من الوحي إلى النبي أشعيا 53
53
1"اللّهُمّ يا مولاي،
قليلين هنّ يلّي آمنوا بس خبّرناهُن بشو سمعنا!
ليه مين قبِل وصدّق تعامُلات وتجليّات ربنا؟
2عبدُ الله المصطفى، نما إدّام الله متل شي نبتة خضرة،
ومتل نمو جذر بأرض قاحلة عفرا.
بلا هيبة ولا وقار تَيجذِبنا وصوبُه.
3كان محتقر ومنبوذ بيناتنا.
قاسى أحزان وآلام كتيرة ما بتنعدّ،
نحنا نبذناه وما اهتمينا فيه ودرنا ضَهِرْنا إلُه. لأنُّه مش كلّ هالقد!
4مع أنّه حَمَل كلّ أمراضنا، وكلّ أوجاعنا وآلامنا تحمَّلها عنّا،
ونحنا كنّا مفكرين إنّه بسبب ذنوبُه الله ابتلاه، مش بسببنا!
5بس الحقيقة إنّه هو يلّي انبلى بسببنا وبسبب معاصينا،
لمّا هو حمل الضربات عنّا، انجرَح وانسَحَق بدالنا، وهيك اتعافينا.
6كِلّنا عن الصراط المستقيم ضايعين،
متل غنم عن الحقل تايهين،
فالله حمّلُه كلّ معاصينا نحنا المذنبين.
7الناس ذلّوه وما فتح تمُّه، ظلموه،
سحبوه متل حَمَل عالدَبح ساقوه،
أو متل شي غَنَمة إدّام جزّارا مش طالِع صوتا، جزّوه.
8بحكمُن القاسي والظالم عليه، ذلّوه،
ومين كان مهتمّ مِنْ شعبُه! حرموه من الدنيا ومات كرمال معاصيهُن. قتلوه!
9قبرُه كان بين الأشرار،
بس اندفن مع الأغنيا،
لأنّه كان من الأبرار،
وأبداً ما ظلم حدا، أو عمل معصية استحى فيا.
10ومع هيك كان قضاء الله أنّه ينسحق ويتعذَّب،
وخلّاه يضحّي بحياتُه تكفيراً عن كلّ معصية وكلّ ذنب،
بالرغم من يلّي صار، إيّامه رح تطول ورح يشوف خَلَفُه من بعدُه،
وتتحقّق مشيئة الله على إيدُه.
11وبعد ما يقضّي كلّ هالمعاناة،
رح يشوف الخير من النتيجة، ويرضى عن يلّي صار معُه من عذابُه بالحياة.
ورح يجعل الله من عبدُه المرتضى، سبب لقبول ناس كتيرين من العالمين،
لأنّه هوّ المصطفى رح يطهّرُن من كلّ معاصيهن ويجعلهُن صالحين.
12ولهالسبب قال ربّ العالمين:
"رح إرفَع مقامُه لمقام الوُجهاء،
ورح يكون صاحب النجاة الأكيدة بين الأقوياء،
لأنّه قِبِل الموت وكان إلُه الخيار،
بعد ما حاكموه كمتمرّد شفعلُن وحَمَل معاصي وذنوب ناس كتار."
လက္ရွိေရြးခ်ယ္ထားမွု
من الوحي إلى النبي أشعيا 53: LRT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media