Zacarías 13
13
1Ka lla'na lloj to nis, na konen len gak wayib ake' daxhinj ke ake' ka', na da bziw ke xhi'nn xhasoa Daviden, na ren be'nn kaꞌ lla Jerusalén'na. 2Na raw doxhente latj yell-liw ni walana ra loe lsak kaꞌ, na nullno llajdinlall le aken. Na lezka walana latj yell-li'on be'nn kaꞌ llayixjwe, na llne' ake', kon kan llgo espíritu xhinjen le ake' nez. Nada' Xanlen ba nia kaꞌ. 3Na cha nu yenrisre wayixjwe, kwin xa xne'e kaꞌ ye ake' le'e: llayal kweio le ba bneo da wxhiye konen ra Xanllon. Na xa xne'e kakse gut ake' le'e. Keten llune ke be'nn llayixjwe.
4Ka lla'na, be'nn kaꞌ llayixjweren wayie'e akre kanaken ba bdixjwe'e akre diꞌll wxhiyen. Ni to ake' bill gak si'ye ake', lakse gak ake' yid xha xhir dan llak be'nn kaꞌ llayixjwen. 5Na to-to ake' ne' ake': Bi naka be'nn llayixjwe, be'nn wen llin yix nada'. Ke ne' naktia bidaote lluna llin lixe. 6Na cha nu wnabe le'e: ¿Bixha ween nakrizo? Na le'e wallie'e ke aken: Da ben akre nada' rill be'nn kaꞌ naka txhen'na.
Be'nnen nak gup xhir ke Xanllon nake we
7Xanllon nap doxhente yelwaken ne:
Byias spad, gukdilren gup xhir kian.
Na gukdilrente be'nnen llakren nadan.
Bet gup xhiren, na gaslas xhir kaꞌ,
na nada' gakdilrena xhirda'o kaꞌ.
8-9Tetere gachj be'nn kaꞌ
sjalla latj yell-li'on kwei ake':
Yeratze be'nn ne' nban yegane.
Na be'nn kaꞌ yeganen'
guna te ake' raw yi',
na konen kaꞌ wayun ake' xhirall, kan llune yan nzi plat,
wayun ake' yall ga zerawze, kan llune ya cha'on nzi oro.
Kenall walwill ake' nada',
na nada' wallia xtill aken.
Na yep ake' Yell kia,
na le aken ne' ake': Xanllonan nak Dios keto.
Nada', Xanlen, lluna' llwa xtillan.
လက္ရွိေရြးခ်ယ္ထားမွု
Zacarías 13: ZPUPAT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ