Emọs 7
7
Emramrẹ Erha rẹ Eghwọrọ. Ebaka, Erhanre Kugbe Ubiurhe rẹ Ovwavwọn
1Etiọna Ọrovwohwo Ọghẹnẹ vwọ nẹ vwẹ: nighere, o de se igurube koko vwẹ etuọphihọ rẹ ẹdjẹcha rẹ ẹgon; nighe, ọye ẹdjẹcha rọ kerẹ ovie vwo fro nu. 2Ọke rẹ ayen vwọ re odi rẹ otọ na nu, Me da ta, E Ọrovwohwo Ọghẹnẹ, vwo ghovwo, Me rẹ wẹ! Mavọ Jekọp se vwo mudia? Ọ havwe nọ. 3Ophu rẹ Ọrovwohwo na de fue vwẹ ọnana: Ọ sa dia etiọye-e, eriyin Ọrovwohwo na tare. 4Kenẹ Ọrovwohwo Ọghẹnẹ vwọ nẹ vwẹ. Nighere, Ọrovwohwo Ọghẹnẹ cha vwẹ erhanre brorhiẹ, ọ da torhẹ iyara rode na kugbe otọ na. 5Etiyin me da ta, E Ọrovwohwo Ọghẹnẹ da obọ ji, me rẹ wẹ! Mavọ Jekọp se vwo mudia? Ọ havwe nọ. 6Ophu rẹ Ọrovwohwo na de fue vwẹ ọnana: Ọnana cha sa phia-a, eriyin Ọrovwohwo Ọghẹnẹ na tare. 7Ọ da vwọ nẹ vwẹ nighe, Ọrovwohwo de mudia vwẹ oma rẹ igbẹhẹ na rọ nabọ vwanvwe, ovwavwọn na. 8Ọrovwohwo na da ta kẹ vwẹ, Emọs, die wọ mrẹre? Me da ta, Ovwavwọn. Etiyin Ọrovwohwo na da ta, Nighere, mi phi ovwavwọn phihọ ohri rẹ ihwo rẹ Izrẹl; Me gbe cha wan oma rayen vrẹ-ẹn, 9a cha kua asan ro kpenu rẹ Aizik fiotọ riẹriẹ, ẹshẹ re Izrẹl ejobi ke cha dia ofefe, ki mi che mu kpahe uwevwi ri Jeroboam vẹ ọlọkọ
Emọsi Kugbe Amazaya
10Etiyin Amazaya rẹ orherẹn ri Bẹtẹl de ji ohwo bru Jeroboam ovie rẹ Izrẹl nẹ, Emọs jẹ iroro ọbrabra kpahe owẹ vwẹ ohri rẹ uwevwi rẹ Izrẹl, otọ na sa gba ota rọ tare-e. 11Kidie e nẹ Emọs tare, A cha vwọ ọlọkọ hwe Jeroboam, ke che mu Izrẹl kpo imu vwẹ otọ oshesheri. 12Amazaya da ta kẹ Emọs, E ọmraro, yanran, djẹ yanran kpo otọ ri Juda, rere wọ re emu re wo mraro vwẹ oboyi, 13ẹkẹvuọvo wọ gbe mraro vwẹ Bẹtẹl ọfa-a, kidie etiyin ẹshẹ rẹ ovie epha, etiyin je ọguan rẹ uvie na. 14Etiyin Emọs da kpahe kẹ Amazaya, Me dia ọmraro-o, yẹrẹ ọmọ rẹ ọmraro-o, ẹkẹvuọvo uchuru mi churẹ vẹ ohwo rọ vwẹ ẹro te irhe ri sikamọ, 15Ọrovwohwo dẹ fru vwẹ reyọ nẹ mi gbi nene igegede-e, Ọrovwohwo da ta kẹ vwẹ, yanran ra mraro kẹ ihwo mẹ Izrẹl. 16Asakiephana gbe nyo ota rẹ Ọrovwohwo na. Wọ tanẹ, Wọ gbe mrarọ kpahe Izrẹl ọfa-a wọ gbe je ta ota kpahe uwevwi rẹ Aiziki-i. 17Fiki rẹ ọtiọye na e nẹ Ọrovwohwo tare, Aye wẹn che hirhe phihọ igberadja vwẹ evun rẹ orere na, te emeshare wẹn vẹ emetẹ ka vwẹ ọlọkọ nyavwe ayen hwe. Ka vwẹ ufi ma otọ wẹn ghare, ekpuyovwi wẹn ko ghwu phihọ otọ rọ fonro-o, Izrẹl che kpo imu vwẹ isiorho.
လက္ရွိေရြးခ်ယ္ထားမွု
Emọs 7: UBV77
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.