1 कुरिन्थियां 9
9
प्रेरितां चे अधिकार
1का मैं आजाद कोनी? का मैं प्रेरित कोनी? का मैं अम्चे प्रभु मसीह ईशु नु साक्षात कोनी ङेखले? का तम्ही प्रभु मां माई मेहनती चा फल कोनी? 2भले ही मनु नेरे लौक प्रेरित ना मनो पर तम्चे वास्ते तां छै कांकि तम्ही प्रभु मां माई प्रेरिताई ची मौहर छिवा।
3जको मनु परखे वांचे वास्ते हाओ माया उत्तर छै। 4का अम्चा हा अधिकार कोनी कि अम्ची खाणे-पीणे चीया जरुरता तम्ही पुरीया करते रिहा? 5का अम्हानु हा अधिकार कोनी कि किसी विश्वासी ब़ेहणी लारे परनीती कर लारे गेहली फिरु, जिंवे नेरे प्रेरित ते प्रभु चे भऊ ते पतरस करे? 6का बरनबास ते मैं ही इसड़े छिऊं, जानु आपणे जीणे वास्ते काम करने वास्ते जरुरी छै?
7कूण कङी आपणे घरु खाती कर सिपाही चे काम करे? कूण अंगूरा ची बाड़ी राहती कर विचे फल ना खई? कूण भेङा नु पालती कर वांचे ङूध ना पी? 8का मैं ईं सेर्फ इन्साना ची रीति रिवाजा लारे किहे पला? का व्यवस्था वी हाओ ना किही? 9#1 तीमु 5:18का व्यवस्था वी ईं ही ना किही? कांकि मूसा ची व्यवस्था मां लिखले पले, “ग़ाहा ग़ाहते बेले ङान्दा चे मुँह ना ब़ांधजा।” का नरीकार ङान्दा ची ही चिन्ता करे। 10जा खास करती अम्चे वास्ते किहे। हव्वे, अम्चे वास्ते वी लिखले गेले, कांकि वाजिब छै, कि हल बाहवणे आला आस लारे बाहो, ते बाढणे आला भईवाल हुवणे ची आस लारे बाढो। 11#रोमि 15:27अम्ही तम्चे मां आत्मिक बीज राहले तां अगर तम्ची शरीरिक चीजा महु कोच्छ भईवाल हुती जऊं तां हा कुई बङी बात कोनी छै। 12अगर तम्ची आमदनी महु हेंस्सा गेहणा ङुजा चा अधिकार छै तां का अम्चा अधिकार वांचे कनु बधती कर कोनी?
बल्ति वी अम्ही ऐ अधिकारा नु कामा मां कोनी गेले उल्टा अम्ही सब कोच्छ सब्रा लारे सेहते रेहले कि मसीह चे सुसमाचार चे प्रचार मां कुई रुकावट ना हो।
13का तम्ही ना जाणा कि जको मन्दरा मां सेवा करी वे मन्दरा महु खई ते जको वेदी ची सेवा करी वे वेदी चे चढ़ावे लारे भईवाल हुवी? 14#मत्ती 10:10; लूक 10:7यूं करती प्रभु ची आज्ञा छै कि जको लौक सुसमाचार सुणावी, ओचे जरिये आपणी रोटी खाओ।
15पर मैं यांचे महु कुई वी अधिकारा चा इस्तेमाल कोनी करला। मैं ये बाता ऐवास्ते कोनी लिखलीया, कि माये वास्ते कहीं करले जाओ। कांकि ऐचे कनु तां माये मरणे ही भले छै कि कुई माया घमण्ड बेकार ठहराओ। 16जिसे बेले मैं सुसमाचार सुणावे, तां माया कुई घमण्ड कोनी। कांकि ईं तां माये वास्ते जरुरी छै। ते अगर मैं सुसमाचार ना सुणावे तां माये उपर हाय! 17अगर मैं आपणी इच्छा लारे प्रचार करे तां मनु ओचा फल मिलही पर अगर मैं प्रचार बिना इच्छा लारे करे तां ईं सेर्फ जिम्मेवारी पुरी करने हुले। 18तब का छै माया फल? हा छै कि सुसमाचार चा प्रचार मुफ्त मां करता रिहे इठे तक कि सुसमाचार मां जको माया अधिकार छै ओनु मैं आच्छी तरह कामा ना गिहे।
19कांकि मैं काये अधीन कोनी फेर वी मैं खौद्द नु सारा चा दास बणाती गेले कि मैं ज्यादा कनु ज्यादा लौका नु मसीह वास्ते जीत सग़े। 20मैं यहूदिया वास्ते यहूदिया जिसड़ा बणला कि यहूदिया नु जीत सग़े। जको लौक व्यवस्था चे अधीन छी वांचे वास्ते मैं व्यवस्था चे अधीन ना हुवणे उपर वी व्यवस्था चे अधीन बणला कि वानु जको व्यवस्था चे अधीन छी, जीत सग़े। 21जाये कनु व्यवस्था कोनी हुती वानु मसीह मां जीतणे वास्ते मैं वांचे आलीकर बणला। ऐचा मतलब हा कोनी कि मैं नरीकारा ची व्यवस्था नु ना मनी पर मैं तां मसीह ची व्यवस्था चे अधीन जीन्दगी जिंवे। 22मैं वां लौका वास्ते जको विश्वासा मां कमजोर छी खौद्द वांचे आलीकर कमजोर बणला कि वानु मसीह मां जीत सग़े। मैं सब तरह चे इन्साना वास्ते सब कोच्छ बणला कि किवें ना किवें करती कईयां चा उद्धार करवा सग़े। 23ते मैं सब कोच्छ सुसमाचार वास्ते करे कि मैं ऐचे मां नेरा लारे वांचा भईवाल हुती जाये।
मसीही द्रोड़
24का तम्ही ना जाणा, कि द्रोड़ मां तां द्रोड़ी सारे ही, पर इनाम हेको ही गेहती जाये? तम्ही यूंही द्रोड़ा कि इनाम जीत सग़ा। 25ते हर हेक पहलवान सख्ताई लारे आपणे आप काबु करने चा पालन करे। ओ तां नाशवान मुग़ट हांसिल करने चे मकसद लारे ईं सब करे, पर अम्ही तां ईं सब अविनाशी मुग़ट हांसिल करने वास्ते करु। 26मैं लक्ष्यहीन इन्साना आलीकर ना द्रोड़ी। मैं हवाई मां मुक्किया ना मारणे आले आलीकर कोनी। 27मैं आपणे शरीरा नु कष्ट ङिते हुले आपणे बसा मां राखे, इसड़े ना हो कि ङुजा नु तां उपदेश ङिये ते मैं खौद्द निक्कमा ठहरे।
Terpilih Sekarang Ini:
1 कुरिन्थियां 9: ODR
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
CC BY-NC-ND 4.0