အရှင်ယေရှုဘုရား၏ ပုံဥပမာများနမူနာ

ဖာရှိရဲနှင့်အခွန်ခံပုံဥပမာ

ဤပုံဥပမာတွင်၊ ကိုယ်ကုသိုလ်ကို အမှီပြုမလား (သို့) ငါ၏ ကျေးဇူးတော်ကို အမှီပြုမလားဟု အရှင်ယေရှုဘုရားသည် ကျွန်တော်တို့ကို စိန်ခေါ်တော်မူသည်။

ကျွန်တော်တို့၏ ကာယကံ၊ ဝစီကံ၊ မနောကံတို့ကို ပိုမိုကောင်းမြတ်စေဖို့ ကြိုးစားအားထုတ်ရမည်ဖြစ်သည်။ ဤအလွန်ရေးကြီးသောအမှုသည် သန့်ရှင်းစေခြင်းဟု ခေါ်ဝေါ်ပါသည်။ သို့သော်၊ ကျွန်တော်တို့၏ ကာယကံ၊ ဝစီကံ၊ မနောကံအားဖြင့် ကယ်တင်ခြင်းသို့ မရောက်နိုင်ပေ။ ကျွန်တော်တို့သည် ကယ်တင်ခြင်းရရှိခံစားသောကြောင့် ကောင်းသောအမှုတို့ကို ပြုစေတတ်သည်။ ခရစ်တော်မှတစ်ပါး အခြားသောကယ်တင်ရှင်မရှိဘဲ သူကို အမှီမပြုလျှင် အဘယ်သူမျှ ခမည်းတော်ထံသို့ မရောက်ရ။ ကျွန်တော်တို့၏ ကောင်းသောအကျင့်သည် ဘုရားသခင်၏ မေတ္တာတော်ကို ခံယူစေဖို့ မဟုတ်ဘဲ သူ၏ မေတ္တာတော်ကို ရရှိခံစားသောကြောင့် ကောင်းသောအကျင့်ကို ကျင့်တတ်ကြသည်။

ယနေ့၊ ကိုယ်ကုသိုလ်ကောင်းမှုပြုစုသော မာန်မာနဖြင့် ခရစ်တော်ထံ လာနေပါသလား (သို့) ခရစ်တော်၏ ကျေးဇူးတော်ကို ပြုစုသော နှိမ့်ချခြင်းဖြင့် ခရစ်တော်ထံ လာနေပါသလား။ မိမိကုသိုလ်ကံအားဖြင့် ကယ်တင်ခြင်းအကျွတ်တရားသို့ ရောက်တတ်သည်ဟု ယုံကြည်စွဲလမ်းနေပါသလား (သို့) ခရစ်တော်၏ မဟာမေတ္တာကရုဏာတော်မြတ်အားဖြင့် ကယ်တင်ခြင်းအကျွတ်တရားသို့ ရောက်တတ်သည်ဟု ယုံကြည်စွဲလမ်းနေပါသလား။