Populaire Bijbelverzen uit ꠁꠘ꠆ꠎꠤꠟ ৬: ꠞꠥꠝꠣꠘ 4

Delen

ꠀꠟ꠆ꠟꠣꠞ ꠅꠀꠖꠣꠞ ꠛꠦꠙꠣꠞꠦ ꠔꠣꠘ ꠝꠘꠅ ꠇꠥꠘꠥ ꠡꠘ꠆ꠖꠄ ꠀꠁꠍꠦ ꠘꠣ, ꠛꠞꠋ ꠔꠣꠁꠘ ꠁꠝꠣꠘꠦ ꠀꠞꠅ ꠝꠎꠛꠥꠔ ꠅꠁꠀ ꠀꠟ꠆ꠟꠣꠞ ꠔꠣꠞꠤꠚ ꠇꠞꠟꠣ। ꠁꠛ꠆ꠞꠣꠢꠤꠝꠦ ꠙꠥꠞꠣꠙꠥꠞ ꠄꠇꠤꠘ ꠇꠞꠟꠣ, ꠀꠟ꠆ꠟꠣꠄ ꠎꠦ ꠅꠀꠖꠣ ꠇꠞꠍꠂꠘ, ꠁꠔꠣ ꠙꠥꠞꠣ ꠇꠞꠣꠞ ꠈꠦꠝꠔꠣꠅ ꠔꠣꠘ ꠀꠍꠦ।

ꠀꠟ꠆ꠟꠣꠞ ꠇꠣꠟꠣꠝꠅ ꠎꠦꠟꠣ ꠟꠦꠈꠣ ꠀꠍꠦ, “ꠀꠝꠤ ꠔꠥꠝꠣꠞꠦ ꠛꠃꠔ ꠎꠣꠔꠤꠞ ꠝꠥꠟ ꠛꠣꠚ ꠛꠣꠘꠣꠁꠟꠣꠝ।” ꠅꠃ ꠢꠤꠡꠣꠛꠦ ꠀꠟ꠆ꠟꠣꠞ ꠘꠎꠞꠅ ꠁꠛ꠆ꠞꠣꠢꠤꠝ ꠅꠁꠟꠣ ꠀꠝꠞꠣ ꠢꠇꠟꠞ ꠝꠥꠟ ꠛꠣꠚ। ꠎꠦꠁꠘ ꠝꠞꠣꠞꠦ ꠎꠤꠘ꠆ꠖꠦꠉꠤ ꠖꠦꠁꠘ ꠀꠞ ꠎꠦꠔꠣ ꠅꠀꠞ ꠘꠣꠄ, ꠅꠔꠣ ꠅꠀꠁꠔꠣ ꠙꠣꠞꠂꠘ, ꠢꠃ ꠀꠟ꠆ꠟꠣꠞ ꠃꠙꠞꠦ ꠔꠣꠁꠘ ꠁꠝꠣꠘ ꠀꠘꠍꠟꠣ।

ꠀꠝꠞꠣꠞ ꠉꠥꠘꠣꠞ ꠇꠚꠞꠣ ꠢꠤꠡꠣꠛꠦ ꠅꠃ ꠁꠍꠣꠞꠦ ꠝꠃꠔꠞ ꠀꠔꠅ ꠔꠥꠟꠤ ꠖꠦꠅꠀ ꠅꠁꠍꠤꠟ, ꠀꠞ ꠀꠝꠞꠣꠞꠦ ꠛꠦ-ꠇꠍꠥꠞ ꠈꠣꠟꠣꠍ ꠇꠁꠀ ꠉꠁꠘ꠆ꠘ ꠇꠞꠣꠞ ꠟꠣꠉꠤ ꠔꠣꠘꠞꠦ ꠝꠥꠞ꠆ꠖꠣ ꠕꠣꠇꠤ ꠎꠤꠘ꠆ꠖꠣ ꠇꠞꠣ ꠅꠁꠍꠤꠟ।

ꠅꠃ ꠁꠛ꠆ꠞꠣꠢꠤꠝꠦ ꠎꠦꠛꠟꠣ ꠀꠅꠟꠣꠖ ꠙꠣꠅꠀꠞ ꠇꠥꠘꠥ ꠀꠡꠣ ꠇꠞꠣꠞ ꠇꠕꠣ ꠘꠣꠄ, ꠢꠃ ꠡꠝꠄꠅ ꠔꠣꠁꠘ ꠀꠟ꠆ꠟꠣꠞ ꠃꠙꠞꠦ ꠜꠞꠡꠣ ꠇꠞꠤꠀ ꠁꠝꠣꠘꠦ ꠝꠎꠛꠥꠔ ꠞꠁꠍꠂꠘ। ꠀꠟ꠆ꠟꠣꠄ ꠔꠣꠘꠞꠦ ꠇꠁꠍꠟꠣ, “ꠔꠥꠝꠣꠞ ꠈꠣꠘ꠆ꠖꠣꠘꠞꠦ ꠀꠝꠤ ꠀꠍꠝꠣꠘꠞ ꠔꠦꠞꠣꠞ ꠟꠣꠈꠣꠘ ꠛꠦꠢꠤꠡꠣꠛ ꠇꠞꠝꠥ।” ꠀꠞ ꠅꠃ ꠇꠕꠣꠞ ꠃꠙꠞꠦ ꠔꠣꠁꠘ ꠁꠝꠣꠘ ꠀꠘꠟꠣ।

ꠄꠞꠟꠣꠉꠤ ꠁ ꠅꠀꠖꠣ ꠈꠣꠟꠤ ꠝꠣꠘꠡꠞ ꠁꠝꠣꠘꠞ ꠝꠣꠎꠖꠤ ꠙꠥꠞꠣ ꠇꠞꠣ ꠅꠄ, ꠎꠣꠔꠦ ꠁꠐꠣ ꠀꠟ꠆ꠟꠣꠞ ꠞꠢꠝꠔꠞ ꠖꠣꠘ ꠢꠤꠡꠣꠛꠦ ꠞꠄ। ꠔꠦ ꠁꠛ꠆ꠞꠣꠢꠤꠝꠞ ꠈꠣꠘ꠆ꠖꠣꠘꠞ ꠉꠦꠍꠦ ꠎꠦ ꠅꠀꠖꠣ ꠇꠞꠣ ꠅꠁꠍꠦ, ꠁꠈꠣꠘ ꠘꠤꠌ꠆ꠌꠄ ꠙꠥꠞꠣ ꠇꠞꠣ ꠅꠁꠛ। ꠈꠣꠟꠤ ꠡꠞꠤꠅꠔ ꠝꠣꠘꠞꠣ ꠅꠇꠟꠞ ꠟꠣꠉꠤꠃ ꠙꠥꠞꠘ ꠇꠞꠣ ꠅꠁꠔ ꠘꠣꠄ, ꠎꠦꠞꠣ ꠁꠛ꠆ꠞꠣꠢꠤꠝꠞ ꠁꠝꠣꠘꠞ ꠟꠉꠦ ꠡꠞꠤꠇ, ꠔꠣꠞꠣꠞ ꠟꠣꠉꠤꠅ ꠁ ꠅꠀꠖꠣ ꠙꠥꠞꠣ ꠇꠞꠣ ꠅꠄ।

ꠘꠦꠇ-ꠇꠙꠣꠟꠤ ꠔꠣꠞꠣꠃ, ꠎꠦꠞꠣꠞ ꠘꠣꠚꠞꠝꠣꠘꠤꠞꠦ ꠝꠣꠚ ꠇꠞꠣ ꠅꠁꠍꠦ, ꠝꠣꠛꠥꠖ ꠝꠃꠟꠣꠄ ꠎꠦꠞꠣꠞ ꠉꠥꠘꠣꠞꠦ ꠀꠞ ꠢꠤꠡꠣꠛꠅ ꠗꠞꠔꠣ ꠘꠣꠄ। ꠘꠦꠇ-ꠇꠙꠣꠟꠤ ꠢꠃ ꠎꠘ, ꠎꠣꠞ ꠉꠥꠘꠣꠞꠦ ꠀꠟ꠆ꠟꠣꠄ ꠔꠣꠞ ꠀꠝꠟ-ꠘꠣꠝꠣ ꠕꠣꠇꠤ ꠇꠣꠐꠤ ꠖꠤꠍꠂꠘ।

ꠇꠣꠞꠘ ꠀꠟ꠆ꠟꠣꠞ ꠇꠣꠟꠣꠝꠅ ꠀꠍꠦ, “ꠁꠛ꠆ꠞꠣꠢꠤꠝꠦ ꠀꠟ꠆ꠟꠣꠞ ꠃꠙꠞꠦ ꠁꠝꠣꠘ ꠀꠘꠣꠄ, ꠀꠟ꠆ꠟꠣꠄ ꠔꠣꠘꠞꠦ ꠛꠦ-ꠇꠍꠥꠞ ꠈꠣꠟꠣꠍ ꠇꠁꠀ ꠉꠁꠘ꠆ꠘ ꠇꠞꠟꠣ।”