Zacarías 5
5
Bredawra yich da nyoj na nduben
1Na bredawra dayubre. Brera to yich da nyoj, da ndub na dan raw lla. 2Na anklen bnabre nada': ¿Bi llrero? Na gulle: Llrera to yich da ndub na nyojen, dan raw lla, na nbixen galj llit zdonre na chi llit srayre.
3Na gull anklen nada': Le yich na llia de'e dan gak ke be'nn ka' lla raw doxhente latj yell-li'on. Tolan llia de'e ke be'nn ka' llban. Na ye tolan llia de'e ke be'nn ka' ket ziye'e ake' na ne ake', dali raw Diozen nia kaꞌ, Ni to be'nn ki bi yegan bi walleyraw ake'. 4Le Xanllon nap doxhente yelwaken ne: Nada' guna nench de'n chon lo yo rill be'nn kaꞌ llban, na lo yo rill be'nn ka' ket ziye'e ake' na ne ake' dali raw Diozen nia kaꞌ. Na de'n wlleyin yoyte da sjade lo yo rill be'nn ki, ni yay ni yaj bi yegan.
Bredawra da dllix na rente ye to nor
5Na blloj anklen llweren nada' diꞌllen, na gulle nada': Bwiakero bi dan llroe rawe na'. 6Na bnabre'e: ¿Bi dan? Na ballie'e xtillan: Da dllixen. Danin nak daxhinj ke be'nn ka' sjalla raw latj yell-li'on.
7Dan dllixen naken ga dlla ake' da llot ake', na xtapen naken de ya dan nzi plomo. Na blise xtapen na loe na lli to nor. 8Na anklen gulle nada': nor nan nake daxhinjen. Na blliye le'e loe dan dllixen, na badose'e xtapen de yan nzi plomo.
9Na bwia dayubre, na brera chop nor zu xir, na been dlliyen le ake', na zanox akte dan dllixen, na bayepren akten raw lla.
10Na bnabra anklen llweren nada' diꞌllen: ¿Gaxhan llajsan ake' dan dllixen? 11Na le'e ballie'e xtillan: Gun ake' to yodao ke Babilonian. Ket ba bayull yoda'on, na llajzoa aken gana' raw xnie'e na.
လက္ရွိေရြးခ်ယ္ထားမွု
Zacarías 5: ZPUPAT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ