Likezo 21
21
1Chituna ambuki nawu, hitukutachika kwenda muwatu, hitukwimakana nikuKosi zwa; chikunachi tushika nikuRodi, kufuma oku tuyani kuPatara. 2Hitukuwana watu wacheŋi wudi nakuzambukila kuFwenisiya, hitukwijila mu, tutachika nikwenda muwatu owu. 3Chitunashiki kwela chitutu chaKipirosi hichikumwekana, hitukuchibakila kuchikasa chachimunswa, hitukuyaloŋa tuhu muwatu kuSiriya. Hitukushika kuTira, tufuma nimuwatu; muloŋa kwenoku diku kwakeŋa eli kuloŋololawu yuma yadiŋi muwatu. 4Chitunawani atumbanji, hitukulabila kwenoku mafuku atanu nayedi. Wenawa hiyakumwila Pawulu mudi Spiritu nawu bayi akadata mwendu muYerusalemaku. 5Chinamani mafuku owu, hitukunyamuka nakuya mulwendu lwetu; akwetu ejima, ni aŋodi jawu ni anyanawu, hiyakututwalaku munjila yetu. Chitunafumi muŋandoyu, hitukufukama kuchi kumu nakulomba. 6Chitunadishaliki dehi chachiwahi, hitukuya cheŋi muwatu owu; wena afunta nikumatalawu.
7Chitunakumishi lwendu lwetu lwamuwatu lwakufuma kuTira, tushika nikuTolemayi. Hitukuyimwisha ana kwetu, tujiŋilaku niifuku dimu. 8Chikunachi hitukunyamuka, tushika nikuKesareya. Kwenoku hitukwijila mwitala damukwakushimuna nsaŋu yayiwahi Fwilipu, diyi wadiŋi wanawa ankoŋi atanu nayedi atondeluwu; hitukushakama nindi. 9Yenowu iyala wadiŋi nawanya nindi awambanda ajiki awana, aprofwetelaŋa. 10Chitunalabili kwenoku mafuku amavulu, kuYudeya hikukufuma kaprofwetu wumu, ijina dindi Aŋabusi. 11Hakwinza kudetu, hakukwata muya waPawulu, hakudikasawu kunyendu nikumakasa; hakwila nindi, Spiritu Wajila nindi, Dichi chakakasilawu muntu wukweti muyiwu kudi aYudeya akuYerusalema; akamuhana nikudi aJentili. 12Chitunatiyi mwenimu, etu nawakwetu akwenoku hitukumulembelela Pawulu, netu bayi akanduka kuYerusale maku. 13Pawulu hakwakula nindi, Aka! Mudi nakudiladi? Mukumbalula muchima? Neteji kwami hela kunkasa, hela kukumina dakufwa kuYerusalema, kuko-ola ijina daMwanta Yesu. 14Chaneliyi kumulekesha kwonti kwindi, hituku mwena netu, Eli muchima waMwanta.
15Mafuku alondelumu, hitukuloŋeja yuma yetu, tukanduka nikuYerusalema. 16Hitukuya nawakwetu atumbanji akuKesareya, nimuntu wumu wakuKipirosi, ijina dindi Manasoni, kambanji wamukulu itwakeŋa a kushakama nindi.
17Chitunashiki kuYerusalema, akwetu hiyakutiya kuwaha kututambula. 18Chikunachi hitukuya naPawulu kwaYakoba; mwadi ŋuwu niakulumpi ejima. 19Chanayi mwishiyi, hakuyishi mwinamu mwejima mwakoŋeliyi Nzambi mukachi kawaJentili kumudimu windi, hachuma hachuma. 20Wena chanachitiyuwu, hiyakulemesha Nzambi. Hiyakumwila nawu, Eyi mana kwetu, wunamoni chanetiyuwu aYudeya makombakaji namakombakaji; wejima wawu asweja Ŋovu yakudijilika nanshimbi jawu. 21Nsaŋu akwetu aYudeya, kulonda nakayi mulwendu lwa kuDamakasa, nakaleti akwakwitiya munyonji kuYerusalema, kulonda akayibabeshi, yeyi yatiyakana dehi, anatiyi nawu walejapa aYudeya ejima ekala mukachi kawaJentili, neyi aleki Mosi. Nawu wayilejaŋa neyi bayi aalamishaga anyanawu, hela kwenda mwaya yijila yaMosuku. 22Tukwila pahi dinu? Chalala izaza kepa ditiyi nawu wenza dehi. 23Dichi ilaku mutukukuleja. Tukweti amayala awana anadishiilumu dehi; 24twalaku wenawa wudijiliki nawu hamu, wuyikwashuku kufweta kulonda atewuli nyitu yawu. Mwenomu antu ejima eluki nawu nsapu yeyi yanayilejuwu yakutwamba; komana eyi aweni wendaga chachiwahi mwaya nshimbi. 25Hakwila chansapu yawaJentili etiya dehi, twasonekeli dehi. Twaketwili dehi netu aleki yuma yakupesha nachu akishi, nimashi, nianyama akushotomona, niwuvumbi. 26Pawulu hakutambula wenowu amayala; chikunachi hakudijilika nawu hamu, hakwipila mutembeli kulonda aleji mwakamanina mafuku akudijilikila; hakayikwashayi namulambu wawu wejima wawu.
27Chaneluwu mafuku atanu nayedi hiyakuya nakumana, aYudeya afumini kuAsiya, chanamonuwu Pawulu mutembeli, hiyakusaŋumuna izaza dawantu dejima, amukwata nikumukwata. 28Hiyakubilela nawu, Enu akwetu amayala aIsarela, tukwashenuku! Yeniwu diyi iyala walejaga antu ejima kwejima, nakutugula niaIsarela ninshimbi nitembeli iyi. Nabombeluku chuma chikwawu nawa, ncŋiji aHeleni mutembeli; najiloli dehi munu mwajila. 29Muloga henohu amumona dehi mupanda hamu nakaEfwesesa, Tirofwimusa; anatogojoki nawu Pawulu namwigiji mutembeli. 30Ŋanda yejima yivwakuka niipumba; antu hiyakupompa lufuchi, hiyakumukwata Pawulu, hiyakumukokela hanzi yatembeli. Enzela niyenzelu hohenohu. 31Heliluwu hiyakukena kumujaha, nsagu oyu yishika nikudi mukulumpi wamashidika ikombakaji, nawu Yerusalema yejima yavwakuka dehi kwepumba hohu. 32Hakusenda mashidika nimasenturinu hohenohu. Hiyakukunkumukila lufuchi kudi wena; chanamonuwu mukulumpi muneni nimashidika, aleka nikumweta Pawulu. 33Mukulumpi muneni hakwinza kwakwihi, hakumukwata, hakuyila nindi mukasenu namalepi ayedi. Hakwihula nindi, Yeniwu hinyi? Neli pahi? 34Amwizaza amakwawu hiyakubideka chuma chimu, amakwawu nawa chuma chikwawu. Chanabuliyi kwiluka chakashinshi nepumba dadipuku, hakuyileja nindi mutwalenu mwitala damashidika. 35Chanashikuwu kuwukandaminu, hiyakumweleka Pawulu kudi mashidika, nanochu chaswejeluwu antu kuzuwa. 36Mulopa izaza dawantu hidikuyilondela nakubideka nawu, Waadi! Waadi!
37Hakepeluwu kumwigija mwitala damashidika, Pawulu hakumwila owu mukulumpi muneni, nindi, Wukupiteja nikuleji chuma chimu? Yena nindi, Komana wahoshaŋa idimi daHeleni? 38Ami nami kwiji yeyi kaEjipitu wafumbili njita mafuku awa adipuku, watweli atupondu makombakaji awana mwisaga. 39Pawulu hakwakula nindi, Ami yami kaYudeya wakuTarusa muSilisiya, nimwinipanda yalerna. Nakulembeli nami agiteji mwani nihoshi nawantu. 40Chanamwitejiyi, Pawulu hakwimana hawukandaminu, hakuyolwela antu chikasa kwiwulu; chanamwenuwu chacheni zo, hakuhosha nawena mwidimi daHeberu.
လက္ရွိေရြးခ်ယ္ထားမွု
Likezo 21: MW62
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible in Lunda: Ndembu (Lunda of Kalunda) © B. F. B. S. 1962.