Emọs 6
6
Ẹghwọrọ rẹ Izrẹl
1Eka kẹ otu rẹ oma furu vwi Zayọn, kugbe ayen ihwo re hẹ egbemọphẹ vwẹ enu rẹ ugbenu ri Sameria, ihwo ride re dia ihwo rẹ ẹsosuọ vwẹ egborho na, ihwo rẹ uwevwi rẹ Izrẹl bru rhe! 2Wanvrẹn kpo Kalneh, re wọ mrẹ, nẹ etiyin re wo kpo Hamat rode na, wo rhe kpo Gat ri Filistia. Ayen yovwi nọ uvie nana? Yẹrẹ ubrakpọ rayen rho nọ ubrakpọ rẹ ovwan? 3E wẹ ro bie ẹdẹ umwemwu kpo obaro, wo mi rhe si agbara rẹ ozighi kẹrẹ? 4Eka kẹ ihwo ri sherhẹ ehwa rẹ akeni, re riẹn paparapa phihọ enu rẹ ukpe rayen, re ria upene rẹ ogegede vwẹ ohri rẹ igegede na, re ria upene rẹ erhuẹn vwẹ evun rẹ urhuẹn rayen; 5ri suine rẹ ufeti nene akpata na, kerẹ Devid ro siẹ ekpata re vwo hworo une kẹ oma rayen, 6re vwẹ okpa da udi, re vwẹ omamọ rẹ ori ọghaghare ghworo oma rayen, ẹkẹvuọvo eyere ri Josẹf ra guọghọre na da aye-en. 7Fikire ọtiọye ayen ke cha dia ihwo rẹ ẹsosuọ re mu kpo imu, omavwerhc rẹ ihwo re riẹn oma rayen ke cha wanvrẹn 8Ọrovwohwo Ọghẹnẹ vwẹ oma rọye duvwu iyori (eriyin Ọrovwohwo na, Ọghẹnẹ rẹ otuofovwi na tare) Me gba omephuo ri Jekọp, oma re ogba ọgangan rọye tu vwẹ, ki mi phi orere na vẹ obo re herọ phihọ obọ rẹ ivwighre. 9Ọ da dianẹ ihwo ihwe chekọ uwevwi ọvo, ayen che ghwu. 10Ọke rẹ omoni rẹ ohwo na, ohwo rọ torhẹ na, de muo kpenu rere ọ ghwẹ ibeku rọye nẹ evun rẹ uwevwi na rhe, rọ da ta kẹ ohwo rọ obẹtan rẹ uwevwi na nẹ, Ohwo ọfa ji kugbe uwe? Kọ ta nẹ, Ẹjo, kọ cha ta Rhurhu unu! E jẹn avwanre se odẹ rẹ Ọrovwohwo-o. 11Kidie nighere, Ọrovwohwo tare, uwevwi rode na ka guọghọ te otọ, kugbe uwevwi otete na ka guọghọ vworovworo. 12Iyesi sa djẹ vwẹ enu rẹ eragha? A sa vwẹ erhuẹn vorọ urhie? Ẹkẹvuọvo wa rhẹriẹ uyota phihọ ẹruan, emamọ rẹ ọvwata phihọ akoro. 13Ovwan re ghọghọ vwi Lodeba, re tanẹ, Ọ dia ogangan rẹ avwanre ma vwọ reyọ Karnaim ke oma re avwanre? 14Kidie nighere, mi che fovwo ẹgborho ọfa vwọ so ovwan, E uwevwi rẹ Izrẹl, eriyin Ọrovwohwo tare, Ọghẹnẹ rẹ otuofovwi na ke ayen che shenyẹ ovwan nẹ ughere ri Hamat re te Ẹtẹrhe rẹ Araba.
လက္ရွိေရြးခ်ယ္ထားမွု
Emọs 6: UBV77
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.