Puj Saeq 9
9
Yaqbixmixlowh Kaj Paenq Lug zaiz Dez Dix Yezluq-bazlih
1 Yaqbixmixlowh goanz lug zaiz Yezluq-bazlih naeh, bae ndaw Swqjenq lez le jeuq dix, dix daj paenqdix daj daengz rownz daq dix hax: 2"Vanz gaenqsu daj daengzle dij goanz ndaw Swqjenq hoanx naeh hax: ‘Hawj daengz jiatsip goanz lug zaiz Yezluq-bazlih gvanx su ndae nyeuz rux hawj goanz doag gvanx su ndae nyeuz?’" Yaq dix daeuq daj paenqdix hax: "Su nyen ndaej oaj, gux daj su ndiang taeuq mbowh." 3Le jeuq dix zoq aeu suq kauq naeh hax hawj daengzle dij goanz ndaw Swqjenq biak, dij goanz ndaw Swqjenqbiak yaq, paenqdix zoq howj Yaqbixmixlowh, paenqdix hax: "Dix daj raeuz ndiang taeuq." 4Paenqdix zoq mwz aen rownz aeu dij sen zaj Bazlih-bixliqtux nyaengx naeh aeu jiatsip cowxkowhlowh ngaenz hawj Yaqbixmixlowh. Yaqbixmixlowh zoq aeu suq ngaenz naeh bae qingj sowh puj luanq hoak luanq bae naeh maz nowngz dix. 5Dix dauh mwz ndaw Owhfuhlaz dih rownz dez dix naeh, yuq now ndoaq tin dwx ux kaj daengz boangx lug zaiz dez dix Yezluq-bazlih, jiatsip goanz lug zaiz Yezluq-bazlih, low gaj Yeztanz maeng lug zaiz laj naeh, maeng naeh haeuz gowx yaq. 6Daengzle dij goanz ndaw Swqjenq daj dij goanz Mixloah zoq maz dihndeu, yuq goak go maex dwx ndaw Swqjenq dih haenz boaj saeu naeh, hawj Yaqbixmixlowh hoak hongz. 7Miz dij goanz aeu mbaed saeh naeh haxdoq Yeztanz, Yeztanz zoq mwz niangz bo Jizliqcinz naeh in, caqsiq rongx bae doq paenqdix, hax: "Dij goanz ndaw Swqjenq aj, gaenqsu biak gux hax, dij Sen zoq biak su hax. 8Miz mbaed ux, dowgmaex ux daz lowg sowh maex ux hoak hongz daengzle, dowgmaex naeh zoq daj maex maeghit hax: ‘Vanz mawz hoak hongz piu.’ 9Maex maeghit yaeng: ‘Gux hoakrawz hoak sowh yuz aeu mbud dij Sen naeh daj sowh yuz hawj dij goanz miz najta naeh gah, ej yuq now maex yowngh ndai vae mux?’ 10Dowgmaex naeh daeuq daj maeg'vowh hax: ‘Vanz mawz maz hoak hongz piu.’ 11Maeg'vowh yaeng: ‘Gux hoakrawz kwnj sowh maeg ngawh yaengh ngawh naeh gah, ej yuq now maex yowngh ndai vae mux?’ 12Dowgmaex daeuq daj maex maegkaeu'it hax: ‘Vanz mawz maz hoak hongz gaenqpiu.’ 13Maex maegkaeu'it yaeng: ‘Gux hoakrawz hoak sowh laeuj mawq hawj dij sen daj dij goanz faengz naeh gah, ej yuq now maex yowngh ndai vae mux?’ 14Dowgmaex naeh daeuq daj maexnam hax: ‘Vanz mawz maz hoak hongz piu.’ 15Maexnam yaeng: ‘Jixzawh gaenqsu zawh zawx hawj gux hoak hongz su zaeh, gaenqsu zoq maz baihdawj gux, hawj gux yaz su; jixmboqzawh, faez toj daeq ndaw nam og maz, maej daengz maex sung maex dwx ndaw Lihbaznaenq nauq.’" 16Yeztanzdaeuq daj paenqdix hax: "Gannaeh gaenqsu zawh zawx hawj Yaqbixmixlowh hoak hongz zaeh vah? Gaenqsu aeu Yezluq-bazlih nyaengxzaw vah? Gaenqsu hoakzaq Yezluq-bazlih doiq su ndae naeh doiq rownz dix ndae vah? 17Koax daekgoanq dez gux saeh su saeuh daengz mboq aeu aen mingh saw, jeuq su ni dawj mungz puj Mixdenq, 18gaj gannaeh gaenqsu dwnq maz saeuh rownz dez gux, yuq now ndoaq tin dwx ux kaj daengz jiatsip goanz lug zaiz dix, yaq hawj Yaqbixmixlowh goanz lug zaiz yah koij nyingz dix zowngx naeh hoak hongz dij goanz ndaw Swqjenq, cholaeng dix daj su ndiang, gaenqsu zoq hawj dix hoak hongz. 19Jixzawh vaenznaeh gaenqsu zawh doiq Yezluq-bazlih daj rownz dix ndae zaeh, gaenqsu zoq cho Yaqbixmixlowh faengz, dix goj cho su faengz eh. 20Jixmboqzawh baenzzaqnaeh, faez zoq daeq ndaw Yaqbixmixlowh og maz, maej daengz dij goanz ndaw Swqjenq daj dij goanz ndaw Mixloah nauq, faez goj daeq ndaw dij goanz Swqjenq daj ndaw dij goanz Mixloah og maz, maej Yaqbixmixlowh." 21Yeztanz mbu bihnongx dix Yaqbixmixlowh, zoq lenh gowx, maz taeng ndaw Bixex, zoq yuq dih naeh ndowj.
Puj Swqjenq Fanj Yaqbixmixlowh
22 Yaqbixmixlowh gvanx puj Yixsowhleh sam bi. 23Dij Sen nemz minghkoan ux daeuj haenz Yaqbixmixlowh daj puj Swqjenq, hawj paenqdix mboq dungzhoj, puj Swqjenq zoq fanj Yaqbixmixlowh. 24Gaenqnaeh zawh hoak boiz Yaqbixmixlowh, diauq dix kaj jiatsip goanz lug zaiz Yezluq-bazlih, zoq zawh jiatsip goanz bihnongx zaiz dix naeh; goj zawh hoak boiz puj Swqjenq sowh puj saeh Yaqbixmixlowh kaj bihnongx zaiz hoakri naeh. 25Puj Swqjenq yuq niangz bo biab, deq Yaqbixmixlowh. Gawz gvaq zoah ka loh naeh, paenqdix zoq longx doihdo daj za'hoq. Miz dij goanz aeu sowh saeh naeh haxdoq Yaqbixmixlowh.
26Doaklaeng miz goanz ux daj le bihnongx zaiz dix maz ndaw Swqjenq. Goanz naeh rongx hoak Zazlowh, dix zawh lug zaiz Yixbeh. Puj Swqjenq nowngz dix. 27Taeng zwz caeu maegkaeu'it maz, paenqdix zoq bae ndaw raeh ndaw naz, mbit maegkaeu'it, hoak laeuj, zaemh jin hoakfaengz. Paenqdix mwz aen meuh aeu dij sen zaj paenqdix nyaengx naeh jin niz jin, ndut niz ndut, mang Yaqbixmixlowh. 28Zazlowh goanz lug zaiz Yixbeh naeh hax: "Yaqbixmixlowh zawh gawz ah? Puj Swqjenq zawh gawz ah? Daz hawj puj Swqjenq piu kvej dix maj? Dix zawh lug zaiz Yezluq-bazlih naeujmax! Cizbuqlowh goj zawh goanz dix lowg maz yuq baihdawj dix hoak raeng raeng naeh naeujmax! Gaenqsu hoj kvej luglan Hazmoah goanz dez Swqjenq naeh. Gaenqraeuz baenzzaqrawz kvej Yaqbixmixlowh mux? 29Jixzawh gaenqsu biak gux, gux zoq kaj Yaqbixmixlowh." Zazlowh yuq doqnaj paenqdix hoakzaqnaeh hax: "Yaqbixmixlowh, za bin mawz lai tem, daeuj dungzsaeuh ndeh." 30Cizbuqlowh goanz gvanx chaenh naeh ruxnyinz gaemz kauq Zazlowh goanz lug zaiz Yixbeh naeh, zoq jih taeuq. 31Dix lupliamx nemz dij goanz mwz dih Yaqbixmixlowh naeh, hoanx naeh hax: "Zazlowh goanz lug zaiz Yixbeh naeh daj le bihnongx zaiz dix daeuj ndaw Swqjenq, paenqdix coak dij goanz chaenh naeh fanj mawz. 32Gannaeh mawz daj sowh puj nowngz mawz naeh qeu'hwnz dwnq maz, maz ndaw doangh biab. 33Taeng zangnaw, sowh gau tang'vaenz og naeh, mawz zoq maz saeuh ndaw chaenh. Sowh gau Zazlowh daj sowh dij goanz nowngz dix naeh og bae saeuh mawz naeh, mawz zoq saeuh paenqdix naeuz naek ux." 34Yaq Yaqbixmixlowh daj sowh dij goanz nowngz dix naeh zoq qeu'hwnz dwnq maz, hoak siq boangx, biab taj saeuh puj Swqjenq. 35Zazlowh goanz lug zaiz Yixbeh naeh og bae, in dih baegdu ndaw chaenh naeh. Yaqbixmixlowh daj sowh puj nowngz dix naeh zoq daeq dih paenqdix biab naeh dwnq maz. 36Zazlowh leztaen paenq goanz naeh, zoq daj Cizbuqlowh hax: "Mawz lez, miz dij goanz daeq niangz bo loangz daeuj." Cizbuqlowh hax: "Mawz leztaen ngaeuz bo faeklaih zawh dij goanz naeujgoah." 37Zazlowh daeuq hax: "Mawz lez, miz dij goanz daeq doanh bo daeuj, naengz miz boangx ux daeq ka maex dwx puj yaengjmyoaz naeh daeuj." 38Cizbuqlowh daj dix hax: "Mawz ndaej hax: ‘Yaqbixmixlowh zawh gawz ah, daz hawj puj Swqjenq kvej dix maj?’ Mawz baegbongz taeuq wzmax? Sowh dij goanz naeh zawh sowh dij goanz mawz lez mboq qix naeh! Gannaeh mawz og bae daj paenqdix dungzsaeuh ndeh." 39Yaq Zazlowh lingz puj Swqjenq bae daj Yaqbixmixlowh dungzsaeuh. 40Yaqbixmixlowh daem Zazlowh, Zazlowh lenh gowx, baih Zazlowh naeh miz dij goanz ndaej chaej lai taeuq laemx bae dihndin, laemx gajrowd-gajrangz, maz daeux diak baegdu longq ndaw chaenh naeh. 41Haemh gaengnaeh Yaqbixmixlowh yuq ndaw Yaqnuxmax ndowj. Cizbuqlowh daem Zazlowh daj le bihnongx zaiz Zazlowh ni, mboq hawj paenqdix yuq ndaw Swqjenq ndowj.
Yaqbixmixlowh Saeuh Puj Swqjenq
42Vaenzlaeng, dij goanz ndaw chaenh bae ndaw doangh, miz dij goanz haxdoq Yaqbixmixlowh. 43Yaqbixmixlowh zoq aeu dij goanz dix hoak sam boangx, yuq ndaw doangh biad, dix leztaen puj Swqjenq daeq ndaw chaenh daeuj, zoq daeq dih paenqdix biab naeh dwnq maz, kaj puj Swqjenq. 44Yaqbixmixlowh daj boangx daj dix zaemh yuq naeh lenh mwz dingz baegdu long ndaw chaenh naeh, song boangx ndai goj zaemh lenh maz, saeuh sowh puj yuq ndaw doangh naeh, kaj paenqdix. 45Yaqbixmixlowh saeuh aen chaenh naeh daengz vaenz, zoq longx ndaej aen chaenh naeh, kaj sowh dij goanz yuq ndaw chaenh ndowj naeh, vaih aen chaenh naeh, aeu gow sauq. 46Sowh dij goanz yuq ndaw aen rownz sung ndaw Swqjenq ndowj naeh ruxnyinz mbaed saeh naeh, zoq lenh gowx mwz dih aen meuh aeu dij sen zaj paenqdix Bazlih-bixliqtux nyaengx naeh, mwz gowh ndaw nyeuz daengzle naeh gowx. 47Miz dij goanz haxdoq Yaqbixmixlowh, hax sowh dij goanz yuq aen rownz sung ndaw Swqjenq naeh daengzle mwz dih doag gowx wznaeh. 48Yaqbixmixlowh daj sowh dij goanz daj dix zaemh yuq naeh zoq kwnj mwz bo Saxmaenh. Yaqbixmixlowh gaem maeg kvan ux, dix taemj ngah maex ux, mbeg mwz rongzmbaq, yaq daj sowh puj daj dix zaemh yuq naeh hax: "Gaenqsu taen gux hoak gaeng, gaenqsu goj zaemh nowngz gux hoak naeuz kvaiq ux." 49Yaq goanzlai gaj goanz gaj taemj ngah maex ux, nowngzlaeng Yaqbixmixlowh, aeu nyaengx dih puj Swqjenq gowx naeh, yaq aeu faez jit, hawj sowh dij goanz yuq ndaw dix gowx naeh tai nauq, daengz zaiz daengz nyingz miz teq tiang goanz ux naeh.
Yaqbixmixlowh Hoakzaqrawz Tai
50Doaklaeng Yaqbixmixlowh mwz ndaw Tihbaeqsez, daengj zangjpungh zunxbiq saeuh Tihbaeqsez, doaklaeng saeuh bex aen chaenh naeh. 51Ndaw aen chaenh naeh miz aen rownz sung ux vwnx taeuq, dij goanz ndaw chaenh, puj zaiz gojndae, puj nyingz gojndae, daengzle ndonj mwz aen rownz naeh gowx, ngaemz baegdu, kwnj mwz nyiangzrownz. 52Yaqbixmixlowh daeq mwz doqnaj aen rownz naeh, saeuh aen rownz naeh. Dix mwz zawj baegdu, daz aeu faez pyaeu aen rownz naeh. 53Miz yah ux aeu aen hux kvaix baihnow naeh saeuh daeuj doq Yaqbixmixlowh, saeuh zoah to dix, hawj nduk to dix taek. 54Dix cenq rongx maeng saeh dix gaem gaenq dungzsaeuh naeh, daj maeng naeh hax: "It remz mawz, kaj gux tai ndeh, yaj miz dij goanz hoakzaqnaeh laemh gux: ‘Dix zoah yah ux kaj.’" Yaq maeng gaengnaeh zoq aeu remz chuj dix, dix zoq tai. 55Puj Yixsowhleh leztaen Yaqbixmixlowh tai, zoq dangq goanz dangq dauh bae dih hoakri. 56Yaqbixmixlowh kaj jiatsip goanz lug zaiz dez dix, zoq zawh kaj jiatsip goanz bihnongx zaiz dix naeh, dij Sen zoq hoak boiz diauq mbowq dix hoak naeh. 57Sowh gaenq mbowq puj Swqjenq hoak naeh, dij Sen goj hoak boiz bae doq now to paenqdix. Sowh gaenq Yeztanz goanz lug zaiz Yezluq-bazlih mang naeh yuq ndaw ndang paenqdix baenzzaeh.
လက္ရွိေရြးခ်ယ္ထားမွု
Puj Saeq 9: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.