻ ᐃᔎᐤ ᐊ ᒋᒋ ᒧᓯᐅᑦ ᒐ ᐊᐧᑯᓯᑦ᙮”

ᒋᒋᒋᓯᒄ ᑭᔭ ᐊᔅᒋᔾ ᒋᑭ ᐃᔎᐱᔪᐛ ᒥᒄ ᒪᒃ ᓂᑦ ᐃᔨᒧᐅᓐ ᓇᒪ ᓂᑕ ᒋᑭ ᐅᒋ ᐃᔎᐱᔪᐤ᙮”

ᐛᔅ ᒋᑭ ᒥᒐᑐᐅᒡ ᐊᐛᓐᒋ ᐊ ᑎᑯᓯᒡ ᓂᑦ ᐃᓯᓂᐧᑲᓱᐅᓂᔪᐤ ᐊ ᐊᐱᒋᑕᒡ ᐊ ᐃᔅᒋᔄᒡ, ‘ᐊᐅᒄ ᓂᔾ ᙭᙮’ ᒥᒐᑦ ᒪᒃ ᐊᐛᔪᐛ ᒋᑭ ᐎᔭᓯᒪᐅᒡ᙮

“ᑭᔭ ᒐ ᒪᑯᓂᑯᔭᒄ ᑭᔭ ᒋᑭ ᓂᓇᐧᑲᒋᐃᑯᓇᐛᐤ᙮ ᐛᐛᒡ ᒋᑭ ᓂᐸᐃᑯᓇᐛᐤ᙮ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒋᑭ ᐛᐧᑲᑎᑯᐛᐅᒡ ᐊ ᓇᓴᐅᔭᒄ᙮ ᒥᒐᑦ ᒪᒃ ᒋᑭ ᐳᓂᐅᒡ ᐊ ᑕᑈᔭᔨᒥᒡ ᑭᔭ ᒋᑭ ᒪᒥᓯᒥᑐᐅᒡ ᑭᔭ ᒋᑭ ᐛᐧᑲᑎᑐᐅᒡ᙮ ᒥᒐᑦ ᒥᒋ ᐅᒋᔅᒋᐛᐃᒐᓱᒡ ᒋᑭ ᑎᑯᓯᓄᐅᒡ ᒐ ᐎᔭᓯᐊᒡ ᐊᐛᔪᐛ, ᒥᒐᑦ ᒪᒃ ᐊᐛᔪᐛ ᒋᑭ ᐃᑐᑐᐛᐅᒡ ᒐᒋ ᐳᓂᔨᒋ ᐊ ᑕᑈᑎᒥᔨᒋ᙮

ᒋᓴᔅ ᒪᒃ ᒋ ᐃᑕᐤ, “ᐃᔭᒂᒥᒄ, ᐊᑲ ᐊᐛᓐ ᒐᒋ ᐎᔭᓯᒥᑕᒄ᙮

ᐊᐅᒄ ᒪᒃ ᐅ ᐅᒋ ᑭᔭ ᒋᔨᐛᐤ ᒧᔅ ᒋᐸ ᐊᔭᔅᑯᐎᓇᐛᐤ᙮ ᐛᔅ ᐃᔪᐤ ᐅᑯᓯᓴᓐ ᒋᑭ ᑎᑯᓯᓐ ᐊᓐᑕ ᐊᑲ ᓇᔅᒡ ᐸᓱᐛᔨᒪᒂ ᒐᒋ ᑎᑯᓯᐧᒃ᙮”

“ᐃᔭᒂᒥᒄ ᒪᒃ ᐛᔅ ᓇᒪ ᒋ ᒋᔅᒐᔨᑕᓇᐛᐤ ᑕᐃᔅᐱ ᒐ ᑎᑯᓯᐧᒃ ᒋᑎᐸᔨᒋᒐᓯᒧᐛᐤ᙮

“ᐛᔅ ᓇᒪ ᐊᐛᓐ ᒋᔅᒐᔨᑎᒻ ᐊᓂᔭᔪᐤ ᐊ ᒋᓯᑲᔨᒡ ᒪᒃ ᐊᓂᔭᔪᐤ ᑎᐸᐃᑭᓂᔪᐤ ᒐ ᐃᔅᐱᔨᑯᒡ ᐅᔭ ᒐᒂᔪᐛ᙮ ᓇᒪ ᑭᔭ ᐊᓐᒋᓐᒡ ᒋᔅᒐᔨᑎᒧᒡ, ᑭᔭ ᐅᑯᓯᓯᒪᐤ, ᒥᒄ ᐅᑕᐎᒪᐤ ᒋᔅᒐᔨᑎᒻ᙮

ᒋᑭ ᑕᐅᒡ ᐊᐛᓐᒋ ᐊ ᐎᔭᓯᐃᐛᒡ ᐊ ᐃᔅᒋᔄᒡ ᓂᔾ ᙭᙮ ᒋᑭ ᑕᐅᒡ ᑭᔭ ᒥᒋ ᐅᒋᔅᒋᐛᐃᒐᓱᒡ᙮ ᐊᐅᑯᓐᒡ ᒪᒃ ᐅᒡ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᒐ ᐛᐸᑎᔨᐛᒡ ᑭᔭ ᒋᑭ ᐃᑐᑎᒧᒡ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ᙮ ᐊᑯᑕ ᒪᒃ ᒐ ᐅᒋ ᐎᔭᓯᐊᒡ ᐊᐛᔪᐛ ᓂᑎᒥᒄ ᒐᒋ ᐃᓯ ᑕᑈᑎᒥᔨᒋ᙮ ᐊᓂᔭᔪᐛ ᒪᒃ ᒋᓴᒪᓂᑐᐛ ᑲ ᐅᑎᓇᔨᒋ ᐊᐛᔪᐛ ᐊᐅᑯᓂ ᐊᓂᔭᔪᐛ ᒐ ᐎ ᐎᔭᓯᐊᒡ᙮

ᒧᔭᒻ ᒪᒃ ᑕᓐ ᑲ ᐃᑕᔨᑕᑯᓂᔨᒡ ᐊᓐᑕ ᒪᒂᒡ ᑲ ᐱᒪᑎᓯᑦ ᐊᓂᔭ ᓄᐛ, ᐊᐅᑯᓐ ᒐ ᐃᑕᔨᑕᒂᒡ ᒥᓐ ᑎᑯᓯᒐ ᐃᔪᐤ ᐅᑯᓯᓴᓐ᙮ ᐊᔅᒄ ᐊᑲ ᐅᒋ ᐃᔅᒋᐳᑕᒡ ᐊᔅᒋᔾ ᒥᒄ ᐛ ᐃᑎᒡ ᒋ ᐃᑐᐅᒡ ᐊᓐᒡ ᐃᔪᒡ, ᒋ ᒥᒋᓱᐅᒡ, ᒋ ᒥᓄᐅᒡ, ᑭᔭ ᒋ ᓂᐳᐅᒡ ᐱᐃᒻ ᑲ ᐅᑎᒋᐱᔨᒡ ᒐ ᐱᒐᑦ ᓄᐛ ᐅᑦ ᐅᐤᑦ᙮ ᓇᒪ ᒪᒃ ᐅᒋ ᒋᔅᒐᔨᑎᒧᒡ ᑕᓐ ᒐ ᐃᔅᐱᔨᒡ ᐸᑐᔅ ᑲ ᐃᔅᒋᐳᑕᔨᒡ ᐊᔅᒋᔪᐤ, ᒥᓯᐛ ᒪᒃ ᒋ ᐅᓇᒋᔨᑯᐅᒡ᙮ ᐊᐅᑯᓐ ᒪᒃ ᒧᔭᒻ ᒐ ᐃᔅᐱᔨᒡ ᐃᔅᐱ ᐸᒋ ᓄᑯᓯᒐ ᐃᔪᐤ ᐅᑯᓯᓴᓐ᙮