Mui Psalm 72
72
1God, Oke niie ahutana mu leinge Ioe hunie a inemauri: odotainge ioe hunie a kalena inemauri.
2Hunie kei leie mwala ingeie ana tolaha odotai: huni leie muini ioe e io haamasire ana odotainge.
3Mui toloi henue ke niie hanuelamanga hunie mwala: na mu suisungie ana odotainge.
4Kei leie kira maitale mala mwala: kei haaurie mu kalena ko meimeileinie, kei repu makase ini ko haahieire.
5Kire kei haamau emu maholo sato nge ilengi: ana warowaro ko sisineli ue, ana mu qeunge.
6Kei siho mai mala nemo hahie hahalisi kire salea kau: mala awawatai nemo ko lotohie walumalau.
7Ana qongine kira odotai kei akauri: na hanuelamanga ke hunge haahehe hule ana warowaro kei mango.
8Kei alaha hahie asi lai hule ana asi: na ure ana mu wei peine hule ana ngengedena walumalau.
9Mwala e io i henue sala ke oonuto hai ano honose naona: na mu maeloonga ingeie ke meamealie ngangaai mwakano.
10Mu inemauri ni Tarshish na mu henue e suuta kire ke lokoa mai mui tooha ni wilinge: mu alaha ni Sheba na Seba kire ke totola niinge mai.
11Toohu, ahutana mu inemauri kei oonuto ani haamaunge ana: ahutana mu komu kei palopaloa.
12Ana kire toliasi mamauware ana kira maimeileinire: maholo kire ko ngara tahelai ana; na kira maitale kaa ini ni peire.
13Kei lio ni amasire kira mamaelaa na kira maimeileinire na kei haaurie maurihaada maimeileinire.
14Na kei holi alihoi ana maurihaada mwaanie ini eroero na e popoliilii: na apude e lai hie mala tohungei mei ola i naona.
15Oto kei meuri, kesi niie mu gold urei Sheba nana: oto taenanga inoni kesi eieitanai talana tarau; kire kei palahea susue ahutana dinge.
16Mui corn kire ahu too taane iano tai tolona mu toloi henue: huehueni kei qieqiala mala i Lebanon; na mwala ana mu huilume kei hungehunge mala hahalisi iano.
17Satana kei io oto di oto di, satana kei mamauritaa mala sato: haadianaalana mu inoni kei lae i nunuhaana; ahutana mu komu kei saie pei rikanga.
18Omu ke palahea Lord God, God Israel: Ingeie maraana ko dada mui huihuite.
19Omu ke palahea satana e manikulue oto di oto: ahutana walumalau e honu ana manikuluhaana. Amen, na Amen.
လက္ရွိေရြးခ်ယ္ထားမွု
Mui Psalm 72: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.