2 कुरिन्थियां 3

नवें वायदे चे सेवक

1का अम्ही बल्ति आपणी बढ़ाई करु लाग़ु? जा अम्ही कितना आलीकर सिफारिश ची चिठ्ठीया तम्हानु ङेणीया जा तम्हा कनु गेहणीया? 2अम्ची चिठ्ठी तम्ही ही छिवा, जको अम्चे दिला उपर लिखली आली छै, ते ओनु सारे लौक पिछाणी ते पढ़ी। 3ईं साफ छै कि, तम्ही मसीह ची लिखली आली चिठ्ठी जिसड़े छिवा, ते अम्ची सेवकाई चा फल छिवा, ते जको सियाही लारे कोनी, पर जीते नरीकारा ची आत्मा लारे पत्थरा ची पट्टिया उपर कोनी, पर कालजे चे मांस रूपी पट्टिया उपर लिखली आली छै।

4अम्ही हा बात दावे लारे किहुं पले कांकि अम्हानु मसीह ची वजह नरीकारा चे उपर भरोसा छै। 5ईं कोनी कि, अम्ही आपणे आप कनु ऐस लायक छिऊं कि, आपणे तरफु कुई बाते चा विचार कर सग़ु, पर अम्ची योग्यता नरीकारा ची ओर कनु छै। 6ओणे अम्हानु नवें वायदे चे सेवक हुवणे चे लायक वी बणाले। हा वायदा लिखली आली व्यवस्था चा कोनी पर पवित्र आत्मा चा छै। कांकि लिखली आली व्यवस्था मौत नु पैदा करे, पर पवित्र आत्मा जीवन ङिये।

नवें वायदे ची महिमा

7ते अगर मौत ची हा व्यवस्था जाये अक्षर पत्थरा उपर खोदले गेले हुते, इठे तक कि तेजोमय हुली, कि मूसा चे मुँहा चे तेज ची वजह कनु जको घटता वी जाये पलता, इस्राएली लौक ओचे मुँहा सनु ङेख ना सग़ते। 8अगर पुराणी व्यवस्था इतनी तेजोमय हुती, तां आत्मा ची व्यवस्था होर वी तेजोमय कां नी हुवी? 9अगर जब दोषी ठहराणे आली व्यवस्था तेजोमय हुती, तां धर्मी ठहराणे आली व्यवस्था होर वी तेजोमय कां नी हुवी? 10सच्‍च तां ईं छै नवीं व्यवस्था चे तेज चे सामणे वे पेहली व्यवस्था चा तेज, तेज रेहती ही कोनी गेला। 11अगर ओचा तेज इसड़ा हुता, जको लगातार कम हुवे पलता, तां ओचा तेज जको हमेशा स्थाई छै, ते कितना ज्यादा बधती कर कां नी हुवी?

12ऐवास्ते इसड़ी आस राखती कर अम्ही हिम्मती लारे ब़ोलु। 13अम्ही मूसे आलीकर कोनी, जेह्णे आपणे मुँहा उपर पड़दा नाखला हुता, कि इस्राएली ओ घटणे आले तेज चे अन्त नु ना ङेखो। 14पर इस्राएली लौका चे मन मसतोरे हुती गेलते, आज़ तक पुराणे नियम चे पढ़ते बेले वांचे मना उपर ओही पड़दा पला रिहे, पर ओ मसीह मां ही चवीज सग़े। 15ते आज़ तक जिसे बेले कङी वी मूसा ची किताब पढ़ली जाये, ते वांचे मना उपर पड़दा पला रिहे। 16पर जिसे बेले कङी वी वांचे मन प्रभु सनु फिरी, बल्ति ओ पड़दा चवीती जई। 17प्रभु तां आत्मा छै, ते जिठे-किठी प्रभु चा आत्मा मौजुद छै, उठी आजादी छै। 18पर जब अम्चे सब चे उघाड़े चेहरे कनु प्रभु ची महिमा यूं प्रकट हुवे, जिंवे करती शीशे मां हुवे। तां प्रभु चे जरिये जको आत्मा छै, अम्ही ओचे तेजस्वी रुप मां अंश-अंश करती बदलते जऊं पले।

Terpilih Sekarang Ini:

2 कुरिन्थियां 3: ODR

Highlight

Salin

Bandingkan

Kongsi

Ingin menyimpan sorotan merentas semua peranti anda? Mendaftar atau log masuk

CC BY-NC-ND 4.0

Ketahui Lebih Lanjut tentang ओङ राजपूत

2 कुरिन्थियां 3

Ayat Alkitab yang Popular daripada
2 कुरिन्थियां 3

Dengar 2 कुरिन्थियां 3

Alkitab:

Od Rajput

Versi: ओङ राजपूत - ODR