Ịzakaraya 6
6
Etore ịkẹkẹ ịrẹkụ ẹẹna
1Ịzakaraya ka ọnị ô re ẹtẹ ọsa. Ọnị ô re ịkẹkẹ ịrẹkụ ẹẹna ana aa tụ̀ hụụnị akakana ataba enyusẹ ẹẹva. 2#Ẹtẹ 6.4; Ẹtẹ 6.5Umaata ovivi ê tụra ịkẹkẹ ịpaapa, di umaata ojooji ọnị ree tụra ịkẹkẹ ọhụva nị. 3#Ẹtẹ 6.2Umaata ọvwọọvụ ê tura ọhụta, dị umaata ana da achẹrẹ poto-poto ê tura ịkẹkẹ ọhụna nị. 4Ịzakaraya ộ họ̀ anggẹẹrị ene beri ọ ka ịrẹyị, dị ọ ka, “sị ẹ vị iruvo ịsa ẹnẹnị nda?” 5#Ẹtẹ 7.1Dị anggẹẹrị tụ́ ohi, dị ọ ka, Ẹnị ẹyịna vị ụhwẹ ana hụrị ẹbẹẹba chi vẹ. Ẹnịnị vị ana aa jịnẹ tụ́ ẹhẹ ịrẹma ọnị ẹ raà jẹẹ ọvịdị Ẹnẹyịmavara ana nyị ẹhẹ ọnọnị. 6Ịkẹkẹ ịrẹkụ ọnị umaata anị nịnị vi oji vi ana nọ eyi ẹbẹẹba ẹtẹ Ịbabịrọnị, dị ọnị umaata anị nịnị da achẹrẹ poto-poto vị ana nọ eyi ụvẹtẹ. 7Umaata ana achẹrẹ poto-poto maa jịnẹ tụ́ ẹhẹ, dị ẹ yaa ha eyi ka eni e nee chire ẹtẹ ahụ nị. Dị anggẹẹrị kà, ẹ na ne chire ẹtẹ ahụ, dị ệ na nị. 8Dị anggẹẹrị ọnọọ nowu hị́ Ịzakaraya, dị ọ kà, “Re, ẹnị ana nọ eyi ẹbẹẹba ẹtẹ Ịbabịrọnị ẹ raà sị ayị Ẹnẹyịmavara nẹtẹ.”
Ohirẹsụ Irehi Ohomorihi ọnịrị ohinọyị
9Ẹnẹyịmavara ộ ka ịrẹyị yị Ịzakaraya. 10Ọ kà a Ịzakaraya ọ dọ ẹyịza Iheridayi, Itobaya, ọnịrị Ijedaya ana hụrẹ Ịbabịrọnị varẹma vẹ eehi, obobooro ọnọọ ọ sị nọ ịnị eehi Ijosaya ozi Ịzẹhwanaya. 11Ijosaya ọ sị isiriva ọnịrị igooru ọnọọ mẹ amu ohinọyị ku Ijosuwa ozi Ijehozadaki ana vị ohirẹsụ Irehi Ohomorihi ọbanyị. 12#Ijer 23.5; 33.15; Iza 3.8Dị ọ kà yọ ka Ẹnẹyịmavara Ochẹtẹẹngụ ka: ọnọrụ ana aa hị́ avọ avọọ vaa yara ịzị ọ ya. Ọnị ọ vaa da irehi Ẹnẹyịmavara nị. 13Ọnị ọ vaa da irehi ọnọọ, dị ọ rị ohinọyị. Ọ vaa mẹ ịjọva tụra aza anị ịrẹsụ nị ohirẹsụ irehi Ohomorihi vaa jẹẹ pe e, dị ẹ vabẹ aa mẹ̀ ụkọrọ ịnị ẹngwọọrọ. 14Amu ohinọyị ọnọọ vị ana vaa sị tamayị Iheremi, Itobaya ọnịrị Ijedaya beri Iheni ozi Ịzẹhwanaya ịnị irehi Ohomorihi. 15Aza ana ra aha onooze vaa vẹ va tenyi irehi Ẹnẹyịmavara, ịjị aa sị ọ da a, aza vaa yẹ ka Ẹnẹyịmavara Ochẹtẹẹngụ ọ tụ́ ọnị nị. Ịsa ọnọnị vaa mẹ ẹnịnị ẹ̀ẹ saasa ọda Ẹnẹyịmavara Ohomorihi ẹnịnị.
လက်ရှိရွေးချယ်ထားမှု
Ịzakaraya 6: EBTP
အရောင်မှတ်ချက်
ကူးယူ
နှိုင်းယှဉ်
မျှဝေရန်
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Ebira First Bible © Bible Society of Nigeria, 2014.