Malaquías 4
4
Llan yed Xanllon
1 1 (3.19) Xanllon nap doxhente yelwaken ne: Gaochuchze ba zu llan, gan wzeye'e be'nn yarall kaꞌ, na be'nn wen daxhinj ka', na galnin ake' ka yixh bebe. Ka llan yede'e na wzeye'e le ake', na nullno yegankse. 2 2 (3.20) Na kanake re' llunxhenre nada', yel korchis kian wsenin kakse llseni will, na yel beni kian nsan da wzoa nbaraz, na xitgare kan llun bell da'o xhitba llaweba ket dllojba lo rej ke ban. 3 3 (3.21) Ka llan ba lluna xniden, re' wrajchekwre be'nn wen daxhinj kaꞌ, ka llraje bichte. 4 4 (3.22) Le llajdinlall diꞌll dan bia be'nn wenllin kia Moisésen raw ya' Horeben. Naken di'll da ba bdichjbia, na yeolol be'nn Israel kaꞌ llayal wzenay aken.
5 5 (3.23) Lewiakero: Wsela be'nnen llayixjwe lloa xtillan nzi Elías, chegare kene' llin lla yeda wsakzia re'.
6 6 (3.24) Na le'e gune nench'na, xa ake' kaꞌ, ren xhi'nn ake' kaꞌ yenit ake' wen, na cha bi yenit ake' wen, nada' yeda na wsakzia le ake' latj yell-liw ke aken, na wlleyitia doxhenten.
လက္ရွိေရြးခ်ယ္ထားမွု
Malaquías 4: ZPUPAT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ