လုကာကျမ်း 20

အခန်း (၂၀)

ဟဇရသ်အီစာ၏အခွင့်အာဏာကို စစ်ဆေးမေးမြန်းခြင်း

(မဿဲ၊ ၂၁:၂၃-၂၇။ မာကု၊ ၁၁:၂၇-၃၃)

1တစ်နေ့သ၌အီစာသည် “ဗိုင် (က်) တွလ်မုကာဒွတ်စ်” ဝတ်ဗိမာန်တော်တွင်လူတို့အားဆုံးမဩဝါဒပေး၍ သတင်းကောင်းကိုဟောပြောလျက်နေတော်မူစဉ် “အီမာမ်” ရှေ့ဆောင်ချုပ်များနှင့်၊ “အာလဲမ်” ကျမ်းတတ်ဆရာတို့နှင့် “ယဟူဒီ” ဂျူးခေါင်းဆောင်များသည် အထံတော်သို့လာကြ၏။ 2သူတို့က “ကိုယ်တော်သည် ဤအမှုအရာများကို အဘယ်အခွင့်အာဏာနှင့် ပြုတော်မူပါသနည်း။ ထိုအခွင့်အာဏာကို ကိုယ်တော်အားအဘယ်သူပေးပါသနည်း” ဟုလျှောက်ထားမေးမြန်းကြ၏။

3အီစာက “ငါသည်လည်းသင်တို့အား မေးခွန်းတစ်ခုကိုမေးဦးမည်။ 4ယာဟ်ယာ၏နှစ်မြှုပ်ခြင်းသည် အလ္လာဟ်အရှင်မြတ်၏အခွင့်အာဏာအရလော၊ လူတို့၏အခွင့်အာဏာအရလော၊ ငါ့အားဖြေကြားကြလော့” ဟု မိန့်တော်မူ၏။

5သူတို့သည် “အကယ်၍အလ္လာဟ်အရှင်မြတ်၏ အခွင့်အာဏာအရဟုငါတို့ဆိုလျှင် ယဟ်ယာကိုသင်တို့အဘယ်ကြောင့် မယုံကြည်ကြသနည်း ဟုမေးလိမ့်မည်။ 6သို့ရာတွင် လူတို့၏အခွင့်အာဏာအရ ဟုငါတို့ဆိုလျှင် လူအပေါင်းတို့က ယာဟ်ယာကို နဗီတမန်တော်တစ်ပါးဟု အမှန်ပင်ယုံကြည်ကြသဖြင့် ငါတို့အားခဲနှင့်ပေါက်ကြလိမ့်မည်” ဟု အချင်းချင်းဆွေးနွေးကြ၏။

7ထို့ကြောင့်သူတို့က “မည်သူ့အခွင့်အာဏာအရဖြစ်သည်ကို အကျွန်ုပ်တို့မသိပါ” ဟု ဖြေကြားကြ၏။

8ထိုအခါ ဟဇရသ်အီစာက “ငါပြုသည့်အမှုအရာများကို အဘယ်အခွင့်အာဏာအရပြုသည်ကိုလည်း သင်တို့အားငါမပြော” ဟု မိန့်တော်မူ၏။

စပျစ်ဥယျာဉ်မြေငှားရမ်းလုပ်သူများပုံဥပမာ

(မဿဲ၊ ၂၁:၃၃-၄၆။ မာကု၊ ၁၂:၁-၁၂)

9ထို့နောက်အီစာသည် လူတို့အား ဤပုံဥပမာကိုမိန့်ကြားတော်မူ၏။ အီစာက “လူတစ်ယောက်သည်စပျစ်ဥယျာဉ်တစ်ခုကိုစိုက်ပျိုး၍ သီးစားလုပ်သူတို့အားငှားရမ်း၏။ ထို့နောက်နိုင်ငံခြားသို့ ကာလအတော်ကြာသွား၍နေ၏။ 10အချိန်တန်သော်ကျွန်တစ်ယောက်ကို သီစားလုပ်သူများထံသို့စေလွှတ်၍ သီးစားခအဖြစ်စပျစ်ဥယျာဉ်သို့စေလွှတ်၍ စပျစ်သီးအချို့ကိုတောင်းခံစေ၏။ သို့ရာတွင် သီးစားလုပ်သူတို့သည် ထိုကျွန်ကိုရိုက်၍ လက်ချည်းသက်သက်ပြန်လွှတ်လိုက်ကြ၏။ 11ထို့နောက်ဥယျာဉ်ရှင်သည် အခြားကျွန်တစ်ယောက်ကို စေလွှတ်ပြန်၏။ သို့ရာတွင်သီးစားလုပ်သူတို့သည် သူ့ကိုလည်းရိုက်၍အရှက်ခွဲပြီးလျှင် လက်ချည်းသက်သက်ပြန်လွှတ်လိုက်ကြ၏။ 12နောက်တစ်ဖန်ဥယျာဉ်ရှင်သည် တတိယကျွန်ကိုစေလွှတ်၏။ သို့ရာတွင်သီးစားလုပ်သူတို့သည် ထိုကျွန်ကိုလည်းဒဏ်ရာများရစေပြီးနောက် အပြင်သို့နှင်ထုတ်လိုက်ကြ၏။

13ထို့နောက်ဥယျာဉ်ရှင်သည် ငါအဘယ်သို့ပြုရမည်နည်း။ ငါ၏တစ်ဦးတည်းသောသားကိုစေလွှတ်မည်။ သူ့ကိုတွေ့လျှင်စပျစ်ဥယျာဉ်သီးစားလုပ်သူတို့ လေးစားကြပေလိမ့်မည်ဟုဆို၏။

14သို့ရာတွင် ဥယျာဉ်ရှင်၏သားရောက်လာသောအခါ စပျစ်ဥယျာဉ်သီးစားလုပ်သူတို့က ဤသူသည်ဥယျာဉ်ရှင်၏ ‘အမွေစားအမွေခံဖြစ်၏။ ငါတို့ ဥယျာဉ်ကိုအမွေခံရအောင်’ သူ့အားသတ်ကြစို့ဟု အချင်းချင်းဆွေးနွေးပြောဆိုလျက်။ 15ဥယျာဉ်ရှင်၏သားကို ဥယျာဉ်အပြင်သို့ထုတ်ပြီးလျှင် သတ်ပစ်ကြ၏။

ထိုအခါဥယျာဉ်ရှင်သည် စပျစ်ဥယျာဉ်သီးစားလုပ်သူများအား အဘယ်သို့ပြုလိမ့်မည်နည်း။ 16သူသည်လာ၍ထိုသူတို့ကိုသတ်ပြီးသော် စပျစ်ဥယျာဉ်ကိုအခြားသူများသို့ပေးအပ်လိမ့်မည်” ဟု မိန့်တော်မူ၏။

ထိုစကားကိုကြားသောသူတို့က “ဤသို့မဖြစ်စေရန်အလ္လာဟ်အရှင်မြတ်စောင်မတော်မူပါစေ” ဟု ဆိုကြ၏။

17အီစာသည်လူတို့ကိုကြည့်ရှုတော်မူလျက်၊

“‘တိုက်ကိုတည်ဆောက်သူတို့ပယ်ထားသည့်ကျောက်သည်

အရေးကြီးဆုံးဖြစ်သောထောင့်ချုပ်#20:17 ဇဗူရ်၊ ၁၁၈:၂၂ ကိုကြည့်ပါ။ကျောက်ဖြစ်လာရ၏’ ဟူသော ကျမ်းစကား၏အနက်အဓိပ္ပာယ်ကား အဘယ်သို့ဆိုလိုသနည်း။

18ထိုကျောက်အပေါ်သို့ကျသောသူတို့သည် အပိုင်းပိုင်းကျိုးလိမ့်မည်။ သို့သော်ထိုကျောက်အကျခံရသောသူသည် ညက်ညက်ကြေ၍သွားလိမ့်မည်” ဟု မိန့်တော်မူ၏။#20:18 ဤနေရာတွင် ကျောက်သည် အီစာကို ဆန့်ကျင်သည်။ အီစာက သူ့ကို ငြင်းပယ်တဲ့သူတွေ ပျက်စီးရလိမ့်မယ်။

19“အာလဲမ်” ကျမ်းတတ်ဆရာများနှင့် “အီမာမ်” ရှေ့ဆောင်ချုပ်များသည်မိမိတို့ကိုရည်စူး၍ ဤပုံဥပမာကိုမိန့်တော်မူကြောင်းကို သိကြသဖြင့် ချက်ချင်းပင်အီစာကိုဖမ်းဆီးရန်ကြံစည်ကြ၏။ သို့ရာတွင်လူတို့ကိုကြောက်ကြ၏။

အခွန်တော်ဆက်သမှုပြဿနာ

(မဿဲ၊ ၂၂:၁၅-၂၂။ မာကု၊ ၁၂:၁၃-၁၇)

20ထို့ကြောင့်အခွင့်ကောင်းကိုစောင့်နေကြ၏။ သူတို့သည်အီစာ၏စကားတွင်အမှားကိုရှာပြီးလျှင် အီစာအားဘုရင်ခံ၏လက်သို့အပ်နိုင်ရန် သူတော်ကောင်း ဖြစ်ယောင်ဆောင်သောသူလျှိုများကို အထံတော်သို့စေလွှတ်ကြ၏။ 21သူလျှိုတို့က “ဆရာသခင်၊ ကိုယ်တော်ဟောပြောသွန်သင်တော်မူသောအရာများ မှန်ကန်ကြောင်းကိုအကျွန်ုပ်တို့သိပါ၏။ ကိုယ်တော်သည်မျက်နှာကြီးငယ်မလိုက်၊ အလ္လာဟ်အရှင်မြတ်၏တရားလမ်းကိုသာ ဟုတ်မှန်သည်အတိုင်းသွန်သင်တော်မူပါ၏။ 22ဆီဇာဘုရင်ကို အကျွန်ုပ်တို့အခွန်ဆက်သခြင်းသည် ‘ဟရာမ်’ တားမြစ်ထားသောအမှုဖြစ်သလော၊ သို့မဟုတ် မဖြစ်သလော” ဟုမေးလျှောက်ကြ၏။

23အီစာသည်ထိုသူတို့၏ပရိယာယ်ကိုသိမြင်တော်မူသဖြင့်၊ 24“‘ဒေနာရိ’ ဒင်္ဂါး တစ်ပြားကိုငါ့အားပြကြလော့။ ဤဒင်္ဂါးတွင်မည့်သူ့ရုပ်ပုံ၊ မည်သူ့ကမ္ပည်းလိပ်စာပါရှိပါသနည်း” ဟု မေးတော်မူ၏။

သူတို့က “ဆီဇာဘုရင်၏ပုံနှင့်အမည်ပါရှိပါသည်” ဟု ပြန်၍လျှောက်ကြ၏။

25အီစာက “ဆီဇာဘုရင်ပိုင်သည့်အရာကို ဆီဇာဘုရင်အားဆက်ကြလော့။ အလ္လာဟ်အရှင်မြတ်ပိုင်သည့်အရာကို အလ္လာဟ်အားဆက်ကြလော့” ဟု မိန့်တော်မူ၏။

26သူတို့သည် လူတို့ရှေ့၌အီစာ၏စကားတွင် အမှားရှာ၍မရသဖြင့် အီစာဖြေကြားတော်မူပုံကိုအံ့ဩလျက် ဆိတ်ဆိတ်နေကြ၏။

သေခြင်းမှထမြောက်ခြင်းပြဿနာ

(မဿဲ၊ ၂၂:၂၃-၃၃။ မာကု၊ ၁၂:၁၈-၂၇)

27ထို့နောက် ဇဒ္ဒုကဲ#20:27 ဇဒ္ဒုကဲ ဇဒ္ဒုကဲများသည် ဂျူးဘာသာရေးအုပ်စု၏ အမည်ဖြစ်သည်။အချို့တို့သည် အထံတော်သို့ချဉ်းကပ်ကြ၏။ သူတို့ကားသေခြင်းမှပြန်လည်ထမြောက်ခြင်းမရှိဟု ယုံကြည်သူများဖြစ်ကြ၏။ 28သူတို့က “ဆရာသခင်၊ ‘တစ်စုံတစ်ယောက်သည်သားသမီးမရဘဲ သေဆုံးသွားလျှင် ကျန်ခဲ့သည့်ဇနီးကို ညီဖြစ်သူကထိမ်းမြားရမည်။ အစ်ကို၏အမျိုးအနွယ်ကို သူ၏ကိုယ်စားတိုးပွားစေရမည်ဟု အကျွန်ုပ်တို့အား မူစာ၏ရှရီယသ်မှာရေးသားခဲ့ပါသည်’ ဟုဖော်ပြထားပါ၏။ 29အခါတစ်ပါး၌ညီအစ်ကိုခုနှစ်ယောက်ရှိပါ၏။ အစ်ကိုကြီးသည် အိမ်ထောင်ကျသော်လည်း သားသမီးမရ။ 30ထိုသူသေဆုံးသွားသောအခါ သူ့ဒုတိယညီသည် အစ်ကို၏ဇနီးနှင့် အိမ်ထောင်ဆက်ခံခဲ့၏။ ထိုညီသည်သားမရဘဲသေဆုံးပြန်၏။ 31တတိယညီသည်လည်းထိုအမျိုးသမီးနှင့် အိမ်ထောင်ဆက်ခဲ့၏။ ထိုနည်းတူစွာညီအစ်ကိုခုနစ်ယောက်စလုံး သားသမီးမရဘဲသေဆုံးသွားကြ၏။ 32နောက်ဆုံး၌ ထိုအမျိုးသမီးသည်လည်းသေဆုံးလေ၏။ 33ညီအစ်ကိုခုနစ်ယောက်စလုံးပင် သူနှင့်ထိမ်းမြားခဲ့ကြသည်ဖြစ်၍ ကိယာမတ်နေ့တွင် ထိုအမျိုးသမီးသည် မည်သူ၏ဇနီးဖြစ်ပါမည်နည်း” ဟု မေးလျှောက်ကြ၏။

34ဟဇရသ်အီစာက “ဤဘဝ၌လူတို့သည်ထိမ်းမြားခြင်းပြုတတ်ကြ၏။ 35သို့ရာတွင်သေခြင်းမှရှင်ပြန်ထမြောက်၍ ‘အာဟီရသ်’ နောင်တမလွန်သို့ ဝင်ထိုက်သောသူတို့မူကား ထိမ်းမြားစုံဖက်ခြင်းမပြုကြပေ။ 36သူတို့သည် ‘မလာအိကာဟ်’ ကောင်းကင်တမန်များကဲ့သို့ဖြစ်သဖြင့် သေနိုင်ကြမည်မဟုတ်ပေ။ သူတို့သည်သေခြင်းမှပြန်လည်ထမြောက်သူများဖြစ်သောကြောင့် အလ္လာဟ်အရှင်မြတ်၏သားများဖြစ်ကြ၏။ 37မီးလျှံထွက်သည့်ချုံအကြောင်းကိုဖော်ပြရာတွင် မူစာက အလ္လာဟ်အရှင်မြတ်သည် ‘အီဗ်ရာဟိမ်၏ထာဝရအရှင်၊ အစ္စဟာက်၏ထာဝရအရှင်၊ ယအ်ကူးဗ်#20:37 ထွက်မြောက်၊ ၃:၁-၆၏ထာဝရအရှင်ဖြစ်သည်’ ဟုဆို၏။ ထိုသို့ဆိုရာ၌ သေလွန်သောသူတို့ရှင်ပြန်ထမြောက်ကြောင်းကို ဖော်ပြကြောင်းပင်ဖြစ်၏။ 38အလ္လာဟ်အရှင်မြတ်သခင်သည် သေနေသောသူတို့၏အလ္လာဟ်မဟုတ်။ အသက်ရှင်သောသူတို့၏ အလ္လာဟ်ဖြစ်တော်မူ၏။ ထိုသူအပေါင်းတို့သည် အလ္လာဟ်အရှင်မြတ်သခင်၌ အသက်ရှင်ကြသည်ဟု” မိန့်တော်မူ၏။

39အချို့သော အာလဲမ်တို့က “ဆရာသခင်၊ ကိုယ်တော်မိန့်တော်မူသောစကားတို့သည် လျောက်ပတ်ပါသည်” ဟုလျှောက်ထားကြ၏။ 40“အာလဲမ်” ကျမ်းတတ်ဆရာတို့သည်ထပ်မံ၍ အီစာအားမမေးမလျှောက်ဝံ့ကြ။

“အလ်မစီးဟ်” အကြောင်းမေးမြန်းခြင်း

(မဿဲ၊ ၂၂:၄၁-၄၆။ မာကု၊ ၁၂:၃၅-၃၇)

41အီစာသည် ထိုသူတို့အား သခင်အလ်မစီဟ်သည် ဒါဝူဒ်၏သားမြေးဖြစ်သည်ဟု အဘယ်ကြောင့်ဆိုကြသနည်း။

42“‘အလ္လာဟ်အရှင်မြတ်သည် ငါ့သခင်အား မိန့်တော်မူသော ဇဗူရ်ကျမ်းတော်မြတ်၌ဒါဝူဒ်သည်

ငါ့လက်ယာဘက်၌ထိုင်နေလော့ဟူအရှင်အား မိန့်တော်မူ၏ ဟုဆို၏။

43ငါသည် သင်၏ရန်သူများကို

သင့်ခြေတင်ခုံဖြစ်စေမည်’ ဟု၍ဖြစ်၏။#20:43 “ဇဗူရ်” ဆာလံ၊ ၁၁၁:၁

44ဒါဝူဒ်သည် အလ်မစီးဟ်ကိုအရှင်ဟုခေါ်သည်ဖြစ်ရာ ‘အလ်မစီးဟ်’ သည်ဒါဝူဒ်၏သားမြေးအဘယ်သို့ ဖြစ်နိုင်မည်နည်း” ဟု မေးတော်မူ၏။

“အာလဲမ်” ကျမ်းတတ်ဆရာတို့ကိုသတိနှင့်ရှောင်ကြ

(မဿဲ၊ ၂၃:၁-၃၆။ မာကု၊ ၁၂:၃၈-၄၀)

45အီစာသည် လူပရိသတ်များနားထောင်နေစဉ် သူသည် သူ့ “ဆွာဟာဗီ” တပည့်တော်တို့အား၊ 46“အာလဲမ်တို့ကိုသတိနှင့်ရှောင်ကြလော့။ သူတို့သည်ဝတ်လုံများ ကိုဝတ်၍သွားလာလိုကြ၏။ ဈေးများတွင် စလာမ်ပေးခြင်းကိုခံလိုကြ၏။ ဝတ်ကျောင်းတော်များတွင် သီးသန့်ထားသောနေရာများကိုလည်းကောင်း၊ ပွဲသဘင်များတွင်အကောင်းဆုံးသောနေရာထိုင်ခင်းများကိုလည်းကောင်း နှစ်သက်ကြ၏။ 47မုဆိုးမများ၏အိမ်များကို မတရားသိမ်းယူပြီးလျှင် လူအထင်ကြီးစေရန် ရှည်လျားစွာ ‘ဒိုအာ’ ဆုတောင်းတတ်ကြ၏။ သူတို့သည်ပို၍ကြီးလေးသော အပြစ်ဒဏ်ကိုခံရကြလိမ့်မည်” ဟု မိန့်တော်မူ၏။

လက်ရှိရွေးချယ်ထားမှု

လုကာကျမ်း 20: MBe

အရောင်မှတ်ချက်

ကူးယူ

နှိုင်းယှဉ်

မျှဝေရန်

မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ

Musselmani Burmese Bible by Beyond Translation is licensed under Creative Commons Attribution-ShareAlike 4.0 License.

လုကာကျမ်းအင်ဂျီလ်ကျမ်းတော်မြတ် အကြောင်းကို ပို၍ သင်ယူပါ။