Mui Psalm 71
71
1Nekei putoo ilengine a Lord: nge nou saa masa ike.
2Oke haaurieu ana tolahamu e odotai, oke opaau nemue hunie oke hahurei elinge takoieu na oke haaurieu.
3Ana oto mala nau susu leu ni ioio na huni teitehi takoie ineu: Ana mu haatolanga ioe e haaurieu; ana ioe hau susu ineu na nume hau hahieu.
4God ineu, oke tola alihoi eku mwaanie nimana ini tataala: ana ko erisieu ni haa takaloau.
5Lord God, noko maohio oto hu: nou putoo amu urei saanau haaku.
6O sulu alaa aku mai mwaanie iana nikeku: na o tola ta aku mwaanie iana nikeku; nge nekei palahe onioni emu.
7Ineu nou urihana anoa muini hunge: tae ioe oto leu e mautaa ni teitehi takoie ineu.
8Nge walaku ke honu ani palahelamu: na ni soi haamanikuluao suli heidinge.
9Oke suuri tolipuri eku ana maholo noko repo oto: na oke suuri tehi mwaanieu maholo noko si talaai akohe.
10Ana mui maeloonga ineu ko sisiho aku: na muini ne ko heitalea maurihaaku kire ko heitale wainiini isulie.
11Kire ko unue uri a God e tahi oto mwaanie: Omu ke ohea omu ke tapolie; ana e kaa ini ni haaurie oto oo.
12God, oke suuri ahahoa aku: God ineu, lauae mai oke peieu.
13Hunie masana ke tolera kire ke nunulu oto, ana kire ko heitalea maurihaaku: mei wala ni hei leledinge na ni neisae haamwamwateanga ke siho hahire ana kire ko hei talea tataalanga hunieu.
14Tae ana ineu, nekei norutoo ani maohinge onioni: na nekei sapeie lou mei wala ni palahelamu.
15Wawaku kei tola tahangainie odotainge ioe, na haauringe ioe suli heidinge: ana nou kaa manatainie uri kire hunge uritaa.
16Nekei tolea mai mu palonga e saka Lord God: nekei tola tahangainie odotainge Ioe, toolamu haliite.
17Lord O haausulieu urei mweimweihaaku: hule oto mai ienini nou tarohainie mu palonga Ioe huni pangatainii.
18Toohu, God mwane o ahoa aku maholo nekei repo mu palapala oto i qeuku: nekesi tarohainie ramolamu hunie ngaeta qaunge, nanamanga Ioe nana taenanga ini kei lae mai.
19Ododonga Ioe, God, e hane liuta: O qaoa waluteni ola e liuta, God, atei ni e sada peio?
20O, dau huni emi ke leese mu siohaanga hunge na e lai hie huni haaduuduu emi na okesi sului emi alihoi mwaanie mu sae, nanaunge aopa.
21Oke haapainaa manikuluhaaku: Oke oli mei ni haadodoa saeku.
22Ineu lou nekei palaheo ani eu, walaimolinge, Ioe God ineu: nekei kana namue ani pesi awa, ini Maai mu Israel.
23Ngiduku ani kana rikerike ni palahelamu: maurihaaku O hanuie kau.
24Na meaku lou kei laladoa odotainge ioe suli heidinge: na kire masa ana e too oto hunire, ana kire haitalea taasilana mangoku.
လက္ရွိေရြးခ်ယ္ထားမွု
Mui Psalm 71: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.