Puj Saeq 8
8
Puj Yixfahleanh Rikdwk Jizdenq
1Puj Yixfahleanh daj Jizdenq hax: "Mawz mwz daj puj Mixdenq dungzsaeuh, mboq rongx piu zaemh mwz, mawz baenzzaqrawz hoakzaqnaeh doiq piu mux?" Paenqdix zoq daj Jizdenq dungzjinj zaeh zaeh. 2Jizdenq daj paenqdix hax: "Sowh gaenq gux hoak naeh rux ndeu sowh gaenq su hoak naeh ndaej maj? Sowh maegkaeu'it yuq ndaw Yixfahleanh zaep low naeh mboq ndae nyeuz sowh maegkaeu'it yuq ndaw Yaqbixyixceq caeu ndaej naeh maj?#8:2 Gaemz kauq naeh zawh hax: "Gaenqpiu hax lej hax saeuh daekgoanq, gaj naengz mboq ndeu sowh gaenq su hoak naeh." 3Dij Sen hawj song laux saeq puj Mixdenq Owhlih daj Cizyizboah doak dawj mungz su; sowh gaenq gux hoak naeh rux ndeu sowh gaenq su hoak naeh ndaej maj?" Jizdenq hax gaemz naeh yaq, puj Yixfahleanh zux rik gah.
Jizdenq Daem Song Laux Hongz Puj Mixdenq
4 Jizdenq daj sam baeg goanz nowngz dix naeh maz taeng haenz dah Yezdanq, kamj dah, paenqdix moih taeuq, gaj paenqdix goj naengzgaj daem puj Mixdenq. 5Jizdenq daj dij goanz ndaw Suzgoah hax: "Gannaeh gux daem laux hongz puj Mixdenq Cixbaz daj Saxmuqnah, gaj sowh puj nowngz gux naeh moih gvaq, baenzzaqnaeh vanz gaenqsu aeu binx hawj paenqdix jin." 6Gaj paenq puj saeq dij goanz ndaw Suzgoah hax: "Gaenqsu saeuh bex Cixbaz daj Saxmuqnah ndaej max! Gaenqpiu baenzzaqrawz aeu binx hawj bin mawz jin mux?" 7Jizdenq hax: "Su lez mah! Yez'hoahhuah hawj Cixbaz daj Saxmuqnah doak dawj mungz gux zwzrawz, gux toj aeu nam ndaw doangh faed su mboqyaq." 8Jizdenq daeq dih naeh mwz taeng ndaw Pihnuxyizlowh, dix goj hoakzaq gaunduq naeh vanz dij goanz dih naeh; dij goanz dih naeh goj hoakzaq dij goanz ndaw Suzgoah naeh yaeng dix. 9Jizdenq daj dij goanz ndaw Pihnuxyizlowh hax: "Gux dauh daeuj vangqdangh zwzrawz, gux toj vaih aen rownz sung aen aeu dawz chaenh naeh." 10Zwz naeh Cixbaz, Saxmuqnah daj bin paenqdix yuq ndaw Zazgoah, bin paenqdix miz teq fanh haj goanz ux naeh, zoq zawh bin baih Mixdenq naeh daengzle low gaenhnaeh. Paenqdix sowh puj gaem remz naeh haeuz miz teq sipngih fanh goanz ux naeh zoah kaj tai yaq. 11Jizdenq zoq daeq ndaw Noahbaz daj Yezbixhaz baih tang'vaenz og naeh, daeq ka loh sowh puj ndowj zangjpungh naeh mwz, sowh gau bin puj Mixdenq faeklaih yuqvangq naeh rubraeb saeuh baih Mixdenq naeh. 12Song laux hongz puj Mixdenq Cixbaz daj Saxmuqnah lenh gowx; Jizdenq daem paenqdix, goangz ndaej paenqdix, bin paenqdix daengzle mbu lenh ni nauq.
13 Jizdenq goanz lug zaiz Yez'azsez naeh daeq dih gaengnaeh dauh maz, gvaq kaeu Cizlehsez naeh, 14jenj zoah goanz mbauqreauh dij goanz ndaw Suzgoah ux, jinj dix, dix zoq laiz minxzwh puj saeq ndaw Suzgoah daj sowh puj jeq miz najta naeh hawj Jizdenq, daengzle miz jiatsip jiat goanz. 15Jizdenq mwz taeng dih dij goanz ndaw Suzgoah naeh, hax: "Koax daekgoanq gaenqsu kosaemj gux, hax: ‘Gaenqsu saeuh bex Cixbaz daj Saxmuqnah ndaej max! Mawz hawj piu aeu binx hawj sowh puj nowngz mawz sowh puj moih naeh maj?’" Jizdenq daeuq hax: "Gannaeh gaenqsu lez, Cixbaz daj Saxmuqnah yuq inxnaeh." 16Yaq dix zoq goangz sowh puj jeq miz najta ndaw chaenh naeh, aeu nam ndaw doangh faed dij goanz ndaw Suzgoah. 17Dix goj vaih aen rownz sung aeu aeu dawz chaenh ndaw Pihnuxyizlowh naeh, kaj puj zaiz ndaw chaenh.
18 Jizdenq cham Cixbaz daj Saxmuqnah: "Sowh dij goanz su yuq ndaw bo Tazboah kaj naeh rangh paenqdix baenzzaqrawz nah?" Paenqdix yaeng: "Paenqdix lumj mawz taeuq, rangh paenqdix gaj goanz gaj daj rangh lug hongz dungzlumj." 19Jizdenq hax: "Paenqdix zawh bihnongx ndiang gux, zawh lug zaiz meh gux, gux yuq doqnaj Yez'hoahhuah laux Sen miz daengznauq naeh hax zaehzaeh, jixzawh koax daekgoanq gaenqsu leux aen mingh paenqdix, gannaeh gux zoq mboq kaj gaenqsu eh." 20Yaq Jizdenq daj maeng lug zaiz to dix Yiqteh hax: "Dwnq maz, kaj paenqdix ndeh." Gaj Yiqteh naengz ix gvaq, dix mbu, mboq ganz it remz. 21Cixbaz, Saxmuqnah doiqdix daj Jizdenq hax: "Jixzawh mawz zawh goanz puj zaiz ux, mawz zoq haeggaj dwnq maz kaj gaenqpiu ndeh." Yaq Jizdenq dwnq maz, kaj Cixbaz daj Saxmuqnah, dix aeu sowh teu kven goakhoz loahtoah paenqdix naeh. Sowh teu naeh rangh gaenq ux, gaenqnaeh rangh dix lumj aen hai.
Doaklaeng Jizdenq Baenzzaqrawz
22Puj Yixsowhleh daj Jizdenq hax: "Mawz jeuq gaenqpiu ni dawj mungz puj Mixdenq, baenznaeh vanz mawz gvanx gaenqpiu, mwznaj goj hawj lug mawz, lan mawz daeb mawz gvanx gaenqpiu." 23Jizdenq hax: "Gux mboq gvanx gaenqsu, lug zaiz gux goj mboq gvanx gaenqsu, mizgaj Yez'hoahhuah gvanx gaenqsu naeuh." 24Jizdenq daeuq daj paenqdix hax: "Gux vanz su diauq ux, vanz su aeu sowh ven su longx naeh hawj gux." Laemh maz ej zawh baenzzaqnaeh, sowh puj daj paenqdix hoak dangqbaih naeh zawh puj Yixswhmaxliq, puj Yixswhmaxliq tw ven jim. 25Paenqdix yaeng: "Gaenqpiu venq aeu hawj mawz." Yaq paenqdix zoq mbe gongz sowj riz ux, aeu sowh ven paenqdix longx ndaej naeh viangh bae ndaw dix. 26Suq ven jim Jizdenq aeu naeh, daengzle miz tiang jiat cowxkowhlowh,#8:26 Cowxkowhlowh ux naek song jenz lai. Jiat cowxkowhlowh naek teq siq deuh naeh. yaq naengz miz sowh laux hongz puj Mixdenq tw hoak yawz naeh loaj, sowj zaemq loaj, sowh teu kven goakhoz loahtoah naeh loaj. 27Jizdenq aeu sowh jim naeh chauq aen Yixfuhdowh ux,#Ni Aizjih 28:1-43. aeu daengj ndaw chaenh dix Owhfuhlaz. Doaklaeng puj Yixsowhleh goj rongx gaenq naeh hoak dij sen, paenqdix hoakzaqnaeh hoak zoq daj goanz nyingz ux ni po hoakri bae hoak puj kaindang dungzlumj, gaenqnaeh zoq hawj Jizdenq daj daengz rownz dix gaj laeng gaj loang ndaek.
28Hoakzaqnaeh, puj Mixdenq zoah puj Yixsowhleh saeuh bex, ngangh to mboq ndaej. Zwz Jizdenq naengz zaeu naeh, ndaw Yixsowhleh ndaej yuq vangq siqsip bi.
29 Yezluq-bazlih goanz lug zaiz Yez'azsez naeh dauh maz, yuq rownz hoakri dix ndowj. 30Jizdenq miz lai yah mez taeuq, dix miz jiatsip goanz lug zaiz, gaj goanz gaj zawh lugndiang dix gangq. 31Yah koij dix yuq ndaw Swqjenq naeh, daj dix miz maeng lug zaiz ux, dix nyaek minxzwh maeng naeh hoak Yaqbixmixlowh. 32Jizdenq goanz lug zaiz Yez'azsez naeh baenz puj jeq maz tai, aeu moak ndaw changz Yaqbixyixceq dih Owhfuhlaz naeh, dih moh dez dix Yez'azsez naeh.
33 Jizdenq tai yaq, puj Yixsowhleh daeuq bae kvej Bazlih, paenqdix rongx Bazlih-bixliqtux hoak dij sen paenqdix, paenqdix hoakzaqnaeh hoak, daj goanz nyingz ux ni po hoakri bae hoak puj kaindang dungzlumj. 34Puj Yixsowhleh mboq aeu dij Sen paenqdix Yez'hoahhuah nyaengxzaw, zoq zawh dij Sen jeuq paenqdix ni dawj mungz sowh puj daj paenqdix hoak dangqbaih yuq haenzhenz paenqdix naeh, 35paenqdix goj mboq hoakzaq Yezluq-bazlih doiq puj Yixsowhleh ndae naeh doiq rownz Yezluq-bazlih ndae, Yezluq-bazlih goj rongx hoak Jizdenq.
လက္ရွိေရြးခ်ယ္ထားမွု
Puj Saeq 8: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.