ရှင်ဧလိရှဲ၏ ထူးဆန်းလှသော သဒ္ဓါယုံကြည်ခြင်းနမူနာ

(၄ရာ၊ ၆း၈-၂၃) တွင်၊ ရှုရိရှင်ဘုရင်သည် ရှင်ဧလိရှဲအား ဖမ်းဆီးရန် ကြိုးစားခဲ့ပါသည်။ အကြောင်းမှာ၊ ရှင်ဧလိရှဲအားဖြင့် ဣသရေလစစ်တပ်သည် ရှုရိစစ်တပ်မတော်ကို နိုင်သွားခဲ့ပါသည်။ ရှုရိဘုရင်သည် ဣသရေလကို တိုက်ခိုက်ရန် ကြိုးပမ်းတိုင်း၊ ရှင်ဧလိရှဲသည် ဣသရေလဘုရင်အား သဘာဝအလွန်နည်းများဖြင့် သတိပေး၍ ရှုရိရှင်ဘုရင်၏ အကြံအစည်များကို ပျက်ပြားစေခဲ့ပါသည်။ တစ်ချိန်မှာ၊ ဘုရားသခင့်လူ၏ ကျွန်သည် ထ၍ ပြင်သို့ ထွက်သောအခါ၊ မြင်းစီးသူရဲ၊ ရထားစီးသူရဲ၊ ဗိုလ်ခြေတို့သည် မြို့ကို ဝိုင်းလျက် ရှိကြသည်ဖြစ်၍၊ အို သခင်၊ အဘယ်သို့ ပြုရပါမည်နည်းဟု မိမိသခင် ရှင်ဧလိရှဲအား ဆို၏။ ရှင်ဧလိရှဲက မစိုးရိမ်နှင့်။ ငါတို့ဘက်၌ နေသောသူတို့သည် ရန်သူတို့ဘက်၌ နေသောသူတို့ထက် သာ၍များကြသည်ဟု ဆိုလျက်၊ အို ထာဝရဘုရား၊ ဤသူသည် မြင်နိုင်မည်အကြောင်း သူ၏ မျက်စိကို ဖွင့်တော်မူပါဟု ဆုတောင်းသည်အတိုင်း၊ ထာဝရဘုရားသည် ထိုလုလင်၏ မျက်စိကို ဖွင့်တော်မူသဖြင့်၊ ဧလိရှဲပတ်လည်၌ တစ်တောင်လုံးသည် မီးမြင်း၊ မီးရထားနှင့် ပြည့်သည်ကို မြင်လေ၏။ ၎င်းအမှုအားဖြင့် ရှင်ဧလိရှဲ၏ ကျွန်သည် ဘုရားသခင်၏ အလွန်နီးကပ်သော မဟာတန်ခိုးတော်ကို မြင်ရှုအခွင့်ရခဲ့သောကြောင့် ရှေ့ဆက်သွားဖို့ လိုအပ်သော ရဲရင့်သတ္တိနှင့် ယုံကြည်ခြင်းကို ပြုစုခဲ့ပါသည်။

တစ်ခါတစ်ရံမှာ၊ ကျွန်တော်တို့သည် ရှင်ဧလိရှဲ၏ ကျွန်ကဲ့သို့ ဖြစ်ပြီး မိမိဓမ္မစက္ခုကို ကွယ်လျက် မြင်ရန်လိုအပ်သောအရာတစ်ခုကို မမြင်နိုင်သောကြောင့် စိတ်ပျက်ခြင်းသို့ ရောက်တတ်ပါသည်။ မိမိဓမ္မစက္ခုကွယ်ခြင်းဖြင့် မိမိစွဲလမ်းခြင်း၊ မိမိအတ္တနှင့် မိမိဒွိဟစိတ်ကို မမြင်နိုင်ဘဲလျက် နေတတ်ပါသည်။ ဘုရားသခင်ကို စိတ်နှလုံးအကြွင်းမဲ့ ချစ်နေပါသလား (သို့) မိမိဓမ္မစက္ခုကွယ်ခြင်းဖြင့် မိရိုးဖလားခရစ်ယာန်တစ်ယောက် ဖြစ်နေပါသလား။ မည်သို့ပင်ရှိသည်ဖြစ်ပါစေ၊ မိတ်ဆွေသည် သမ္မာတရားကို သိမြင်စေခြင်းငှာ အရှင်ယေရှုဘုရား၏ မျက်နှာ၌ ထွန်းလင်းသော ဘုရားသခင်၏ ဘုန်းတော်ကို သိသောဉာဏ်၏ အရောင်ကို ပေးလိုသောငှာ၊ ကျွန်တော်တို့စိတ်နှလုံးထဲ၌ အလင်းကို ထွန်းလင်းစေတော်မူ၏။ ထို့ကြောင့်၊ မိမိ၏ ဓမ္မစက္ခုကို ဖွင့်ပေးစေရန် ဘုရားသခင်ထံ ဆုတောင်းပတ္ထနာ ပြုလိုက်ပါ။ မိတ်ဆွေသည် မိမိဓမ္မစက္ခုဖြင့် မည်သို့မြင်လိုနေပါသနည်း။ မိမိ၏ ဓမ္မစက္ခုကို ဖွင့်စေဖို့ မည်သို့လုပ်ရမနည်း။