Génesis 36
36
Esaú sulani balna
(1 Cr 1:34-54)
1Adika balna kuduh Esaú sulani balna, yuldarang kat Edom. 2Esaú laih Canaán yayalni balna kat duna:#Gn 26:34. Elón hitita muihni kidika walanbis yal Ada kidika duna; dawak Aholibama āna walanibis yal, dawak bik, Zibeón heveo alni kidika muni; 3dawak bik Ismael walanbis yal Basemat, dawak kidika laih Nebaiot wirahni yal dai.#Gn 28:9. 4Ada yaklauwi Esaú yakat walanbis as kalana dai kidika ayangni laih Elifaz; dawak Basemat yaklauwi walanbis as yakna kidika laih Reuel; 5dawak Aholibama yaklauwi walanbis yakna kidika laih Jeús, Jaalam dawak Coré. Adika balna kuduh Esaú walanbis balna dai kidika, witing Canaán sauni yakat yalahwadai mani balna yakat batatahnna.
6Esaú witing yalni balna duna, walanbis ahal dawak yayal balna bik, dawak muih bitik witing karak yalalahwadai kidika bik, dawak mahka witing pa ūk kiuna, wirahni Jacob kaupak naikau kalahwi kiunin yulni. Tingnilau balna bitik duwi kiuna, witing Canaán sauni yakat tinglau ampus duna dai kidika balna bitik, 7kat witingna laih di mahni duduwadai bahang sip-awasdai albupak pa aslah yalahnin; baisa minit yakat, witingna yalalahwa sauni kidika aitani nuhni awasdai tingninalau balna di bayayahna atnin. 8Kidika bahang Esaú, yuldarang kat Edóm, witing laih Seir sauni pīsni yakat kiwi yalahna.
9Adika balna kuduh Esaú sulani balna, edomita muihni bararak balna, witingna Seir asangnipas yakat yalalahwadai kidika. 10Adika kuduh Esaú walanbis balna ayangnina: Elifaz, Ada dawak Esaú karak walaninabis; dawak Reuel laih Basemat dawak Esaú karak walaninabis dai. 11Elifaz walanbis balna kidika laih Temán, Omar, Zefo, Gatam dawak Cenaz. 12Elifaz witing ialni as duwadai kidika laih Timna; yal kidika yaklauwi walanbis as kalana dai kidika laih Amalec. Adika balna kuduh Ada sulani balna, Esaú yalni as dai kidika. 13Reuel walanbis balna dai kuduh Nahat, Zera, Sama dawak Miza; Adika balna kuduh Basemat sulani balna dai kidika, Esaú yalni ūk dai kidika. 14Aholibama kidika kuduh Esaú yalni ūk dai kidika, dawak yal kidika yaklauwi walanbis balna kalana dai kidika laih Jeús, Jaalam dawak Coré. Yal kidika laih Ana walanbis dawak Zibeón mūni dai.
15Esaú sulani balna tunan kakanadai kidika balna kuduh: Elifaz sulani balna, Esaú walanbis barakni, tunan muihni balna dai kidika kuduh Temán, Omar, Zefo, Cenaz, 16Coré, Gatam dawak Amalec. Adika balna kuduh Elifaz walanbis tunan balna dai kidika, Edóm sauni yakat, kidika balna bitik laih Ada sulani balna dai. 17Esaú walanbis Reuel kidika walanbis balna dai kidika tunan kakana dai kidika laih Nahat, Zera, Sama dawak Miza. Adika laih Reuel walanbis balna tunan kakanadai kidika Edóm sauni yakat, dawak kidika balna laih Basemat sulani balna dai, Esaú yalni. 18Aná walanbis yal, Esaú yalni Aholibama kidika walanbis balna, dai kidika tunan balna dai: Jeús, Jaalam dawak Coré. 19Witingna bitik laih Esaú sulani balna dai, yuldarang kat Edóm sulani, dawak sulanina balna mahni kidika pasyakat tunan balna dai.
20Seir, horeo muihni kidika walanbis balna, witingna kidika pāni yakat yalalahwadai kidika laih, Lotán, Sobal, Zibeón, Aná, 21Disón, Ezer dawak Disán. Adika balna kuduh horeo tunan muihni balna dai kidika, dawak Seir sulani balna dai kidika, Edóm sauni yakat. 22Lotán walanbis balna laih, Hori dawak Hemam. Timna laih Lotán wirahni yal dai. 23Sobal walanbis balna laih Alván, Manahat, Ebal, Sefo dawak Onam. 24Zibeón sulani balna kuduh Aja dawak Aná. Aná, kuduh kauhmak wanilang yakat wastuna yakna dai kidika, witing papangni Zibeón biriniku balna maintalwa likkauna. 25Ana walanbis al as duna dai ayangni Disón, dawak walanbis yal as ayangni laih Aholibama. 26Disón walanbis balna laih Hemdán, Esbán, Itrán dawak Querán. 27Ezer walanbis balna kuduh Bilhán, Zaaván dawi Acán. 28Disán walanbis balna kidika laih Uz dawak Arán.
29Horeo tunan muihni balna dai kidika kuduh Lotán, Sobal, Zibeón, Aná, 30Disón, Ezer dawak Disán. adika balna kuduh horeo tunan muihni balna dai kidika, wanaihni, wanaih kat dai kidika, Seir sauni yakat.
31Adika balna kuduh Edóm yakat king kakanadai kidika, Israel balna king duduwas tanitkauh: 32Bela, laih Beor walanbis al dai, witing laih Edóm kingni kanadai, dawak witing tawanni nuhni kidika ayangni laih Dinaba. 33Bela dauna usnit kat, kidika pāni yakat kabamint kanadai Jobab, Zera walabis, witing laih Bosra tawanni kaupak dai. 34Jobab dauna usnit kat, kidika pāni yakat Husam kabamint kana dai, bahang witing laih Temán pāni kaupakdai. 35Husam dauna usnit kat, witing pāni yakat Bedad walanibis Hadad kidika kabamint kanadai, bahang witing kuduh Madián yakat minit bayakna dai kidika Moab sauni yakat; witing tawanni nuhni kidika ayangni laih Avit dai. 36Dawak Hadad dauna usnit kat, kidika pāni yakat kabamint kanadai Masreca tawanni kaupak al as ayangni Samla dai kidika, 37Samla dauna usnit kat, tawan as waskung kau pakkidika ayangni Rehobot, kidika pāni kaupak al as ayangni Saúl dai kidika, kabamint kanadai. 38Saúl dauna usnit kat, kidika pāni yakat Baal-hanán kidika kabamint kanadai, bahang witing laih Acbor walanbis dai. 39Baal-hanán dauna usnitkat, kidika pāni yakat kabamint kanadai Hadad;#36.39 Hadad: ting ulna manas kau kaput yulwi, dawak 1 Cr 1:50. Hibru kau laih Hadar. dawak witing tawanni nuhni dai kidika ayangni laih Pau. Hadad yalni ayangni laih Mehetabel, kidika laih Matred walanibis yal dai, dawak Mezaab mūni dai.
40Adika balna kuduh Esaú sulani mahni balna dai kidika ayangnina, sulani balna kat kat, dawak panina ayangni bik kat kat: Timna, Alva, Jetet, 41Aholibama, Ela, Pinón, 42Cenaz, Temán, Mibzar, 43Magdiel dawak Iram. Esaú kidika ayangni ūk bik duwadai Edóm, dawak adika balna kuduh Edóm tunan muihni balna dai kidika, panina kat kat yalalahwa balna dai kidika, dawak kidika sauni laih witingna dinina dai.
လက္ရွိေရြးခ်ယ္ထားမွု
Génesis 36: SUMU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblia Sumo
Texto © Sociedad Bíblica de Nicaragua 1998