इफिसियां 6
6
आई-ब़ा ते ब़ाले
1 #
कुलु 3:20
हे ब़ाले, प्रभु मां आपणे आई-ब़ा चे आज्ञाकारी बणा, कांकि ईं वाजिब छै। 2“आपणे आई-ब़ा चा कद्दर करा,” हा हेक इसड़ी पेहली आज्ञा छै, ऐचे लारे हेक वाचा वी जुड़ली आली छै, 3“दुधे भले हो, तु धरती उपर घणे ङिहां तक जीता रिहे।”
4 #
कुलु 3:21
ते हे ब़ाला आले आपणे ब़ाला नु रीस ना ङिवावा पर प्रभु ची शिक्षा, ते चिताते हुले, वांचा पालन पोसण करा।
मालिक ते सेवक
5 #
कुलु 3:22–25
हे सेवक, तम्चे जको मालिक छी, आपणे सच्चे मना लारे कद्दर ते आज्ञा मनते हुले, जिंवे मसीह ची आज्ञा मना यूंही वांची आज्ञा वी मना। 6तम्ही बन्दा नु खौश करने आला चे समान ङिखाणने वास्ते सेवा ना करा, पर मसीह चे सेवका चे समान मना लारे नरीकारा ची इच्छा उपर चला, 7खौश मना लारे हेक सेवक चे रूपा मां इसड़ी सेवा करा, जिंवे तम्ही लौका ची कोनी पर प्रभु ची सेवा करा पले। 8याद राखा, तम्चे महु हर हेक चाहे कुई सेवक हो जा कुई आजाद हो, अगर कुई आच्छे काम करी ते ओनु प्रभु कनु आच्छा फल मिली। 9#कुलु 4:1; कुलु 3:25ते हे मालकु, तम्ही वी धमकीया ङेणीया छोड़ती कर वांचे लारे उसड़ा ही बर्ताव करा, कांकि तम्ही जाणा कि वांचा ते तम्चा ङुहुं चा मालिक नरीकार स्वर्ग़ा मां छै,ते ओ काया पक्षपात ना करी।
आत्मिक लड़ाई
10ऐवास्ते प्रभु ची महान शक्ति मां ताकतवार बणा 11ते नरीकारा चे सारे हथियार ब़ांथी गिहा, ताकि तम्ही शैताना ची योजना नु रोकणे वास्ते खड़े रेह सग़ा। 12कांकि हा अम्चा मल्लयोद्ध, लुहीं ते मांस चे लारे कोनी, पर प्रधाना ते अधिकारीया चे लारे, ते ऐ संसार चे अन्धकारा चे हाकिमा लारे ते ओ दुष्टता ची आत्मिक सैना लारे छै जको आसमाना मां छै। 13ऐवास्ते नरीकारा चे सारे हथियार ब़ांथी गिहा कि तम्ही बुरे ङिहां मां दुष्टता चा सामना कर सग़ा, ते सब कोच्छ पुरे करती कर अन्त तक टिकले रिहा। 14तां सच्चाई लारे आपणी कमर कसती कर, ते धार्मिकता ची झिलम घालती कर, 15ते पग़्ग़ा मां मेल-मिलाप चे सुसमाचार ची तियारी चे ब़ूट घालती कर, 16ते यां सब चे लारे विश्वास ची ढाल चती कर मजबूत रिहा जाये कनु तम्ही ओ शैताना चे ब़लते हुले तीरा चा मुकाबला कर सग़ा। 17ते उद्धार चा टोप घालती कर ते नरीकारा चा वचन चे रूपा मां पवित्र आत्मा ची तलवार चती गिहा। 18ते हर हेक समय ते हर तरह प्राथना ते बिनती लारे पवित्र आत्मा मां हर बेले प्राथना करते रिहा, हा ध्यान राखती कर होशियार रिहा, कि कोशिस करा सारे पवित्र लौका वास्ते प्राथना करले करा।
19माये वास्ते वी प्राथना करा, कि मनु ब़ोलते बेले इसड़ा ताकत भरला वचन मिलो, कि मैं हिम्मती चे लारे सुसमाचार चे भेदा नु बावड़ सग़े। 20मैं नरीकारा चा सुसमाचार सुणावणे वास्ते संगला लारे ब़झला आला राजदूत छै। प्राथना करा कि जिंवे ओ चाहवे, यूं हिम्मत लारे सुणा सग़े।
आखरी नमस्कार
21 #
प्रेरि 20:4; 2 तीमु 4:12 #
कुलु 4:7,8 तुखिकुस, जको प्यारा भऊ ते प्रभु मां विश्वास चे लायक सेवक छै, तम्हानु सारीया बाता बावड़ी कि तम्ही वी माई दशा नु जाणा कि मैं किवें रिहे पला। 22ओनु मैं तम्चे गोढु ऐवास्ते भेज़ले कि तम्ही अम्ची दशा जाणा, ते ओ तम्चे मना नु शान्ति ङियो।
23ब़ा नरीकार ते प्रभु ईशु मसीह ची ओर कनु भावां नु शान्ति ते विश्वास समेत प्रेम मिलो। 24जको अम्चे प्रभु ईशु मसीह लारे सच्चा प्रेम राखे, वा सारा चे उपर अनुग्रह हुता रिहो।
Terpilih Sekarang Ini:
इफिसियां 6: ODR
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
CC BY-NC-ND 4.0