Izaiya 64
64
1Yokala pama mwahakawunlege zulu, muza vati eto mwango datene dingurumelaga vamentoni venyu! 2Jahaireye nnga jinaira munlo ahindihaga kuni eto atanutchaga mahindje ira nzina nenyu niwande iziweya muwari mwa amwidani enyu eto atu a vilambo datene karome ngurumela vamentoni venyu moova! 3Tchoira tempu mwasakanya nyo jengo jowopiha, jejo jahadediha hiyo, tempu yenno nyo mohotita zulu eto mwango dohoinaina vamentoni venyu. 4Tchoira roma malambo a wanle kalivo uvwile na mabaru aye nne kalivo umuonne Mulugu mmohiwa ahali nyo bahi munamukamiheda wenne unaudedihedani nyo.
5Nyo munarumela gumana na mutu wenne unairana jowongowa muwari mohagalala, na atu anno anauumbuwelani nyo na ndila denyu. Mwa eno, nyo mohotakaleliwa na hiyo na mwasa oira hiyo nuhutegelani. Voira nihimala malambo madjindji muwari mwa jotega jehu, kodi nnafuna nivulusiwe avi?#64:5 Tapulela mazwala anorutcha. MaBibiliya amohiwa anawonga ira: Hiyo nnawanda vulusiwa nawelela ndila denyu. 6Hiyo atene nili nnga atu otakala eto joira jihu japama jatene jinakala nnga isala yodugudelihiwa. Hiyo atene nihimala nyala nnga matakuru eto joviringaniha jehu jinakala nnga nipevo jiniveverutchelaga olapela wene na nyo. 7Kalivo nne mutu mmohi unaitana nzina nenyu, nne kalivo unarurumuwa ira auvepeni nyo. Tchoira nyo muhutawiha kove yenyu wa hiyo eto muhunihiya ira nitolowe na mwasa wa jotakala jehu.
8Mbwenye nyo Yehova mulive Babihu. Hiyo nili ulongo, nyo munafwanyeya mwagali namawomba. Eto hiyo atene niwombiwe na manda enyu. 9Yehova kamusimbwe takaleliwa na hiyo eto kamuumbuwelegeve jotakala jehu dowagave musogolro. Nnauvepani ira munione, hiyo atene nnafwanyeya nagali atwinyu. 10Sidadi denyu dotchena peno dihisanduwa kokola. Mwango Siyawu unafwanyeya agali kokola eto sidadi ya Jeruzalemu ihimala bwanyuliwa. 11Nyumba yehu yotchena eto yotitimiheya, mwemo mwautamaleletchani makolo ehu, peno ihimala tumeyiwa na munlo. Eto jengo jihu jatene jofuneya jihimala tolotchiwa. 12Kodi Yehova nyo munovilelave zela jabure jatene jiireyile ji? Kodi munokalave omiyalene, munizuzumihagave na makalelo anna eni?
လက္ရွိေရြးခ်ယ္ထားမွု
Izaiya 64: iLolo
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 Visão Integral