Emọs 5
5
E Se Ayen ne Ikurherie
1Nyo ota nana ri mi vwerhe oma rọye keẹ wẹ na, E uwevwi rẹ Izrẹl. 2O sheri, o rhe vwo evrẹn ọfa-a, we ọmọtobẹ rẹ Izrẹl, a serọ vwẹ otọ obọ rọye, o gbi vwo ohwo rọ kparọ vrẹ-ẹn 3Kidie e nẹ Ọrovwohwo Ọghẹnẹ tare orere rẹ ihwo uriori nẹ cha ke ujori ọvo ri che chekọ, e re ujori nẹ cha ihwe kọye che chekọ kẹ uwevwi rẹ Izrẹl. 4Kidie e nẹ Ọrovwohwo ta kẹ uwevwi rẹ Izrẹl guọnọ ovwẹ re wọ rhọ; 5ẹkẹvuọvo wọ guọnọ Bẹtẹ-ẹl, wọ vwẹriẹ Gilga-al yere wọ samue kpo Bieshibaa; uyota e che mu Gilgal kpo imu, Bẹtẹl che hirhe phihọ odiodi. 6Guọnọ Ọrovwohwo re wọ rhọ, o de rhi mu la kerẹ erhanre vwẹ uwevwi ri Josẹf, kọ guọghọ, o rhe vwo ohwo ọvuọvo ro se furhie Bẹtẹ-ẹl, 7E we re rhẹriẹ orhiebro phihọ akoro na, ro chiyi ọvwata muotọ. 8Ohwo rọ ma Emetasa vẹ Oniọhọvikẹ rọ rhẹriẹ ebri hwi phihọ urhiọke, ọ Me rha rhẹriẹ uvo kpo ason, ro se ame rẹ abadi ejobi kpọ o mi rhe won ayen phihọ enu rẹ akpọ na, Ọrovwohwo na ọye odẹ rọye. 9Ohwo rọ nẹrhẹ a guọghọ ọgba, ẹguọghọ mi re she vwa ogba ọgangan, 10oma re ohwo rọ ghwọ kue ohwo vwẹ anurhoro tue ayen, ivun rẹ ohwo rọ ta uyota miovwo ayen. 11Fiki rẹ obo we vwo chiyi ovwiogbere muotọ na ru wa da karhiẹ ọka rọye mie na, kọye wa vwọ bọn iwevwi rẹ eragha, ẹkẹvuọvo wa cha dia aye-en, wa kọn omamọ rẹ ogba ri vain, ẹkẹvuọvo wa cha da udi raye-en. 12Kidie mi riẹn obo rẹ ogbeku rẹ ovwan bute, kugbe obo re imwemwu re ovwan rho te weẹ ro kpokpo evwata, re ria udi, rọ djẹ ọ rẹ akpọ bẹn nẹ anurhoro na. 13Fiki rẹ ọtiọye na ohwo ro vwo ọhọ ko rhurhu unu vwẹ ọke yena; fikiridie ọye ọke umwemwu. 14Guọnọ erhuvwu ọ dia umiovwo-o, rere wọ rhọ, rere Ọrovwohwo, Ọghẹnẹ rẹ otuofovwi na, vwo nene uwe dia, kirobo wọ tare na. 15Tuoma rẹ umwemwu, guọnọ emu esiri, wọ bro omamọ orhiẹn vwẹ anurhoro, ọke ọvo Ọrovwohwo, Ọghẹnẹ rẹ otuofovwi na, kọ sa re ehrọre rẹ umuku ri Josẹf ro chekọ na. 16Fiki re otiọye e nẹ Ọrovwohwo tare, Ọghẹnẹ rẹ otuofovwi na; Ọrovwohwo na, omaebere kọ cha dia vwẹ evun rẹ osuere na, ejobi, ke ayen che kperi vwẹ irhuvwu na ejobi nẹ, eghwo! eghwọo! Ayen ki che se eghwẹrẹ na kpo omaemuophihọ otu re riẹn omaebere ke se ayen kpo oma evwerhe, 17vwẹ ogba ri vain ejobi kọ cha vọn vẹ omaebere kidie Me cha wan ohri rẹ ovwan vrẹn, eriyin Ọrovwohwo na tare. 18Ekan kẹ wẹ rọ guọnọ ẹdẹ rẹ Ọrovwohwo na! Die wọ vwọ guọnọ ẹdẹ rẹ Ọrovwohwo na? Ẹdẹ na ebri hwi, o vwo orẹmrẹ-ẹ, 19Kerẹ ọke rẹ ohwo a dje nẹ obọ rẹ okpohrokpo, edjẹnẹkpo da ra vwa, eyẹrẹ ohwo rọ ro evun rẹ uwevwi ọ da vwẹ oma vẹ abọ rere igbẹhẹ, ọrọdekọ da rhovwọ. 20Ẹdẹ rẹ Ọrovwohwo na dia ebri hwi, ọ dia orẹmrẹ-ẹ, egho kpoi o vwo orẹmrẹ kaka-a? 21O tu vwẹ oma, Me jẹ orẹ rẹ ovwan fia, Ọghwẹkoko ofuefu rẹ ovwan na vwerhe ovwẹ oma-a. 22Owenẹ wo ze izobo re ẹtorhẹ kẹ vwẹ vẹ izobo rẹ ọka, Me cha reyọ aye-en, izobo rẹ ufuoma ru wọ vwẹ eranvwe vẹ ivwri ze mi che fovwe ẹro no-o 23Bi edo re ine re ovwan te oboyi; Me cha kerhọ re ẹmiẹmiẹ rẹ akpata rẹ ovwa-an. 24Ẹkẹvuọvo we gbe jẹ orhiẹbrọ rẹ uyota djẹ kerẹ ọkẹre re ame, rẹ ọvwata dia kerẹ urhie rọ djẹ rara. 25We ze izobo vẹ ẹkpẹvwẹ kẹ vwẹ ikpe ujuvẹ re wa dia aghwa na E uwevwi rẹ Izrẹl? 26Wa cha reyọ Sakut rẹ ovie rẹ ovwan, vi Kaiwan ẹdjọ rẹ isio rẹ ovwan, ema rẹ ovwan, re wa kare kẹ oma rẹ ovwan; 27fiki rẹ ọtiọye na ki mi che mu ovwan kpo imu vrẹn Damaskọs, eriyin Ọrovwohwo na tare, rẹ odẹ rọye Ọghẹnẹ rẹ otuofovwi na.
လက္ရွိေရြးခ်ယ္ထားမွု
Emọs 5: UBV77
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.