Zacarías 7
7
Was dan bi llazrall Diozen
1Lla tap ke be'o ga dan nzi Quisleu, iz tap kan llnebia Darío, Xanllon bsele'e to diꞌll ren be'nnen llayixjwe nzi Zacarías. 2Kena be'nn kaꞌ lla Betelen bsel ake' Sarézer na Réguem-mélec, ren be'nn ke'e kaꞌ, janab ake' yel gukre ke Xanllon 3na bnab akre be'nn ka' llayixjwen, na rente bxus kaꞌ lla lo yodao ke Xanllon nap doxhente yelwaken: ¿Suyachllto, na gunllto was be'o ga'ye ke twiz waj, kan llunkzton yeo iz?
4Na Xanllon nap doxhente yelwaken gulle'e nada'. 5Gull yeololte be'nn ka' sjalla latj yell-li'on gan nbaneren, na ren bxus kaꞌ: Re llunre was, na bellre be'o ga'ye, na be'o galle, ba gukte wyon chi iz. Kere llunren nench'na llun xhenle nadan, 6na keten llaj llawren llunzren ke kwinren. 7¿Kere diꞌll kiksen bne Xanllon batna ren be'nn kaꞌ bayixjwe, kan Jerusalén'na ballate sjallan be'nn, na lla ake' nbaraz, na kan ne' sjalla be'nn gan le Négueb na Sefelá?
Yel wednayen nsan yel llalleyraw
8Diꞌll nin be'e Xanllon Zacaríazen be'nnen llayixjwe, na gulle le'e: 9Kin ba bnia. Le gak be'nn wen dalixhej gan gunle yel korchisen, na le gak be'nn chao, na wayachrall loelljre. 10Bi wsakzi re' nor wazeb, na xkwid bi zu xa xna, na be'nn zit, na be'nn yia'ch. Bi gunle xbab akre gunre da mar ke loelljre. 11Na bi wen akre wzenay ake'. Yoy ake' bayechj ake' nada' ben ake' ka be'nn bi llene. 12Ben ake' war raxhdao aken kakse to yaj da zeraw nak war, nench'na bi bzenay ake' xtill Xanllon nap doxhente yelwaken, dan bdixjwere le ake' konen espíritu ke'en, ren be'nn kaꞌ bdixjwe xtillen kan batna. Ke len'na Xanllon llebraz guklleꞌe le ake'.
13Na bne: Kan ben le aken bi bzenay ake' kia kan balwilla le aken, lezkakse guna nada' bi wzenaya ket walwill ake' nada'. 14Ke len'na beslas ake' ka llun to bebdon', na jagon ake' raw latj yell-liw ga bi numbie akre, na latj yell-li'on baganen latj dach ga nullno gak su. To latj yell-liw nbaraz kwis, na le aken bayun aken to yell dach ga nullno gak su.
လက္ရွိေရြးခ်ယ္ထားမွု
Zacarías 7: ZPUPAT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ