भजनसंग्रह 135:8-14

मिश्रमा उहाँले मानिसहरूका जेठा छोराहरू र पशुहरूका पहिला जन्‍मेका बच्‍चाहरू मार्नुभयो। राजा र उसका भारदारहरूलाई दण्‍ड दिनलाई उहाँले आश्‍चर्य र उदेकका कामहरू गर्नुभयो। उहाँले धेरै जातिहरूलाई नाश पार्नुभयो र शक्तिमान् राजाहरूलाई मार्नुभयो। उहाँले एमोरीहरूका राजा सिहोन, बाशानका राजा ओग र कनानका सबै राजाहरूलाई मार्नुभयो। तिनीहरूका देश उहाँले आफ्‍ना प्रजा इस्राएलहरूलाई दिनुभयो। परमप्रभु, सबै पुस्‍ताहरूले तपाईंलाई याद गर्नेछन् र सदासर्वदा तपाईंलाई परमेश्‍वर भनी घोषणा गर्नेछन्। परमप्रभुले आफ्‍ना प्रजाको रक्षा गर्नुहुनेछ, उहाँले आफ्‍ना सेवकहरूलाई टिठ्याउनुहुनेछ।