Dakør 32
32
Rubeniag kï Gadiag køtïn døning Galaad kad ndïnt
1Rubeniag kï Gadiag awïn kï þut nyakulg ngãibe na oon ad døning Jaejer kï døning Galaad i lo kïmaj kïta nyakulg. 2Kamla Gadiag kï Rubeniag awïn ro Moijt kï Eleajar ngejanyamosï kï kïbog lo ngékawna, elïnd anan: 3Atarot, Dibon, Jaejer, Nimra, Hesbon, Eleale, Seban, Nebo kï Beon 4în døningg'n Bïraþe teetd ðøø nõ ngékawnat lo Israel, i lo kïmaj kïta nyakulg, na þerg loi în ngékulnyag. 5Elïn anan: Îla kï ngah maj takumit a ne, ad døning'n ðan þerg loi nyakagþet, na ot gang sej bah Jurrdë.
6Moij tur Gadiag kï Rubeniag an: Ngankõsïg a awïn ðøøt na i ndigïn kad i ndïn ne be e? 7Kïtøði i ndigïn kad ro Israelag oi siw dø kaw kam døningt'n Bïraþe ad'd a? 8Bøwsïg ðan titbe lon m'lad Kades Barnëa kad oon døning. 9Awïn mbã hoollot kï Eskol, na lon oon lo oi ye, ðan ad ro Israelag oi siw dø kand kam døningt'n Bïraþe ad'd. 10Bïraþe þawong kïtalsøkïr ndøt'n non ad nda yo an: 11deg'n þain Ejipt'tn þald asï døjoo ke tøi a oon døning'n m'ndan yo kï m'ad Abraham kï Isaak kï Jakob al, kïta ndulon gom kï kam kïro al. 12Kaleb ngon Jepune, de kï girr Keniat, kï Jojue ngon Nun, îgïn non koon la ndulon go Bïraþe kï kam kïro ye. 13Na Bïraþe þawong kï tïngabil dø Israelagt ad ndomïn kam dïlalot þal døsøø mbã deg kï ngéðamajalg'n non nujïn takum Bïraþet tube. 14Na oon i þai ørrïn got bøwsïg'n în þut deg kï ngéðamajal, kad i tøsïn ne wong lo Bïraþe i ndun kïdø Israelt þaitø. 15Kïtø îla i tøn goat a ne, a nyasï kam dïlalot na a i nujïn deg'n ðan tube.
16Ndøtïn nderrbe kï ro Moijt anan: J'a kï nda kïngag nëbe kïta þut nyakulg loj, kï ða þebog kïta nganjg, 17kamla jî, j'a kï ða roj kï nyaðøøg, kad j'ørr Israelag ta ðob mbã kï tee sed døningt lod, na nganjg a ndïn þebogt kïngang kïta ngéndï døningt nõ. 18J'a kï tel kï kujgt loj gog al mbã kad dekïðen ku Israelagt ngah nyanduba lon, 19kïta jî, j'a kï ngah nyanduba nat sed gid bah Jurrdët nu al, ke kïnõt, kïta jin kï ngah nyanduba loj gid bah Jurrdë ko kïloþakàdt. 20Moij eld an: Îla i ðan nya 'nten, îla i ðan rosï kï nyakatg kïta ðøø nõ Bïraþet, 21îla deg tube kï dansït'n øin nyakatg gangïn bah Jurrdë nõ Bïraþet mbã kad tuþan madngétaa kø nõat, 22na îla døning i girr tøgt lo Bïraþe kete, gog got i telïn, kamla a în kïkanj ta nõ Bïraþet kï nõ Israelt, na døning'n ðan a i nyakagþe losï kïnõ Bïraþet. 23Na îla i ðan titbe al a ne, i ðan majal i ndoorïn ne Bïraþe. Rota a i gerïn maj, majal losï a so døsït. 24I ðan þebog kïta ngansïg, i ndan kïngag kïta nyakulg losï na i ðan nya'n unïn ne køsï.
25Gadiag kï Rubeniag turïn Moij anan: Þerg loi a ðan nya'n ngej nda mbera. 26Nganjg kï nëjg kï þut nyakulg loj kïbog kï kïdug tube a nãin kam þebogt kï Galaad, 27na þerg loi tube a øin nyakatg, a awïn ðøø nõ Bïraþet tit'n ngej ndan mbera.
28Titbe Moij ndamber Eleajar ngejanyamosï kï Jojue ngon Nun kï bïrabøwg kïdø girrkoojt lo Israel dan dø Gadiag kï Rubeniag, 29na Moij eld an: Îla Gadiag kï Rubeniag gangïn bah Jurrdë nat sesï, dekïðen ða ron kï nyaðøøg kad ðøøn nõ Bïraþet, lon døning i girr tøgsït a ne, a adïnd døning Galaad nyakagþet. 30Na îla gangïn bah kï nyakatg nat sesï al a ne, a ngahn nyakagþe kusït kam døning Kanaat koon.
31Gadiag kï Rubeniag turïn anan: J'a kï ða nya'n Bïraþe el þerg loi. 32J'a kï gang bah kï nyakatg nõ Bïraþet kï døning Kanaat, na j'a kï ngah nyanduba loj gid bah Jurrdët ko kïnë. 33Moij ad Gadiag kï Rubeniag kï nusï girr Manase ngon Jojep kõþe lo Sihõ ngar lo Amoriag, kï kõþe lo Og ngar kï Basan, ad'd døning nat kï þebog loa kï døningg lod, ad i þebog tube kï døningt.
34Gadiag ðan þebo Dibon, Atarot, Aroer, 35Abrot, Sopan, Jaejer, Jogbeha, 36Bet Nimra kï Bet Harã, þebog kïngang, na ndan kïngag kïta þut nyakulg.
37Rubeniag ðan þebo Hesbon, Eleale, Kirjataim, 38Nebo kï Baal Meon (mbelïn tød) kï Sibma na ndan tø þebog'n ðan.
39Girrnooj Makir ngon Manase aw ðøø dø Galaadt, taan døning'n non na tuþan Amoriag ngendït kete. 40Moij ad Galaad Makir ngon Manase kad ndït. 41Jair ngon Manase aw ðøø kï ngan þeg lod, taad na ndah tød ngan þeg lo Jair. 42Nobak aw ta Kenat nat kï ngan þeg kï gugïn dø na ndah tøa Nobak kïgo tønt.
Terpilih Sekarang Ini:
Dakør 32: MB80
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
BIBLE MBAÏ © 1980 Alliance Biblique du Tchad.