1 Kɔlɛntiɛ́ŋ 13
13
Gubíléne bɔsɔ́gɔ́
1Ta ngálá megélídié má bunyɛ band na má ɛngɛlɛs, ímáal ndibiánán ɛlɛ́ga, inyɛ nŋóŋ igélígelié, ta ɔ́g ká ebenge úgálágalá. 2Ímébuse moóny agá ɔfɛ́n wá Gɔdányá, nsɔ́ŋɔ́na ubú búnyá buɔsɛ́gɔ́n, mbianan gɔlɛns gidigid, mbianan guádáb gúnyá duúmé gúmfánaná magɛ́nda má gúbála dɔgɔnd, ímáal ndibiánán ɛlɛ́ga, ndɛbá ta buanda. 3Ímɔ́gɔ́l bunɛ́m bám gidigid ká yáfaan band bádiábiánáná yond nnɛɛn nuɔ́l ká nuɔ́bɛ́g, mmáal ndibiánán ɛlɛ́ga, ndɛgúdáŋába ta buanda.
4Mɔnd ulɛ́ganá bɔsɔ́gɔ́ guɔ́mínɔ́n, uguála bɔsɔ́gɔ́ bɛnɔ́g bá manda, udibá na yág, udigúbiɔ́yɔ, udigúbíbúlígényi, 5udiguála manda má ɔduɔ́ gɔnɔ́, udigúbídága gɔɔ́gɔ́ manda médúgúnené wɔ́ uwɔ́ eŋényé gusúg, udɛguɔ́bɔn ilób, udɛgɔ́bɛ́dɛ́ganɛn agág gá ɔdɛm, 6udigúbísimenyi buanda bá bɔbɛ maál sɔ́gɔ́, uguɔ́bɔn bese gɔ́g ná meliŋítas; 7ugútɛ́nanɛn gá buanda gidigid, uguádábaan wond wágaán ɔdɛm bɛsɛgɛl gidigid, ubiádɛganɛn agá ɔdɛm gá buanda gidigid.
8Ɛlɛ́ga digúmanan. Moóny má mubús má Gɔdányá ánúmán buɔs, gugála manamanyá má megélídié ánúmán, gɔlɛns man. 9Búgabá anaány gágual ká dɛdɛgɔ́lɛnsan buanda gidigid, moóny má mubús má Gɔdányá nyɛ na ambal. 10Anɛ́ buanda gidigid gonúbífuógidonyi, ubú búdiábáná bufuógídónyí gaságɛ́n. 11Anyɛ́ imáabá mɔ́nɔmbɔ, imabá ngála anɛ mɔ́nɔmbɔ, mbɛ́dága anɛ mɔ́nɔmbɔ, yanɔná anɛ mɔ́nɔmbɔ. Nɛ́nuán anyɛ́ nganyá agumáná, ngutɛɛ́n duábayuá. 12Nɛ́nuán dɛdɛguánán manda saáŋ, dɛguánan mɔ́ anɛ agá gɛbɛ́lɛ́ŋa. Medug mólonó digaánan mɔ́ dambɔ́ dambɔ. Manda nyɛ́ kɔ́ nɛ́nuán ɔmɔ́ mmányá ndɛlɛnsɛ. Gɛsɛgɛl gesiege, ngalɛns buanda gidigid gɔɔ́gɔ anɛ́ Gɔdányá ánlɛnsaná. 13Agá meliŋítas, manda nyɛ mádadɔ mádiámanáná, mányɛ ká, digabaan nobusió na guádábaan Gɔdányá, na guágaan ɔdɛm, na gulɛ́ga bɔsɔ́gɔ́. Agá manda mádadɔ amaány, buanda búdɔ́mbaná manda má mandɛ nyɛ́ ɛlɛ́ga.
လက္ရွိေရြးခ်ယ္ထားမွု
1 Kɔlɛntiɛ́ŋ 13: MMU2
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ