ମାତିଉ 1
1
ଜିସୁ କ୍ରିସ୍ଟତି ପୁଣ୍ଡିହିରୁ
(ଲୁକ ୩:୨୩–୩୮)
1ଅବ୍ରାହାମତି ମ୍ରିଃଏଞ୍ଜି ଅଟେ ଦାଉଦତି ମ୍ରିଃଏଞ୍ଜି ଜିସୁ କ୍ରିସ୍ଟତି ପୁଣ୍ଡିହିରୁତି ପୁତି ।
2ଅବ୍ରାହାମ ଇସାକତି ଆବା,
ଇସାକ ଜାକୁବତି ଆବା,
ଜାକୁବ ଜିହୁଦା
ଅଟେ ତା ଆମ୍ୱେସାଙ୍ଗାତି ଆବା,
3ଜିହୁଦା ପେରସ ଅଟେ ସେରହତି ଆବା; ଇ ରିଃଆର୍ତି ଇୟା ଆଇନେ ତାମର,
ପେରସ ହିସ୍ରନତି ଆବା,
ହିସ୍ରନ ଅରାମତି ଆବା,
4ଅରାମ ଅମିନାଦବତି ଆବା,
ଅମିନାଦବ ନହସନତି ଆବା,
ନହସନ ସଲମନତି ଆବା,
5ସଲମନ ବୟଜତି ଆବା ଅଟେ ରାହାବ ବୟଜତି ଇୟା,
ବୟଜ ଅବେଦତି ଆବା ଅଟେ ରୁତ ଅବେଦତି ଇୟା,
ଅବେଦ ଜିସିତି ଆବା,
6ଜିସି ଦାଉଦ ରାଜେଞ୍ଜ୍ତି ଆବା,
ଦାଉଦ ସଲମନତି ଆବା, ସଲମନତି ଇୟା ଉରିୟତି କୁଆଲୁ ମାଚ୍ଚେ ।
7ସଲମନ ରିହବିୟମତି ଆବା,
ରିହବିୟମ ଅବିୟତି ଆବା,
ଅବିୟ ଆସାତି ଆବା,
8ଆସା ଜିହସାପଟତି ଆବା,
ଜିହସାପଟ ଜରାମତି ଆବା,
ଜରାମ ଉଜିୟତି ଆବା,
9ଉଜିୟ ଜତମତି ଆବା,
ଜତମ ଆହସତି ଆବା,
ଆହସ ହିଜକିୟତି ଆବା,
10ହିଜକିୟ ମନସିତି ଆବା,
ମନସି ଆମନତି ଆବା,
ଆମନ ଜସିୟତି ଆବା,
11ଜସିୟ ଜିକନିୟ ଅଟେ ତା ଆମ୍ୱେସାଙ୍ଗାତି ଆବା ଇସ୍ରାଏଲ ଦାଲ୍ଲାନିକି ବାବିଲନ ଦେସାଇନ୍ଦା ବନ୍ଦି କିଆନ୍ ଅଇଚ୍ଚି ତୁକାତାୱା ଜିକନିୟ ଅଟେ ତା ଆମ୍ୱେସାଙ୍ଗା ପ୍ଲିତେରି ।
12ଆଟେ ଏୱାରି ବାବିଲନ ଦେସାତାୱା ବନ୍ଦି ଆନ୍ ମାଚ୍ଚି ତୁକାତାୱା ସଲ୍ଟିଏଲ ପ୍ଲିତେଞ୍ଜି, ଜିକନିୟ ସଲ୍ଟିଏଲତି ଆବା । ସଲ୍ଟିଏଲ ଜିରୁବାବିଲତି ଆବା,
13ଜିରୁବାବିଲ ଅବିହୁଦତି ଆବା,
ଅବିହୁଦ ଏଲିୟାକିମତି ଆବା,
ଏଲିୟାକିମ ଆସରତି ଆବା,
14ଆସର ସାଦକତି ଆବା,
ସାଦକ ଆକିମତି ଆବା,
ଆକିମ ଏଲିହୁଦତି ଆବା, 15ଏଲିହୁଦ ଏଲିୟାଜରତି ଆବା,
ଏଲିୟାଜର ମତାନତି ଆବା,
ମତାନ ଜାକୁବତି ଆବା,
16ଜାକୁବ ଜସେପତି ଆବା ଅଟେ ଜସେପ ମରିୟମତି କୁଏଞ୍ଜି,
ଇ ମରିୟମତି ଟୁଟୁଟି ଜିସୁ ପ୍ଲିତେଞ୍ଜି, ଏୱାଞ୍ଜିକି କ୍ରିସ୍ଟ ଇଞ୍ଜାନ୍ ୱେସ୍ପା ଆଇନେ ।
17ଇହିଙ୍ଗିସି ଅବ୍ରାହାମତାୱାଟି ଦାଉଦ ଟିକ୍ନା ଚଉଦ ତାଙ୍ଗା, ଆଟେ ଦାଉଦତାୱାଟି ବାବିଲନଇନ୍ଦା ବନ୍ଦି କିଆନ୍ ଅତି ଟିକ୍ନା ଚଉଦ ତାଙ୍ଗା, ଆଟେ ବାବିଲନତାୱା ବନ୍ଦି ବାସାଆଚ୍ଚି ଦାଲ୍ଲା ତାୱାଟି କ୍ରିସ୍ଟ ଟିକ୍ନା ଚଉଦ ତାଙ୍ଗା ।
ଜିସୁ କ୍ରିସ୍ଟତି ପ୍ଲିଅନି
(ଲୁକ ୨:୧)
18 #
ଲୁକ ୧:୨୭
ଜିସୁ କ୍ରିସ୍ଟତି ପ୍ଲିଅନି ଇହିଙ୍ଗିସି ଆତେ । ତା ଇୟା ମରିୟମନିକି ଜସେପ ବାଗା ୱେଚ୍ଚି ଡେଗ୍ଗା ଏୱାରି ହୁଞ୍ଜାକୁରା ଆଃଏଟେଃଏ, ଏଦି ପିର୍ନି ଡିଙ୍ଗା ଡ଼ାହି ଟୁଟୁମାନ୍ନେ ଇଞ୍ଜାନାହି ପୁଚ୍ଚେରି । 19ଇମ୍ୱାଟି ତା କୁଏଞ୍ଜି ଜସେପ ଦାର୍ମିକଗାଟାଞ୍ଜି ମାଚ୍ଚାୱିଃଆଟି ଏଦାଡ଼ିକି ଦାଲ୍ଲା ନକେସି ଦୁସି କିଃଏଟେଃଏ ମ୍ଡାମିଟି ତାଙ୍ଗେ ତୁହ୍ପନ୍ତିକି ଏଲୁ କିତେଞ୍ଜି, 20ମତ୍ର ଏୱାଞ୍ଜି ଇଦା ଏଲୁ କିତି ଡେଗ୍ଗା ହୁଡ଼ାଟୁ, ଦାର୍ମୁତି ରଃଅଞ୍ଜି ଦୁତ କ୍ଡିଞ୍ଜାଟି ତାଙ୍ଗେ ତଞ୍ଜୁଆନାହି ୱେସ୍ତେଞ୍ଜି, “ଏ ଦାଉଦତି ମ୍ରିଃଏଞ୍ଜି ଜସେପ, ନି କୁଆଲୁ ମରିୟମନିକି ଇଟ୍ଟନ୍ତିକି ଆଃଜ୍ଜାଆ; ଇନାକି ଏଦି ପିର୍ନି ଡିଙ୍ଗାଟି ଟୁଟୁଆନ୍ନେ । 21#ଲୁକ ୧:୩୧ଏଦି ରଣ୍ଡା ମ୍ଡେହା ବଦା ମାରିନେ, ଆଟେ ତାଙ୍ଗେ ନିନୁ ଜିସୁ ଇଞ୍ଜାନ୍ ପାରୁ ଇଟ୍ଟିଦି, ଇନାକି ଏୱାଞ୍ଜି ତା ଦାଲ୍ଲାନିକି ତା ହାବେତ୍ ପାପଟି ଜ୍ଡିପ୍ନେଞ୍ଜି ।”
22ବାବବାଦି ତାୱାଟି ଦାର୍ମୁ ୱେସାନ୍ନି ଇ ବାକ୍ୟ ଇନିସ୍ ସପଲ ଆନେ, ଏଦାବାଗା ଇ ହାବେ ଆତେ, 23“ହୁଡ଼ାଟୁ, ରଣ୍ଡି କିଲା ଲାଃଉ ଟୁଟୁ ଆନାହି ରଣ୍ଡା ମ୍ଡେହା ବଦା ମାରିନେ ଆଟେ ଦାଲ୍ଲା ତା ପାରୁ ଇମାନୁଏଲ ଇଞ୍ଜାନ୍ ହିନେରି” ଇ ପାରୁତି ଅର୍ତ ଆଇନେ “ମା ଡ଼ାହି ମୁଲାପେନୁ ମାନ୍ନେଞ୍ଜି ।”
24ଏମ୍ୱାଟି ଜସେପ ହୁଚିକାନ୍ନୁଟି ନିଙ୍ଗାନାହି ଦାର୍ମୁତି ଦୁତ ତାଙ୍ଗେ ଇନିସ୍ ୱେସାଚ୍ଚେଞ୍ଜି, ଏହେଙ୍ଗିସି କିଆନ୍ ମରିୟମନିକି ତା କୁଆଲୁ ଡେହେଙ୍ଗ୍ ଗ୍ରହନ କିତେଞ୍ଜି; 25#ଲୁକ ୨:୨୧ମତ୍ର ଏଦି ମ୍ଡେହା ବଦା ମାରାନ୍ ଟିକ୍ନା ଏୱାଞ୍ଜି ତା ଡ଼ାହି ହୁଞ୍ଜାକୁରା କିଃଆତେଞ୍ଜି, ଆଟେ ଏୱାଞ୍ଜି ଏ ବଦାତି ପାରୁ ଜିସୁ ହିତେଞ୍ଜି ।
Terpilih Sekarang Ini:
ମାତିଉ 1: DWK
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
© 2023 NLCI CC BY-NC-ND 4.0
