Zacarías 4
4
Bredawra kandlerr rente yay olivos
1Ba'bi anklen llueren nada' diꞌllen, na basbane nada' ka llasbane be'nn ne' taz. Na bnabre nada': 2¿Bi llrero? Na gulle, llrera to kandlerr da nak de ya cha'on nzi oro, na kullena llia ga yull seit, chkuiana zu gall da llal na llunrenen llin gall tub ga yull seit. 3Kwit kandlerr'na zu chop yay olivos, ton zu kwite chawe na yeton zu kwite rbese. 4Na bnabra anklen llueren nada' diꞌllen: Xana, ¿bi llene dani nen'? 5Na anklen ballie'e xtillan: ¿Bi ne'zro bi llene dan nen'? Na gulle'e: Ka, Xana. 6Na anklen bzajniere nada' na bne: Dani naken diꞌll da llsel Diozen ke be'nnen le Zorobabel: Bi yalljen gako be'nn war, na bi yalljro ka be'nn kaꞌ lljak raw wdil, tuze dan yalljro Espíritu kiana, ne Xanllon nap doxhente yelwaken. 7¿Nuxha nako rwe' ya' xhen? Waganteo rachze raw Zorobabelen. Na keten wzoe'e yaj nell gan wayak yoda'on, be'nn yell kian gusia ake' kanake llawe akre na ne' ake': Nbaraz kwis naken. Nbaraz kwis.
8Bayullna Xanllon bene'e nada' ye to diꞌll: 9Zorobabelen ba bxie'e ran yoda'on, na lekse wazyullten. Konen kaꞌ wazake re' ke Xanllon nap doxhente yelwaken bsele'e nada'. 10Be'nn kaꞌ bi ben bare, kan bzuraw llin'na, na' yewe akre re' akre Zorobabelen ba bayull llin kaꞌ benen.
Bayullna anklen bne: Da gall kaꞌ lla'len zak reben yajrao Xanllon llwie'e doxhente raw yell-li'on.
11Na bnabre: ¿Bixha llenen nen' chop yay olivos kaꞌ zu chla wej kwit kandlerren? 12Lezka bnabre: ¿Bixha llenen nen' chop xhos yay olivon ze kwit tub kaꞌ, da ka' sjanak de ya cha'on nzi oro, dan dllin gan yull seit ke da kaꞌ llsenin? 13Anklen ballie'e xtillan: ¿Bi ne'zro bi llenen nen'? Na gulle: Ka, Xana.
14Na le'e ballie'e xtillan: Da ki llenen nen chop be'nn ka ba nak xhirall, ze raw llin ke Xanllon nak xan doxhente yell-li'on.
လက္ရွိေရြးခ်ယ္ထားမွု
Zacarías 4: ZPUPAT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ