من الوحي إلى النبي أشعيا 53မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

بس الحقيقة إنّه هو يلّي انبلى بسببنا وبسبب معاصينا، لمّا هو حمل الضربات عنّا، انجرَح وانسَحَق بدالنا، وهيك اتعافينا.

كِلّنا عن الصراط المستقيم ضايعين، متل غنم عن الحقل تايهين، فالله حمّلُه كلّ معاصينا نحنا المذنبين.

مع أنّه حَمَل كلّ أمراضنا، وكلّ أوجاعنا وآلامنا تحمَّلها عنّا، ونحنا كنّا مفكرين إنّه بسبب ذنوبُه الله ابتلاه، مش بسببنا!

كان محتقر ومنبوذ بيناتنا. قاسى أحزان وآلام كتيرة ما بتنعدّ، نحنا نبذناه وما اهتمينا فيه ودرنا ضَهِرْنا إلُه. لأنُّه مش كلّ هالقد!

الناس ذلّوه وما فتح تمُّه، ظلموه، سحبوه متل حَمَل عالدَبح ساقوه، أو متل شي غَنَمة إدّام جزّارا مش طالِع صوتا، جزّوه.

ومع هيك كان قضاء الله أنّه ينسحق ويتعذَّب، وخلّاه يضحّي بحياتُه تكفيراً عن كلّ معصية وكلّ ذنب، بالرغم من يلّي صار، إيّامه رح تطول ورح يشوف خَلَفُه من بعدُه، وتتحقّق مشيئة الله على إيدُه.

عبدُ الله المصطفى، نما إدّام الله متل شي نبتة خضرة، ومتل نمو جذر بأرض قاحلة عفرا. بلا هيبة ولا وقار تَيجذِبنا وصوبُه.

ولهالسبب قال ربّ العالمين: "رح إرفَع مقامُه لمقام الوُجهاء، ورح يكون صاحب النجاة الأكيدة بين الأقوياء، لأنّه قِبِل الموت وكان إلُه الخيار، بعد ما حاكموه كمتمرّد شفعلُن وحَمَل معاصي وذنوب ناس كتار."

وبعد ما يقضّي كلّ هالمعاناة، رح يشوف الخير من النتيجة، ويرضى عن يلّي صار معُه من عذابُه بالحياة. ورح يجعل الله من عبدُه المرتضى، سبب لقبول ناس كتيرين من العالمين، لأنّه هوّ المصطفى رح يطهّرُن من كلّ معاصيهن ويجعلهُن صالحين.

بحكمُن القاسي والظالم عليه، ذلّوه، ومين كان مهتمّ مِنْ شعبُه! حرموه من الدنيا ومات كرمال معاصيهُن. قتلوه!

قبرُه كان بين الأشرار، بس اندفن مع الأغنيا، لأنّه كان من الأبرار، وأبداً ما ظلم حدا، أو عمل معصية استحى فيا.