Puj Saeq 7
7
Jizdenq Zowz Sam Baeg Goanz Mwz Saeuh Puj Mixdenq
1 Jizdenq, goanz goj rongx hoak Yezluq-bazlih naeh, dix daj daengzle sowh puj nowngz dix naeh, zangnaw dwnq maz, bae haenz aen mboq Hazlih naeh daengj zangjpungh. Dih puj Mixdenq daengj zangjpungh naeh yuq baih bowhfangz paenqdix, yuq doangh dinbo Moahliq naeh.
2 Yez'hoahhuah daj Jizdenq hax: "Sowh puj nowngz mawz naeh miz goanz lai gvaq, baenznaeh gux mboq hawj puj Mixdenq doak dawj mungz mawz, yaj puj Yixsowhleh baegbongz maz doq gux, hax: ‘Zawh gaenqpiu haeggaj jeuq gaenqpiu.’ 3Gannaeh mawz hoakzaqnaeh haxdoq daengzle: ‘Gawz mbu gawz saenq gawz zoq ni bo Jizleh dauh mwz ndeh.’" Yaq miz song fanh ngih dij goanz zoq dauh mwz, zux low fanh dij goanz ux.
4 Yez'hoahhuah daj Jizdenq hax: "Dij goanz naengzgaj lai gvaq, mawz zowz paenqdix bae haenz dah, gux saeh mawz lowg paenqdix, gux jix gawz daj mawz hax: ‘Hawj goanz naeh daj mawz zaemh bae.’ Mawz zoq hawj dix daj mawz zaemh bae, gux jix gawz daj mawz hax: ‘Mboq hawj goanz naeh daj mawz zaemh bae.’ Goanz naeh zoq mboq ndaej daj mawz zaemh bae." 5Jizdenq zoq zowz paenqdix bae taeng haenz dah, Yez'hoahhuah daj Jizdenq hax: "Hawj sowh puj aeu linx laix laemx daj dij ma aeu linx laix naemx dungzlumj naeh haeggaj in dih ux, hawj sowh puj gvih kaeuq ndut naemx naeh haeggaj in dih ux." 6Sowh puj aeu mungz gob naemx yaq aeu linx laix naeh miz sam baeg goanz, gvaqmaz daengzle zawh sowh puj gvih kaeuq ndut naemx naeh. 7Yez'hoahhuah daj Jizdenq hax: "Gux aeu sam baeg goanz aeu linx laix naemx naeh jeuq gaenqsu, hawj puj Mixdenq doak dawj mungz gaenqsu, gvaqmaz puj ndai dangq goanz dangq dauh mwz dih hoakri ndeh." 8Sam baeg goanz naeh zoq laep gaenqjin daj kaeu dij mbej, puj Yixsowhleh ndai, Jizdenq zoq nemz goanz dangq goanz haeg dauh mwz zangjpungh hoakri. Dih puj Mixdenq daengj zangjpungh naeh yuq doangh baihdawj paenqdix naeh.
9Hwnz gaengnaeh, Yez'hoahhuah daj Jizdenq hax: "Gux haeuz hawj puj Mixdenq doak dawj mungz mawz yaj, baenzzaqnaeh, dwnq maz, bae saeuh paenqdix. 10Jixzawh mawz goanzdoag mboq ganz bae, mawz zoq zowz Puxlaz goanz puj koij mawz naeh bae dih puj Mixdenq daengj zangjpungh ndowj naeh. 11Mawz toj ruxnyinz paenqdix hax gaeng mboqyaq, yaq mawz zoq miz to'zaw saeuh paenqdix eh." Yaq Jizdenq zoq zowz Puxlaz goanz puj koij dix naeh zaemh bae, bae taeng henzzawj sowh puj dawz longq naeh, zoq zawh bae taeng henzzawj dih puj Mixdenq daengj zangjpungh ndowj naeh. 12Puj Mixdenq, puj Yaqmaxlih, daj sowh puj daeq baih tang'vaenz og maz naeh, daengzle yuq ndaw doangh ndowj, ndowj daengz doangh daem nauq, lai daj dij daek dungzlumj, loahtoah paenqdix lai daengz anq mboq baenz saw, lai daj saiz haenz haij dungzlumj. 13Jizdenq bae taeng yaq, ruxnyinz miz goanz ux haxdoq dungzbownh dix dix paen'hwnz gaeng, goanz naeh hax: "Gux paen'hwnz, paen'hwnz taen miz aen binx ux aeu kaeujmeg dwx hoak, aen binx naeh gauq maz doq zangjpungh, bog zangjpungh laemx, zangjpungh zoq bejlej nauq." 14Goanz dungzbownh goanz gaengnaeh yaeng: "Gaenqnaeh mboq zawh hax yowngh ndai, zawh hax maeg remz Jizdenq goanz lug zaiz Yez'azsez goanz puj Yixsowhleh naeh. Dij Sen haeuz hawj puj Mixdenq daj daengzle bin nauq doak dawj mungz dix eh."
15 Jizdenq ruxnyinz goanz gaengnaeh laemh paen'hwnz taen gaeng, goj ruxnyinz goanz dungzbownh goanz paen'hwnz naeh hax gaenq paen'hwnz naeh zawh hax gaeng, Jizdenq zoq biangz dij Sen. Dix dauh maz dih hoakri paenqdix daengj zangjpungh ndowj naeh, hax: "Dwnq maz, Yez'hoahhuah haeuz hawj bin puj Mixdenq doak dawj mungz gaenqsu yah." 16Yaq Jizdenq zoq hawj sam baeg goanz gaengnaeh hoak sam boangx, goanz ux aeu hawj kaeu dij mbej ux daj aen pinh ux, ndaw pinh miz bongz faez. 17-18Yaq daj paenqdix hax: "Gaenqsu lez gux hoak oaj, bae taeng henzzawj dih puj Mixdenq ndowj naeh gaurawz, gaenqsu homx haenzhenz dih paenqdix ndowj naeh, yaq gaenqgux hoakrawz hoak, gaenqsu goj zaemh hoakrawz hoak. Gux daj daengzle sowh dij goanz daj gux zaemh yuq naeh baeuq kaeu dij mbej gaurawz, gaenqsu goj zaemh baeuq kaeu dij mbej, yaq rongx: ‘How Yez'hoahhuah, how Jizdenq.’"
19 Jizdenq daj baeg goanz nowngz dix naeh, teq byonghhwnz ux naeh, gau bin baihdawj dungzlwh dawz naeh, maz taeng henzzawj dih puj Mixdenq ndowj naeh, paenqdix baeuq kaeu dij mbej, duaiq aen pinh ndaw mungz naeh vaih. 20Daengz sam boangx zoq baeuq kaeu dij mbej, duaiq aen pinh vaih, mungzsaix gaem bongz faez, mungz sa gaem kaeu dij mbej, rongx: "Maeg remz Yez'hoahhuah, maeg remz Jizdenq!" 21Paenqdix homx haenzhenz dih puj Mixdenq ndowj naeh, dangq goanz dangq in yuq dih hoakri. Sowh dij goanz zoah paenqdix homx naeh menq lenh ni menq rongx. 22Gau sam baeg goanz gaengnaeh baeuq kaeu dij mbej naeh, Yez'hoahhuah hawj puj Mixdenq, puj Yaqmaxlih, daj sowh puj yuq baih tang'vaenz og naeh haeggaj aeu remz dungzkaj, lenh gowx mwz ndaw Cizliqlaz dih rongx hoak Boah-Hazseqtaz naeh, lenh mwz taengdiak ndaw Tazbaz dih yuq zawj Yaqboah-Mixhoahlaz naeh.
23Dij goanz Yixsowhleh puj Nahfuhtazliq, puj Yaqsowh, daj daengzle puj Maxnahciz zoq zoah rongx maz, daem puj Mixdenq. 24Jizdenq nemz dij goanz bae daengz bo'mbanj Yixfahleanh naeh, hax: "Gaenqsu loangz daeuj saeuh puj Mixdenq, gaenqsu bae daekgoanq puj Mixdenq, bae longx sowh dih miz naemx naeh, daeq ndaw Boah-Bazlaz bae taengdiak ka dah Yezdanq." Yaq puj Yixfahleanh zoq loangz daeuj, longx sowh dih miz naemx naeh, daeq ndaw Boah-Bazlaz bae taengdiak ka dah Yezdanq. 25Paenqdix goangz ndaej song laux saeq puj Mixdenq, song laux naeh miz laux ux rongx hoak Owhlih, miz laux ux rongx hoak Cizyizboah. Yuq now boaj tin dwx rongx hoak Boaj Tin Owhlih naeh kaj Owhlih, yuq luh rongx hoak Luh hoak laeuj Cizyizboah naeh kaj Cizyizboah, daeuq daem puj Mixdenq, daeuq tw to Owhlih daj to Cizyizboah bae ka dah Yezdanq baih gaengnaeh, bae dih Jizdenq naeh.
လက္ရွိေရြးခ်ယ္ထားမွု
Puj Saeq 7: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.