Zwz Nduq 36
36
Luglan Yixsaux
1Suq baihdawj inxnaeh zawh mai gaenq luglan Yixsaux, Yixsaux goj rongx hoak Yixdungz. 2Yixsaux raep song goanz puj nyingz Zaznanh hoak mez, goanz ux rongx hoak Yaqdaq, goanz ux rongx hoak Azhoahliqbazmax. Yaqdaq zawh lug nyingz goanz dij goanz puj Howx minxzwh rongx hoak Yixlunh naeh. Azhoahliqbazmax zawh lan nyingz goanz dij goanz Cizvaeq minxzwh rongx hoak Jiqbenq naeh, zawh lug nyingz Yaqnah. 3Doaklaeng dix daeuq raep Bazswhmoah, Bazswhmoah zawh lug nyingz Yixswhmaxliq, nongx nyingz Nihbaiqyoah. 4Yaqdaq saeh Yixsaux zowngx Yixliqfah. Bazswhmoah zowngx Leuh'ex. 5Azhoahliqbazmax zowngx Yez'uzswz, Yaqlanh, Koaxlaz. Suq naeh zawh lug zaiz Yixsaux, zawh yuq ndaw Zaznanh zowngx.
6-7 Yixsaux daj Yaqgowh song rownz dix miz doihdo daj za'hoq lai gvaq, dih naeh mboq doh paenqdix ndowj. Yixsaux zoq zowz mez dix, lug dix, dij goanz rownz dix, ndaq doihdo, tw gaenq za'hoq dix yuq Zaznanh ndaej naeh, ni nongx zaiz dix Yaqgowh mwz dihndai. 8Yixsaux yuq ndaw bo Cizex ndowj. Yixsaux goj rongx hoak Yixdungz.
9Puj Yixdungz zawh luglan Yixsaux nauq. Paenqdix yuq ndaw Cizex ndowj. Luglan Yixsaux mai nyaengx inxnaeh. 10Yixliqfah zawh lug zaiz mijmez Yixsaux goanz hoak Yaqdaq naeh, Leuh'ex zawh lug zaiz mijmez Yixsaux goanz hoak Bazswhmoah naeh. 11Lug zaiz Yixliqfah zawh: Tihmanq, Azmoah, Cixboz, Zaztanz, Jiznahswz. 12Tinhnah zawh mijlaeng Yixliqfah goanz lug zaiz Yixsaux naeh, yah naeh saeh Yixliqfah zowngx goanz lug zaiz ux minxzwh rongx hoak Yaqmaxlih. Suq naeh zoq zawh luglan Yaqdaq goanz mijmez Yixsaux naeh. 13Lug zaiz Leuh'ex zawh: Nahhaz, Ceqlaz, Cazmax, Mixsax. Suq naeh zoq zawh luglan Bazswhmoah goanz mijmez Yixsaux naeh. 14Azhoahliqbazmax zawh lan nyingz Jiqbenq, lug nyingz Yaqnah, mijmez Yixsaux. Dix saeh Yixsaux zowngx Yez'uzswz, Yaqlanh, Koaxlaz.
15 Yixliqfah goanz lug zaiz to Yixsaux naeh, luglan dix sowh puj ndaej hoak zaeuj changz hoakri naeh zawh: Tihmanq, Azmoah, Cixboz, Jiznahswz, 16Koaxlaz, Zaztanz, Yaqmaxlih. Paenqdix zawh yuq ndaw Yixdungz hoak zaeuj changz hoakri, zawh luglan Yixliqfah, zawh luglan Yaqdaq goanz mijmez Yixsaux naeh gangq.
17 Leuh'ex goanz lug zaiz Yixsaux naeh, luglan dix sowh puj ndaej hoak zaeuj changz hoakri naeh zawh: Nahhaz, Ceqlaz, Cazmax, Mixsax. Paenqdix zawh yuq ndaw Yixdungz hoak zaeuj changz hoakri, zawh luglan Leuh'ex, zawh luglan Bazswhmoah goanz mijmez Yixsaux naeh gangq.
18 Azhoahliqbazmax goanz mijmez Yixsaux naeh, luglan dix sowh puj ndaej hoak zaeuj changz hoakri naeh zawh: Yez'uzswz, Yaqlanh, Koaxlaz. Paenqdix zawh luglan Azhoahliqbazmax goanz lug nyingz Yaqnah, goanz mijmez Yixsaux naeh. 19Suq baihnow inxnaeh sowh puj ndaej hoak zaeuj changz hoakri naeh gawz goj zawh luglan Yixsaux gangq. Yixsaux goj rongx hoak Yixdungz.
Luglan Cizex
20Sowh dij goanz mbaednduq bwnz yuq ndaw Yixdungz ndowj naeh, Cizex, dij goanz puj Hoahliq, luglan dix mai nyaengx inxnaeh: Loahtanz, Suqbaz, Jiqbenq, Yaqnah, 21Dixcwnq, Yixchah, Dixsanz. Paenqdix zawh zaeuj changz paenqdix, paenqdix zawh luglan Cizex yuq ndaw Yixdungz naeh, Cizex zawh dij goanz puj Hoahliq. 22Lug zaiz Loahtanz zawh Hoahliq daj Cizmanq. Tinhnah zawh nongx nyingz Loahtanz. 23Lug zaiz Suqbaz zawh Yaqlowhvaenh, Maxnahcah, Yixbazluh, Swqboz, Aznah. 24Lug zaiz Jiqbenq zawh Yaqyax daj Yaqnah. Yaqnah zoq zawh goanz yuq ndaw doangh saeh dez dix Jiqbenq dawz dij loix, yaq mex zoah aen mboq og naemx unq ux naeh. 25Lug zaiz Yaqnah zawh Dixcwnq. Lugnyingz Yaqnah zawh Azhoahliqbazmax. 26Lug zaiz Dixcwnq zawh Cinzdanq, Yizswqbanz, Yiqlanh, Jizlanh. 27Lug zaiz Yixchah zawh Pihhanq, Saxfanz, Yaqganq. 28Lug zaiz Dixsanz zawh Uzswz daj Yaqlanh. 29Puj Hoahliq sowh puj ndaej hoak zaeuj changz hoakri naeh zawh: Loahtanz, Suqbaz, Jiqbenq, Yaqnah, 30Yixchah, Dixsanz. Suq naeh zawh puj Hoahliq sowh puj ndaej hoak zaeuj changz hoakri naeh. Paenqdix zawh yuq ndaw Cizex dangq goanz dangq hoak zaeuj changz hoakri.
Sowh Puj Yuq Yixdungz Hoak Hongz Naeh
31Koax dij goanz Yixsowhleh naengz mboq miz laux hongz gvanx naeh, sowh puj yuq ndaw Yixdungz hoak hongz naeh mai nyaengx inxnaeh. 32Bixlaz, goanz lug zaiz Bixex naeh, yuq ndaw Yixdungz hoak hongz, aen chaenh laux hongz ndowj naeh minxzwh rongx hoak Tinhhazbaz. 33Bixlaz tai yaq, Yezbaz daeb dix hoak hongz. Yezbaz zawh goanz lug zaiz Ceqlaz goanz dij goanz puj Bozsezlaz naeh. 34Yezbaz tai yaq, Fuqsanz daeb dix hoak hongz. Fuqsanz zawh goanz daeq Tihmanq maz naeh. 35Fuqsanz tai yaq, Hazdah daeb dix hoak hongz. Hazdah zawh lug zaiz Bixdah, zawh goanz yuq ndaw doangh Moahyaq saeuh bex dij goanz puj Mixdenq naeh. Dix hoak hongz, aen chaenh dix ndowj naeh minxzwh rongx hoak Yaqvaeqdowh. 36Hazdah tai yaq, Sangzlaz daeb dix hoak hongz. Sangzlaz zawh goanz dij goanz Maxswqliqzaz naeh. 37Sangzlaz tai yaq, Sauxloah daeb dix hoak hongz. Sauxloah zawh goanz dij goanz Liqhoahboah, dih yuq haenz ka dah Yaeuqfahlazdix naeh. 38Sauxloah tai yaq, Bazlowh-haznanh daeb dix hoak hongz. Bazlowh-haznanh zawh goanz lug zaiz Yaqgowhboz naeh. 39Bazlowh-haznanh goanz lug zaiz Yaqgowhboz naeh tai yaq, Hazdah daeb dix hoak hongz. Aen chaenh dix ndowj naeh rongx hoak Bazuz. Mijmez dix minxzwh rongx hoak Mixciztazbeh, Mixciztazbeh zawh lan nyingz Mix-saxhoah, lug nyingz Maxtowhleh.
Luglan Yixsaux Sowh Puj Ndaej Hoak Zaeuj Changz Hoakri Naeh
40Baihdawj inxnaeh zawh luglan Yixsaux sowh puj ndaej hoak zaeuj changz hoakri naeh, zwh changz paenqdix daj zwh sowh dih paenqdix ndowj naeh zawh aeu minxzwh paenqdix nyaek: Tinhnah, Yaqlowhvax, Yezteh, 41Azhoahliqbazmax, Yixlaz, Bixnaenq, 42Jiznahswz, Tihmanq, Mixbixsax, 43Maxjizdeh, Yixlanh. Paenqdix zawh yuq ndaw Yixdungz dih paenqdix ndaej aeu hoak dih hoakjin, dih paenqdix ndowj naeh hoak zaeuj changz hoakri. Paenqdix zawh luglan Yixsaux gangq.
လက္ရွိေရြးခ်ယ္ထားမွု
Zwz Nduq 36: ZHN
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Peace Publishing Co. All rights reserved.