Mui Psalm 73
73
1Ingeie ena! God manatana e diana hunie mui Israel hahaiteli: hunie muini saeda e manola.
2Tai neu ie, taataa kele leu oto mola na aaeku ke tala: karainie neke uri rerede laona aeaeku.
3Ana maaku e leese poupou mwala e tohainire: nou si leesire a orahaa e io ni henuelama.
4Ana hoosilada kaa lae ana maelada: ana akaloda e ure mautaa ue.
5Kire kaa siohaa, mala mu inoni: sapesalunge kaa totolera ike isulie tolahai inoni.
6Haatohaini lada e ali i luada: kire tooni hahire ana halinge mala mu tooni.
7Kire lakatainie maada mai na e lai kohi: saehanalinge e ure mwaanie manatada.
8Kire haamwasi ana tolilosinge na pilitetenga: kire ko unuunue, kire kei hisulei.
9Kire awanganga takoie salo: na meada e lekoleko i ano.
10Isulie e urinena mwala ingeie ke loko alihoi mei: wai ikire e honuhonu ko aehota ni mwaanga.
11Oto mwala e teuri, God e manatainie urita: uri saenanaunge ana Ini e lengilengie?
12Lio kau mei, mwala ienini kira orahaa: tae kire io ni saedodo oto hu, ko peipeine peie tooolanga.
13Tae ineu ienini nou deu asaie manireinilana manataku: na nou deu asaie lotoasilana tolahai sae manola;
14Tae ko seuselueieu sulie ahutana mu dinge: ana ko reurepu haananau eu ana taenanga hai hoowa.
15Uri neke ere uri, na neke ere ta uri: lio kau nou ero tainie mu kalemu qaunge oto urine.
16Nou neineisae isulie leune uri nekei saie urita: tae nou weo na e salu eie maaku;
17Nou tahelai taau ana iohana God e maai: nou neineisae isulie ngengede ada ipuri.
18Eurine taane! tae o haauresie nga muini ana leu e mwadali: o papatainire hai ano ilalo ana aiaanga.
19Mala maarunge na e naonga oto: ana aideanga, kire ano talihu mango.
20Eurihana maahu polenga ana maholo kie ko lio: aitana ena, Lord, Okei lio oto, Okesi mwakatainire mola ana mu anoa.
21Tae saeku e kakahuru oto: e haaulaloau i manataku.
22Tae e toohu taane qauku e popono, na nou puo: domana oto mola mui po inaomu.
23Tae oto taraurei ineu peio: O tapo oto ana qaloqaloku.
24Okei naonaoku peie mei wala ni oalainge: suluileku kesi lae tai laona rara oto hu.
25Atei tai salo huni apani mae peieu: haike oto oo mai kolune mwakano uri neke harihunie.
26Hasioku ena, maurihaaku ena ko mwaa: manataku domana hau, pooni leu ineu God oto hu.
27Tae lio kau, mwala e haataulio kei eia: O taase oto mwala e haataulio, ko aeaeniola.
28Tae e diana uakue uri neke hata peia God: nou norutoo oto ilengine a Lord God, uri neke tarohainie taenanga palonga ioe.
လက္ရွိေရြးခ်ယ္ထားမွု
Mui Psalm 73: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.