Dakør 30
30
Ta dø yokïndat
1Moij el ngan Israelg nyag tube'n Bïraþe ndaa mbera.
2Moij elta kï mbaiþeg lo girr Israelag an: Oon nya'n Bïraþe nda mbera laten: 3Lon de kïdïngã mad un køn ad Bïraþe ke nda yo kad ða'n nya mad a ne, a mbel køn al bat na a ða kïgo tat'n tee taat.
4Lon ngon kïdë kïmand i kam kujt lo bøwïn þaitø, un køn ad Bïraþe na nda yo dønt, 5na bøwa ger kunkø loa kï yokïnda dønt na elta mad al a ne, kunkøg loa kï yokïndag tube a ton lotodt. 6Na îla bøwa ndig sia al, ndøt'n oon dø a ne, kunkøg kï yokïndag loa'n nda kïdõt a ton lotodt al.
7Îla ngon kïdë taa ngaw got'n un køn, ke ta mad tee taat kanj kad ger go, 8na ngawa oo ta loa, elta døt al ndøt'n oon dø nõ a ne, kunkøg loa a ton lotodt, yokïndag'n nda kïdønt a ton lotodt tø. 9Na îla ngawa ndig sia al, ndøt'n oon dø nõ a ne, a ad kunkø loa kï ta kï tee taat kanj kad ger go telïn nya kïkari na Bïraþe a nyàgo kø ada. 10Kunkø kï yokïnda lo ngengawkoi ke lo dekïdë kï tuþa kø, yokïnda kïðen kï nda kïdønt a to lotont. 11Lon dekïdë, i kam kujt lo ngawïn, un køn ke nda yo dønt 12na ngawa oo ta loa, elta døt al, na ndig sia a ne, kunkøg loa a ton lotodt, yokïndag loa tube kï nda kïdønt a ton lotodt tø. 13Na îla ngawa tuj tag loa ndøt'n oon dø nõ a ne, kunkø kïðen, kï ta kï tee taat kïðen a to lotont al, kïta ngawa tujd na Bïraþe a nyàgo kø ada. 14Kunkø kïðen kï yokïnda kïðen'n nda kïdønt, ngawa asï nya kad to lotont ke tuj. 15Îla ngawa elta døt ndøt'n non al a ne, kunkøg loa kï yokïndag loa'n nda kïdønt tube a ton lotodt. Ngawa ad'd ton lotodt kïta ela ta døt al ndøt'n oon dø. 16Îla nya ad tag'n non ton lotodt ndøt'n oon dø a ne, ta majal lo nëa a i døat.
17Îgïn ten la în mberkïndag'n Bïraþe ad Moij øjïn dø dekïdïngã kï nën kï bøw kï ngon kïdë, lon i ngon kïmand kam kujt lo bøwïn þaitø ye.
Terpilih Sekarang Ini:
Dakør 30: MB80
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
BIBLE MBAÏ © 1980 Alliance Biblique du Tchad.