भजनसंग्रह 132:1-9

हे परमप्रभु! सम्झनु होस्, कसरी दाऊद पीडित भए। दाऊदले परमप्रभुसँग एक प्रतिज्ञा गरेका थिए। दाऊदले याकूबका सर्वशक्तिमान् परमप्रभुसँग शपथ लिएका थिए। दाऊदले भने, “म आफ्नो घरभित्र जाने छैन, म आफ्नो ओछ्यानमा ढल्कने छैन, म सुत्ने छैन, म आफ्नो आँखालाई विश्राम दिने छैन, जबसम्म याकूबको सर्व-शक्तिमान् परमप्रभुको घर बनाउन जमीन पाउँदिन, म ती कुराहरू गर्ने छैन!” एफ्रातामा हामीले त्यसको विषयमा सुनेका थियौं। हामीले किरियथ-योरीम भन्ने ठाउँमा करार पत्रको बाकस पायौ, अब, पवित्र पालतर्फ जाऊँ, त्यस पाऊदानलाई पूजौं जहाँ परमप्रभुले आफ्ना खुट्टाहरू राख्नुहुन्छ। परमप्रभु, आफ्नो विश्राम गर्ने ठाउँबाट उठ्नुहोस्। हे परमप्रभु! तपाईंको शक्तिशाली सन्दूकसित उठ्नु होस्। हे परमप्रभु, तपाईंका पूजाहारीहरू धार्मिकताको पोशाकमा छन्, तपाईंका भक्तजनहरू आनन्दित छन्।