Zacarías 6
6
Bredawra tap karret dan llaj raw wdil
1Bredawra dayubre. Chop ya', da nak de yan nzi bronce, radjena blloj tap karret dan llaj raw wdil. 2Da nellen nxhub kabay xna kaꞌ len, da wllope na nxhub kabay gasj kaꞌ len, 3da wyone' na nxhub kabay llich kaꞌ len, na da wdape na nxhub kabay pint kaꞌ len. 4Na bnabra anklen llweren nada' diꞌllen: ¿Xana bi llene dan nen'? 5Na anklen ballie'e xtillan: Daki nak aken tap be'e da dlloj raw Xanllon. 6Karret ka' nxhub kabay gasj kaꞌ zajen latj yell-liw dan lli rale, na dan nxhub kabay llich kaꞌ zajen latj yell-li'on lli gan lla'gach willen, na dan nxhub kabay pint kaꞌ zajen latj yell-li'on lli llelre. 7Na kabay pint kaꞌ llebraz ba llun akba da ko akba nez, nench'na llajchechj akba raw yell-li'on. Na anklen gulle le akba: Le llajchej raw doxhente yell-li'on. Na kaꞌ ben akba.
8Bayull dani, anklen bne' nada' na bne: Bwiakero, ba kaꞌ sjak latj yell-li'on lli rale wayun xhenlall akba Xanllon, na bill gaklle'e latj yell-li'on lli gana'. 9Xanllon bene'e nada' di'llni: 10Heldai, Tobías na Jedaías bchach ake' le ake' yell, na bxhakzi ake' kanake ben ake' xchin be'nn Babilonia kaꞌ, na na' ba bara' ake'. Biaj jawia ake' na bnab akre ya cha'on nzi oro na plat. Na ke lla nakse biaj rill Josías, xhi'nn Sofonías. 11Konen oro na plat dan ba bnabon, gulle gune corona ake', na ton bro yichj bxus Josuén, xhi'nn Josadac. 12Na gulle: Ki ne Xanllon nap doxhente yelwaken, nada' guna ke gani', lloj to be'nn wayun yodao ke Xanllon, na wsie'e, da llakub. 13Wayune'e yodao ke Xanllon, na sie'e yel baran ke da zi be'nn llnebia. Na kwie wnebie'e, na kwite'e na kwe to bxus, na gak ake' tuze gun ake' llin, na su ake' nbaraz. 14Na corona ka' yegan aken lo yodao ke Xanllon, nench'na Heldai, Tobías, Jedaías na Josías, xhi'nn Sofonías. Llajdinlall ake' xtillan.
15Be'nn zit ka' yed ake' gakren ake' nench'na wayak yodao ke Xanllon, kena wazake re', ke Xanllon nap doxhente yelwaken bsele'e nada'. Dani gaken ket re' yenere chi'i Xanle Diozen, na wzenayre ke'e.
လက္ရွိေရြးခ်ယ္ထားမွု
Zacarías 6: ZPUPAT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ