Amatayo 1
1
Chilagwa cha Ayesu Kilisto
Aluka 3:23-38
1Gangani nga mahina ga chilagwa cha Ayesu Kilisto, mwana bha Adaudi na mwana bha Aaibulahimu, 2Aaibulahimu akaabheleka Aisaka, na Aisaka akaabheleka Ayakobo, na Ayakobo akaabheleka Ayuda na akaanung'una bhabhenji, 3Ayuda akaabheleka Apelesi na Azela yakubhehe anyongo bhabhenji akibha Atamali, na Apelesi akaabheleka Ahesilomu, na Ahesiloni akaabheleka Aalamu. 4Aalamu akaabheleka Aaminadabu, na Aaminadabu akaabheleka Anashoni, na Anashoni akaabheleka Asalumoni, 5Asalumoni akaabheleka Aboazi, na anyongo bhabhe Aboazi akibha Alahabu, Aboazi na Alutu bhakibhanga akaabhelei bha Aobedi, na Aobedi akaabheleka Ayese,
6Ayese akaabheleka amwana yakubhee akibha Amwenye Adaudi. Adaudi akaabheleka Asolomoni, yakubhee anyongo bhabhe nga jonijola jwaakibha hanu bha Aulia. 7Asolomoni akaabheleka Alehoboamu, na Alehoboamu akaabheleka Aabiya, na Aabiya akaabheleka Aasa, 8Aasa akaabheleka Ayehoshafati, na Ayehoshafati akaabheleka Ayolamu, na Ayolamu akaabheleka Auzia, 9Auzia akaabheleka Ayotamu, na Ayotamu akaabheleka Aahazi, na Aahazi akaabheleka Ahezekia, 10Ahezekia akaabheleka Amanase, na Amanase akaabheleka Aamoni, na Aamoni akaabheleka Ayosia, 11Ayosia akaabheleka Ayekonia na akaanung'una bhabhenji. Gono gukibha muda Bhayahudi chibhakapelekwanga kuhamilanga ku Babeli. 12Bhayahudi pabhakibhanga kuubhanda ku Babeli, Ayekonia akaabheleka mwana Ashelitieli, na Ashelitieli akaabheleka Azelubabeli, 13Azelubabeli akaabheleka Abiudi, na Abiudi akaabheleka Aeliakimu, na Aeliakimu akaabheleka Aazoli, 14Aazoli akaabheleka Azadoki, na Azadoki akaabheleka Aakimu, na Aakimu akaabheleka Aeliudi, 15Aeliudi akaabheleka Aeleazali, na Aeleazali akaabheleka Amatani, na Amatani akaabheleka Ayakobo, 16na jonojwe Ayakobo akaabheleka Ayusufu, na habha Ayusufu akibha hangwana bhabhe Amalia, na habha Amalia nga jwakaabheleka Ayesu, bhakemitwa Kilisto. 17Bahi, penapo kukabhehe na ibhelei komi na ncheche kubhoka Aaibulahimu mpaka Adaudi, ibhelei komi na ncheche kubhoka Adaudi mpaka Bhayahudi chibhakatolekwa akaabhanda ku Babeli, na ibhelehi komi na ncheche kubhoka kutolekwa akaabhanda mpaka muda gwa kubhelekwa kwa Kilisto.
Kubhelekwa kwa Ayesu Kilisto
Aluka 2:1-7
18Bahi, kubhelekwa kwa Ayesu Kilisto kukabhehe henela, Amalia anyongo bhabhe Ayesu akibha alombwite na Ayusufu. Nambo akibha tangu akakongana na kutama pamo handa analome na haikege, Amalia akabhonekana abhi na chitumbo kwa uwecho gwa Mboomo ja Annoongo. 19Kwa kubhehe Ayusufu nga analome jwaakibha aalombite Amalia jwaakibha mundu jwa majendelo gammbone, jwangapala kwaalekela honi palundwaje, henela akapala kwaaleka kwa kuchiiya. 20Paakibha tangu atenda kuganikia ngani hejo, antumichi jwa kunani kwa Hangwana akaabhokela mu agamii, na kwaalobholela, “Ayusufu, mwana jwa Adaudi, nkotokujogopa kwaapetula Amalia abhee hanu jwinu, maana gakwe atekola chitumbo kwa uwecho ga Mboomo Ja Annoongo. 21Na jonojwe apakuchijogola mwana analome, mpakunkema lihina lyabhe Ayesu, maana gakwe jonojwe nga jwapakwabhohanga bhandu bhabhe mu mabohu gabhenji.” 22Bahi, genego goha gapitila ili likweele lyela lilobhe lya Hangwana lilikalongelwa kwa ndela ja alondohi bha Annoongo kubhee, 23“Mwaali jwangaamanya analome apakola chitumbo na apakubheleka mwana mwanalome, na bhenebho bhandu bhapakwaakema liina Aemanueli” Maana gakwe, “Annoongo pamo na tweenga” 24Henela, Ayusufu akajimuka kubhoka mu lugono na akatenda handa antumichi bha kunani kwa Annoongo chibhakaalobholela, akaapetula Amalia kubhee hanu bhabhe. 25Nambo Ayusufu jwangatyanga nabho Amalia mpaka chibhakachijogola mwana analome, na jonojwe Ayusufu akaapekea mwana jonojwe lihina lyakwe Ayesu.
လက်ရှိရွေးချယ်ထားမှု
Amatayo 1: NTNHBL
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
The New Testament in Ndondehamba Language ©The Word for the World International and Ndondehamba Language Translation, All rights reserved.
