Populaire Bijbelverzen uit JUAN 5

Delen

»Tseqeypa, tseqeypam niyaq: Palabra wiyaq i kachamaqniyman kreyeq kaqqa, wiñey kawéyoqmi; manam shamonqatsu kondenasyonman, sinowqa wanípita kaweymanmi pasarishqa.

Iskareykaqta Jesús rikeykurnam, musyarqan allápa uneypitana kanqanta, nerqan: —¿Munankiku sanukeyta?

Alleq rikáyey Eskritúrakunata; qamkunata nirápuyashunki wiñey kaweynikikuna keykunachow kanqanta; keykunanam willakuyan noqapaq. I munayankitsu noqaman shamiyta kaweynikikuna kanampaq.

Jesusnam nerqan: —Sharkiy, qopikita aparkur eywey. Tsey óram kachakárerqan, i qopinta aparkur eywakorqan. Tsey junaq jamakiy junaqmi karqan.

Yaskirnam Jesús, nerqan: —Tseqeypa, tseqeypam niyaq: Manam Tsuriqa kikinllapitaqa imata rureyta pwedintsu, sinowqa Teyta rurashqanta rikarnin; llapan Teytan rurashqantam, ruran Tsuripis tseynowlla.