Populaire Bijbelverzen uit လံာ်လူၤကၣ် 14

Delen

ပှၤတဂၤလၢ်လၢ်လၢအဟဲဆူယအိၣ်န့ၣ်, မ့တမ့ၢ်လၢအဝဲဒၣ်အဲၣ်ယၤအါန့ၢ်အပၢ်, ဒီးအမိၢ်, အမါဒီးအဖိအလံၤတဖၣ်, အဒီပုၢ်ဝဲၢ်ခွါတဖၣ်, ဒီးအဒီပုၢ်ဝဲၢ်မုၣ်တဖၣ်, ဒီးအနီၢ်ကစၢ်ဒၣ်ဝဲစ့ၢ်ကီးဘၣ်ဒီး, ကဲယပျဲၢ်ယဘီၣ်တသ့ဘၣ်.

ပှၤတဂၤလၢ်လၢ်လၢအတယိးအထူၣ်စုညါဒၣ်ဝဲဒီးပိာ်ယခံန့ၣ်, ကဲယပျဲၢ်ယဘီၣ်တသ့ဘၣ်.

အဂ့ၢ်ဒ်အံၤပှၤတဂၤလၢ်လၢ်လၢအပာ်ထီၣ်ထီအသးန့ၣ်ကဘၣ် တၢ်ဆီၣ်လီၤအီၤ, ဒီးပှၤတဂၤလၢ်လၢ်လၢအဆီၣ်လီၤအသးန့ၣ် ကဘၣ်တၢ်ပာ်ထီၣ်ထီအီၤလီၤ.”

ယ့ၣ်ၡူးမၤကတၢၢ်အတၢ်ဂ့ၢ်တမံၤအံၤဒီးစံးဝဲ, “ဒ်န့ၣ်အသိးမ့တမ့ၢ်လၢသုဟ့ၣ်လီၤကွံာ်တၢ်လၢအအိၣ်ဒီး သုခဲလၢာ်ဘၣ်ဒီး, သုကဲထီၣ်ယပျဲၢ်ယဘီၣ်တသ့နီတဂၤဘၣ်.

သုဝဲအကျါတဂၤမ့ၢ်ကူၣ်ထီၣ်ဖးလီၤလၢအကဘှီထီၣ်တၢးထီ တဖျၢၣ်န့ၣ်, အဝဲဒၣ်ကဆ့ၣ်နီၤဆိဝဲ, ဒီးဒွးကွၢ်ဝဲအပှ့ၤအကလံၤ ကလီၤလၢဆံးအါ, ဒ်သိးအကထံၣ်ဘၣ်ဝဲလၢအကမၤဝဲတုၤလၢ အကတၢၢ်အဂီၢ်, အကျိၣ်အစ့လၢတလၢလဲၣ်န့ၣ်လီၤ. အဝဲမ့ၢ်တမၤဒ်န့ၣ်ဘၣ်ဒီး, ပာ်လီၤဝဲလၢၢ်ခီၣ်ထံးဝံၤအလီၢ်ခံဘှီဝံၤက့ၤအတၢးထီတသ့ဘၣ် သတးဒီး, ပှၤကိးဂၤဒဲးလၢအထံၣ်ဘၣ်တၢ်မၤအသးတဖၣ် ကနံၤဘၣ်ဖၣ်လဲအီၤလီၤ. အဝဲသ့ၣ်ကစံးဝဲ, “ပှၤတဂၤအံၤစးထီၣ်သူၣ်ထီၣ်တၢ်ဘၣ်ဆၣ်ဒီး မၤဝံၤက့ၤဝဲတသ့ဘၣ်.” န့ၣ်လီၤ.

မ့မ့ၢ်နဲဒၣ်အံၤ, ဖဲနကတဲာ်ကတီၤတၢ်အီၣ်တၢ်အီအမူးန့ၣ်, ကွဲပှၤဖှီၣ်ဖိယာ်ဖိ, ပှၤက့ပှၤကွဲၣ်, ပှၤခီၣ်ဟးဂီၤဒီးပှၤမဲာ်ဘျီၣ်တဖၣ်န့ၣ်တက့ၢ်. ဒီးနကဘၣ်တၢ်ဆိၣ်ဂ့ၤနၤလီၤ. အဂ့ၢ်ဒ်အံၤ, အဝဲသ့ၣ်ဟ့ၣ်ဆၢက့ၤနၤတသ့ဘၣ်. ဖဲပှၤဂ့ၤပှၤဝါတဖၣ်ဂဲၤဆၢထၢၣ်သမူထီၣ်က့ၤလၢတၢ်သံအဆၢ ကတီၢ်န့ၣ်, နကဘၣ်တၢ်ဟ့ၣ်ဘျုးက့ၤနၤလၢကစၢ်ယွၤလီၤ.”

အံသၣ်န့ၣ်မ့ၢ်တၢ်လၢအဂ့ၤလီၤ. ဘၣ်ဆၣ်ဒီးအံသၣ်အဟီမ့ၢ်လီၤမၢ်ကွံာ်န့ၣ်, တၢ်မၤဟီထီၣ်က့ၤအီၤကသ့ဒ်လဲၣ်. လၢဟီၣ်ခိၣ်အဂီၢ်မ့ၢ်ဂ့ၤ, ဟီၣ်ခိၣ်ညၣ်ထ့ၣ်အဂီၢ်မ့ၢ်ဂ့ၤ, အဘျုးအဖှိၣ်တအိၣ်နီတမံၤဘၣ်ဒီးပှၤစူးကွံာ်အီၤလီၤ. ပှၤအိၣ်ဒီးအနၢ်လၢအနၢ်ဟူတၢ်သ့န့ၣ်မ်အဒိကနၣ်တၢ်တက့ၢ်.”