उत्‍पत्ति 26:1-5

त्‍यो देशमा अघि अब्राहामको समयमा परेको अनिकालबाहेक अर्को एउटा अनिकाल फेरि पर्‍यो। तब इसहाक पलिश्‍तीहरूका राजा अबीमेलेककहाँ गरारमा गए। परमप्रभुले इसहाकलाई दर्शन दिएर भन्‍नुभएको थियो, “मिश्रमा नजा। यही देशमा बस्। म जहाँ तँलाई बस् भन्‍छु, त्‍यही देशमा बस्। म तँसित रहनेछु र तँलाई आशिष् दिनेछु। यो सारा देश तँलाई र तेरा सन्‍तानलाई दिनेछु। तेरा बुबा अब्राहामसित मैले गरेको प्रतिज्ञा म पूरा गर्नेछु। आकाशमा जति तारा छन्, त्‍यति नै म तँलाई सन्‍तान दिनेछु र यो सारा देश तिनीहरूलाई दिनेछु। मैले तेरो सन्‍तानलाई दिएको जस्‍तो आशिष् अरू सबै जातिहरूले मसँग माग्‍नेछन्। अब्राहामले मेरो वचन मान्‍यो र सबै नियमहरू र आज्ञाहरू पालन गर्‍यो। यसकारण म तँलाई आशिष् दिनेछु।”