Zwz Nduq 39
39
Yezsowh Yuq Rownz Boztihfah
1 Yezsowh zoah dij goanz Yixswhmaxliq zowz bae Aizjih. Miz goanz Aizjih ux, minxzwh rongx hoak Boztihfah. Goanz naeh yuq baihdawj laux hongzAizjih hoak saeq, dix gvanx sowh bin dawz rownz hongz naeh. Boztihfah swx Yezsowh daeq mungz dij goanz Yixswhmaxliq maz. 2Yezsowh yuq rownz zaeuj dix yuq rownz pujAizjih naeh ndowj, Yez'hoahhuah daj dix zaemh yuq, hawj dix hoak gaeng goj nowngzzaw. 3Zaeuj dix taen Yez'hoahhuah daj dix zaemh yuq, taen Yez'hoahhuah hawj dix hoak gaeng goj nowngzzaw. 4Yezsowh zoq ndaej hawj zaeuj dix zaemz. Ndaw rownz Boztihfah, puj koij dix daj za'hoq dix gaeng goj hawj Yezsowh gvanx. 5Daeq vaenz Boztihfah hawj Yezsowh gvanx rownz dix naeh maz, Yez'hoahhuah cholaeng Yezsowh gumx rownz dij goanz Aizjih naeh. Yez'hoahhuah gumx ndaw rownz dix daj raehnaz dix nauq. 6Mizgaj gaenqjin dix, Boztihfah mboq aeu hawj Yezsowh gvanx, gvaqmaz daengzle ndaw rownz dix dix aeu hawj Yezsowh gvanx nauq.
Yah Mez Boztihfah Moakndai Yezsowh
Yezsowh rangh goj yawz, najta goj yawz. 7Doaklaeng, yahmez zaeuj dix lezzoah dix, daj dix hax: "Daj gux zaemhnoanz." 8Yezsowh mboq venq, dix daj yahmez zaeuj dix hax: "Mawz lez, yuq ndaw rownz inxnaeh zaeuj gux gaeng goj mboq yungq gvanx, dix aeu hawj gux gvanx nauq. 9Yuq ndaw rownz inxnaeh, zaeuj gux hawj gux hoak saeq dwx nyeuz puj ndai. Mawz zawh mijmez dix, mizgaj gaenqmawz dix mboq aeu hawj gux, gvaqmaz dix gaeng goj aeu hawj gux gvanx nauq. Gux hoakrawz rux hoak sowh saeh oangjangj naeh bae hoak loang dij Sen mux?" 10Doaklaeng yah nyingz naeh gaj vaenz gaj daj Yezsowh hoakzaqnaeh hax. Gaj Yezsowh mboq biak dix, mboq daj dix zaemhnoanz, goj mboq daj dix zaemh yuq.
11Miz vaenz ux, Yezsowh ndonj mwz rownz zaeuj dix hoak saeh, ndaw rownz gawz goj mboq yuq. 12Yah nyingz naeh zoq maz jenj gongzsowj Yezsowh, hax: "Daj gux zaemhnoanz mah!" Yezsowh jizzaz ndangnungh dix, lenh bae baihnog. 13Yah naeh, jenj ndaej ndangnungh Yezsowh, taen Yezsowh lenh og nog, 14dix zoq rongx daengzle maz, daj daengzle hax: "Gaenqsu lez, po gux zowz maz goanz puj Cizboahlaiz ux, daz hawj raeuz najyaij. Dix ndonj mwz daz daj gux zaemhnoanz, gux zoq caqsiq rongx. 15Dix ruxnyinz gux caqsiq rongx zoq jizzaz ndangnungh dix yuq dih gux inxnaeh, yaq lenh bae baihnog." 16Yah naeh aeu ndangnungh Yezsowh nyaengx haenz hoakri, taj po dix dauh maz rownz. 17Po dix dauh maz taeng rownz, dix daeuq hoakzaq haxdoq daenh naeh haxdoq po dix, dix hax: "Goanz puj Cizboahlaiz mawz zowz maz naeh, dix mwz dih gux naeh, daz hawj gux najyaij. 18Gux caqsiq rongx, dix zoq jizzaz ndangnungh dix yuq haenz gux, yaq lenh bae baihnog."
Yezsowh Kaeng Lauz
19Zaeuj Yezsowh ruxnyinz yahmez hoakri hax Yezsowh hoakzaqnaeh hoak, gaenqdix jih taeuq. 20Dix zoq aeu Yezsowh bae kaeng ndaw lauz, kaeng dih laux hongz aeu kaeng sowh dij goanz hoak loang dix naeh. Yezsowh zoq yuq dih naeh kaeng. 21Gaj Yez'hoahhuah daj dix zaemh yuq, nwh dix taeuq, hawj goanz hoak saeq dwx gvanx puj kaeng lauz naeh lezzoah dix. 22Goanz hoak saeq dwx gvanx puj kaeng lauz naeh zoq hawj Yezsowh yuq ndaw lauz saeh dix gvanx daengzle puj kaeng lauz nauq, ndaw lauz miz gaeng saeh goj hawj dix gvanx nauq. 23Yez'hoahhuah daj Yezsowh zaemh yuq, hawj dix hoak gaeng goj nowngzzaw. Baenzzaqnaeh, nanghgaj sowh rawz zawh Yezsowh gvanx, goanz hoak saeq dwx gvanx puj kaeng lauz naeh zoq mboq yungq cham.
လက္ရွိေရြးခ်ယ္ထားမွု
Zwz Nduq 39: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.