مَتّایِ انجیل 9
9
ایفلیجِ مرداک شفا
1پس عیسی لوتکایَ سوارَ بوست و اُ طرفِ دریا، خو شار بُشو. 2بازون ایتا ایفلیجِ مرداکَ کی تختِ سر خوفته بو، اونِ ورجه باوردید. عیسی وقتی اَشانِ ایمانَ بیده، ایفلیجَ بگفت: «تی دیل قرص ببه، می زای، تی گُنائان ببخشه بُبوست!» 3هه موقع، بعضی جه توراتِ آموجگاران خوشانِ مرا بگفتید: «اَ مردای کُفر گِه.» 4ولی عیسی کی دانستی اوشانِ سر درون چی دَره، بگفت: «چره اَطو پلیدِ فیکر شیمی دیلِ درون راه دیئیدی؟ 5کویتَا گُفتار سأله: ”تی گُنائان ببَخشه بُبوست،“ یا اَن کی ”ویریز و راه بوشو“؟ 6ولی اَنِ واسی کی بدانید انسانِ پسر، اَ قدرتَ دَره کی زمینِ سر، گُنائانَ ببَخشه» - ایفلیجِ مرداکَ بگفت: - «ویریز، تی جیگایِ اوسان و بخانه بوشو.» 7اُ مردای ویریشت و بخانه بُشو. 8وقتی مردوم اَ ایتفاقَ بیده ئید، بترسه ئید و خُدایَ ستایش بُکودید کی اَجور قدرتی آدمانَ ببَخشه.
عیسی متّی یَ دعوت کونه
9وقتی عیسی اویایَ تَرکا کود، ایتا مرداکَ بیده مَتّی نام، کی خراجگیری دکّه درون نیشته بو. اونَ بگفت: «می دُمبال بیا!» متّی ویریشت و اونِ دُمبال را دکفت.
10ایتا روج عیسی مَتّی خانه سُفره سر نیشته بو کی خَیلی جه خراجگیران و گُناکاران باموئید و عیسی و اونِ شاگردانِ مرا هم سُفره بُبوستید. 11وقتی فَریسی فرقه عالمان اَنه بیده ئید، اونِ شاگردانَ بگفتید: «چره شیمی اوستاد خراجگیران و گُناکاران مرا غذا خوره؟» 12وقتی عیسی اَنه بیشتاوست، بگفت: «ناخوشان ایسید کی مُختاج طبیبید، نه جان ساقان. 13بیشید و اَ گفتارِ معنیَ بفهمید کی ”رحمتَ خوائم، نه قربانیَ.“ چون من ناموم کی صالحانَ، بلکی گُناکارانَ دعوت بُکونم.»
واوَرسِئن روزه واسی
14بازون یحیی شاگردان، عیسی ورجه باموئید و بگفتید: «چره اَمان و فَریسیان روزه گیریم، ولی تی شاگردان روزه نیگیریدی؟» 15عیسی جواب بدَه: «مگه بِه عروسی مِیمانان تا اُ زمات کی دولید اَشانِ اَمرایه، عزاداری بُکونید؟ ولی زماتی خوائه فارسِئن کی دولید اَشانِ جا فیگیفته بِه، اُ زمات روزه خوائید گیفتن. 16هیکّس تازه پارچه یَ ژندره رخت مرا پینیک نزنه، چونکی اَ پینیک، رختِ جا بکَنده بِه و ویشتر پاره بِه. 17و تازه شراوَم کُهنه خیکان درون دُنکونیدی، چونکی خیکان واتلاخیدی و شراو فیوه و خیکان از بین شیدی. تَازه شراوَ تازه خیکان درون دُکونیدی تا هر دو، سالم بمانید.»
ناخوش زناکِ شفا دَئن و یایروس کُرِ زنده کودن
18هو موقع کی عیسی اَ گبانَ اوشانِ ره زئن دوبو ایتا جه رئیسان، اونِ ورجه بامو و اونِ جُلُو زانو بزه و بگفت: «می کُرِی الان بمَرد. با اَ حال بیا و تی دَسَ اونِ سر بنه کی زنده خوائه بوستن.» 19عیسی ویریشت و خو شاگردانِ مرا اونِ دُمبال بُشو. 20هو موقع، ایتا زنای کی دوازده سال خونشویی جا زجر کشه ئی، جه پوشتِ سر خوره عیسیَ فارسانه و اونِ قبا پَرِه یَ دَس فاکشه. 21چونکی اُ زنای خو مرا بگفته بو: «اَگه حتی اونِ قبا پَره یَ دَس بزنم، شفا گیرم.» 22عیسی واگردَست، اونَ بیده و بگفت: «کُر جان، تی دیل قرص ببه، تی ایمان تره شفا بدَه.» هو وقت، زنای شفا بیگیفت. 23وقتی کی عیسی اُ رئیس خانه درون بُشو و مرثیه خانان و اوشانی کی گریه و زاری کودن دیبیدَ بیده، 24بگفت: «بیشید بیرون. کُر نمَرده بلکی خوفته.» ولی اوشان اونَ خنده بُکودید. 25وقتی مردومَ بیرونَ کودید، عیسی بدرون بُشو و کُرِ دَسَ بیگیفت و کُر ویریشت. 26اَ ایتفاقِ خبر، سراسر اُ منطقه پخشَ بو.
دوتا کورِ شفا
27وقتی کی عیسی جه اویا شئون دوبو، دو تا کورِ مردای تأدی مرا اونِ دُمبال بُشوئید و داد زِئید: «اَی داوودِ پسر، امرا رحم بُکون!» 28وقتی عیسی خانه بدرون بامو، اُ دو تا کورِ مردای اونِ ورجه باموئید. عیسی اَشانِ جا واورسه: «ایمان دَریدی کی تَانم اَ کارَ بُکونم؟» جواب بدَه ئید: «بله، آقا!» 29بازین عیسی اوشانِ چومانِ سر دَس فاکشه و بگفت: «بنا به شیمی ایمان شمرأ انجام ببه.» 30هوموقع اَشانِ چومان وازَ بو. عیسی اوشانَ تأکید بُکود و بگفت: «بپائید هیکّس جه اَ جریان واخُب نبه.» 31ولی هُطوکی خانه جا بیرون بُشوئید هرکیَ فارسه ئید اَ جریانَ واگویا بُکودید.
32هو موقع کی اوشان بیرون شئون دیبید، ایتا دیو بزه مرداکَ کی لال بو، عیسی ورجه باوردید. 33وقتی عیسی دیوَ اونِ جا بیرون تَوَدَه، اُ لال مرداکِ زوان وازَ بوست. مردوم غاغا بوستید و بگفتید: «اَطوچی هرگس اسرائیل درون بیده نُبوسته!» 34ولی فَریسیان بگفتید: «اون دیوانِ پیله ترِ یاری مرا، دیوانَ بیرون تَوَدِه.»
کارگران کَمید
35عیسی تمانِ شاران و دهاتانِ درون گَردَستی و اوشانِ عبادتگائانِ درون مردومَ آموختی و پادشائی خُب خبرَ دئی و هر ناخوشی و دردیَ شفا بخشه ئی. 36وقتی کی هَن هزار آدمَ بیده، اونِ دیل اَشانِ ره بُسوخت چونکی گوسفندانِ بی چوپانِ مانستن، پریشان و درمانده بید. 37پس خو شاگردانَ بگفت: «محصول فراوانه، ولی کارگر کم. 38پس، صاب محصولِ جا بخوائید، خو محصولِ بِئِن ره،کارگران اوسِه کونه.»
လက်ရှိရွေးချယ်ထားမှု
مَتّایِ انجیل 9: GIL
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
@ 2024 Korpu Company
مَتّایِ انجیل 9
9
ایفلیجِ مرداک شفا
1پس عیسی لوتکایَ سوارَ بوست و اُ طرفِ دریا، خو شار بُشو. 2بازون ایتا ایفلیجِ مرداکَ کی تختِ سر خوفته بو، اونِ ورجه باوردید. عیسی وقتی اَشانِ ایمانَ بیده، ایفلیجَ بگفت: «تی دیل قرص ببه، می زای، تی گُنائان ببخشه بُبوست!» 3هه موقع، بعضی جه توراتِ آموجگاران خوشانِ مرا بگفتید: «اَ مردای کُفر گِه.» 4ولی عیسی کی دانستی اوشانِ سر درون چی دَره، بگفت: «چره اَطو پلیدِ فیکر شیمی دیلِ درون راه دیئیدی؟ 5کویتَا گُفتار سأله: ”تی گُنائان ببَخشه بُبوست،“ یا اَن کی ”ویریز و راه بوشو“؟ 6ولی اَنِ واسی کی بدانید انسانِ پسر، اَ قدرتَ دَره کی زمینِ سر، گُنائانَ ببَخشه» - ایفلیجِ مرداکَ بگفت: - «ویریز، تی جیگایِ اوسان و بخانه بوشو.» 7اُ مردای ویریشت و بخانه بُشو. 8وقتی مردوم اَ ایتفاقَ بیده ئید، بترسه ئید و خُدایَ ستایش بُکودید کی اَجور قدرتی آدمانَ ببَخشه.
عیسی متّی یَ دعوت کونه
9وقتی عیسی اویایَ تَرکا کود، ایتا مرداکَ بیده مَتّی نام، کی خراجگیری دکّه درون نیشته بو. اونَ بگفت: «می دُمبال بیا!» متّی ویریشت و اونِ دُمبال را دکفت.
10ایتا روج عیسی مَتّی خانه سُفره سر نیشته بو کی خَیلی جه خراجگیران و گُناکاران باموئید و عیسی و اونِ شاگردانِ مرا هم سُفره بُبوستید. 11وقتی فَریسی فرقه عالمان اَنه بیده ئید، اونِ شاگردانَ بگفتید: «چره شیمی اوستاد خراجگیران و گُناکاران مرا غذا خوره؟» 12وقتی عیسی اَنه بیشتاوست، بگفت: «ناخوشان ایسید کی مُختاج طبیبید، نه جان ساقان. 13بیشید و اَ گفتارِ معنیَ بفهمید کی ”رحمتَ خوائم، نه قربانیَ.“ چون من ناموم کی صالحانَ، بلکی گُناکارانَ دعوت بُکونم.»
واوَرسِئن روزه واسی
14بازون یحیی شاگردان، عیسی ورجه باموئید و بگفتید: «چره اَمان و فَریسیان روزه گیریم، ولی تی شاگردان روزه نیگیریدی؟» 15عیسی جواب بدَه: «مگه بِه عروسی مِیمانان تا اُ زمات کی دولید اَشانِ اَمرایه، عزاداری بُکونید؟ ولی زماتی خوائه فارسِئن کی دولید اَشانِ جا فیگیفته بِه، اُ زمات روزه خوائید گیفتن. 16هیکّس تازه پارچه یَ ژندره رخت مرا پینیک نزنه، چونکی اَ پینیک، رختِ جا بکَنده بِه و ویشتر پاره بِه. 17و تازه شراوَم کُهنه خیکان درون دُنکونیدی، چونکی خیکان واتلاخیدی و شراو فیوه و خیکان از بین شیدی. تَازه شراوَ تازه خیکان درون دُکونیدی تا هر دو، سالم بمانید.»
ناخوش زناکِ شفا دَئن و یایروس کُرِ زنده کودن
18هو موقع کی عیسی اَ گبانَ اوشانِ ره زئن دوبو ایتا جه رئیسان، اونِ ورجه بامو و اونِ جُلُو زانو بزه و بگفت: «می کُرِی الان بمَرد. با اَ حال بیا و تی دَسَ اونِ سر بنه کی زنده خوائه بوستن.» 19عیسی ویریشت و خو شاگردانِ مرا اونِ دُمبال بُشو. 20هو موقع، ایتا زنای کی دوازده سال خونشویی جا زجر کشه ئی، جه پوشتِ سر خوره عیسیَ فارسانه و اونِ قبا پَرِه یَ دَس فاکشه. 21چونکی اُ زنای خو مرا بگفته بو: «اَگه حتی اونِ قبا پَره یَ دَس بزنم، شفا گیرم.» 22عیسی واگردَست، اونَ بیده و بگفت: «کُر جان، تی دیل قرص ببه، تی ایمان تره شفا بدَه.» هو وقت، زنای شفا بیگیفت. 23وقتی کی عیسی اُ رئیس خانه درون بُشو و مرثیه خانان و اوشانی کی گریه و زاری کودن دیبیدَ بیده، 24بگفت: «بیشید بیرون. کُر نمَرده بلکی خوفته.» ولی اوشان اونَ خنده بُکودید. 25وقتی مردومَ بیرونَ کودید، عیسی بدرون بُشو و کُرِ دَسَ بیگیفت و کُر ویریشت. 26اَ ایتفاقِ خبر، سراسر اُ منطقه پخشَ بو.
دوتا کورِ شفا
27وقتی کی عیسی جه اویا شئون دوبو، دو تا کورِ مردای تأدی مرا اونِ دُمبال بُشوئید و داد زِئید: «اَی داوودِ پسر، امرا رحم بُکون!» 28وقتی عیسی خانه بدرون بامو، اُ دو تا کورِ مردای اونِ ورجه باموئید. عیسی اَشانِ جا واورسه: «ایمان دَریدی کی تَانم اَ کارَ بُکونم؟» جواب بدَه ئید: «بله، آقا!» 29بازین عیسی اوشانِ چومانِ سر دَس فاکشه و بگفت: «بنا به شیمی ایمان شمرأ انجام ببه.» 30هوموقع اَشانِ چومان وازَ بو. عیسی اوشانَ تأکید بُکود و بگفت: «بپائید هیکّس جه اَ جریان واخُب نبه.» 31ولی هُطوکی خانه جا بیرون بُشوئید هرکیَ فارسه ئید اَ جریانَ واگویا بُکودید.
32هو موقع کی اوشان بیرون شئون دیبید، ایتا دیو بزه مرداکَ کی لال بو، عیسی ورجه باوردید. 33وقتی عیسی دیوَ اونِ جا بیرون تَوَدَه، اُ لال مرداکِ زوان وازَ بوست. مردوم غاغا بوستید و بگفتید: «اَطوچی هرگس اسرائیل درون بیده نُبوسته!» 34ولی فَریسیان بگفتید: «اون دیوانِ پیله ترِ یاری مرا، دیوانَ بیرون تَوَدِه.»
کارگران کَمید
35عیسی تمانِ شاران و دهاتانِ درون گَردَستی و اوشانِ عبادتگائانِ درون مردومَ آموختی و پادشائی خُب خبرَ دئی و هر ناخوشی و دردیَ شفا بخشه ئی. 36وقتی کی هَن هزار آدمَ بیده، اونِ دیل اَشانِ ره بُسوخت چونکی گوسفندانِ بی چوپانِ مانستن، پریشان و درمانده بید. 37پس خو شاگردانَ بگفت: «محصول فراوانه، ولی کارگر کم. 38پس، صاب محصولِ جا بخوائید، خو محصولِ بِئِن ره،کارگران اوسِه کونه.»
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
@ 2024 Korpu Company