Marko 9
9
1Yesuí rá, “Ngàí jø̀ngjǿng vla:tnìni, yayv́ng rip rì tiqmaqí, Gvray móngdàn nø jórnònggùn nv̀ng lashì daq we sv̀ng mvyà:ngò dv́ngte àngmaq mvshì long,” a:lòe.
Yesu mv̀rshv̀m shø̀ngshang vmvtná:mì we
Mat. 17:1-13; Luk. 9:28-36
2Vchuq ni vleá:mì ke Yesu nø Piter, Yaku nv̀ng Yohan maq sv̀ng shø:lò nø̀, vháng we shìgùng tiqyv́ng sv̀ng àngmaq wa ngangá:mì. Wekvt àngmaq mv́rdv̀ngø Yesu nø mv̀rshv̀m shø̀ngshang vmvtná:mì. 3Àng bèlaqrì gø vtvngshaq shorshor wa kvlàng lú:ngì. Rvgaq mvdv̀m laqtun zá:lò we kagǿí gø wedv́ngte mùng dø zv́l mvsháò. 4Eliya nv̀ng Moshi nø àngmaq yv́ng dvtánshì daqì nø̀ Yesu nv̀ng kà dvmv̀ne.
5Wekvt Piterí Yesu sv̀ng, “Rabiá,#9:5 “Rabi” nø “Svrapè” wa kà íe. yayv́ng nø nøngmaq dvpvt v́l shvlá dá:rì. Shìyat, Nà dvpvt tiqlòng, Moshi dvpvt tiqlòng, Eliya dvpvt tiqlòng vshø̀m lòng nøngmaq sv̀ng wá dèzv́rshà,” a:lòe. 6Àngmaq vtvng kèní svreá:mì nø̀, kapà shø̀nlv́m gø mvshá bǿà rvt Piter wedø vjoshì we íe.
7Wekvt rvmøt tiqpù bung daqì nø̀ àngmaq sv̀ng dvkøq daqà. Rvmøt vdòng kèní, “Yapè nø Ngà shóngshø̀ng we Ngàcèpè íe. Àng kà ètánø̀ng,” wa shø̀n daqì. #Mak. 1:11; 2Pt. 1:17; Drd. 18:15; Dzr. 3:22 8Wela:ngí gùrhøm sv̀ng àngmaqí dvjaqò nìnø, Yesu wa mø̀ínì, kagǿ gø mvyv̀ng bǿà.
Yesu zunlv́m dang vrá dvtáò we
9Shìgùng kèní àngmaq yøtshì daqì dvgvp, Yesuí àngmaq sv̀ng, “Vsv̀ng Àngcèpè nø shì yv́ngkèní mvzun long dv́ngte, nàmaqí èyv̀ng bǿshà lòng kagǿ sv̀ng gø mèshø̀nnø̀ngni,” wa dvká:mòe. #Mak. 8:30 10Kà yalòng sv̀ng àngmaq nøt vdòngø ríò nø̀, “shì yv́ngkèní vrá zun longe” wa kà nø pa sv̀ng wae má, wa nø̀ tasv̀ng tàle vrøtkee.
11Wekvt àngmaqí Àng sv̀ng, “Meshia mvdi vzv̀ng kaq Eliya nø nv̀mlat dí ràe, wa nø̀ dvrá svrarìí pàwá shø̀:nò má?” wa rø:tnòe.#Esa. 53:3; Mal. 4:5-6 #9:11 Wenila taq Yuda vsv̀ngrì nø Meshia mvdi daq vzv̀ng, Eliya tuq daqe wa kv́m yà:ngì.
12À:ngí, “Pv̀n vrv̀m shvngbe vrá dvcøp mvdónglv́m Eliya nø jø̀ngjǿng vzv̀ng di daqe. Íwe Vsv̀ng Àngcèpè nø dvshàlv́m mvme pv̀n tønshì nø̀, vsà:ngí ngál we vhǿmlv́m dang kàru taq vru yà:ngà we mø̀í má? 13Ngàí vla:tnìni, Eliya nø vdíshaq íe. Kàru taq àng dang vru yà:ngà dø tiqdvchá, àngmaq dvki vrè mvyǿ dø àng sv̀ng dvki vrè bǿà,” wa vtá:nòe.#Mat. 11:14; 1Kk. 19:2,10
Màá nàmvtá cáng lù:ngò we
Mat. 17:14-21; Luk. 9:37-42
14Dvgá coqcv́nrì vl yv́ng àngmaq tuq daqì dvgvp, àngmaq gùrhøm vsv̀ng loksok kø̀m nø̀, dvrá svrarì tiqmaq gø coqcv́nrì nv̀ng vzø̀ng da we àngmaqí yv̀ng bǿà. 15Vsv̀ng loksok shvngbeí Yesu sv̀ng yv̀ng bǿà kvt, gvzà dà sórí Àng yv́ngsv̀ng kvlv̀ng ráì nø̀ pàmvrà a:lòe.
16Wekvt À:ngí werì sv̀ng, “Àngmaq nv̀ng kapà rvt nàzø̀ngnø̀nge má?” wa rø:tnòe.
17Wekvt vsv̀ng loksok kèní tiqgǿí Àng sv̀ng, “Svrapèá, ngàcèpè taq màá cáng dvchøp rvtnø̀ Nà yv́ngsv̀ng shølvtnà. 18Àng taq kayv́ngø cáng zv́ngshì ra nìnø, weyv́ng ce vtungvme. Wekvt nonggøp kèní dvpup wa vshù sórí shà vjitshì nø̀ góng gø daq vtu longe. Cáng lúngalv́m rvt nà coqcv́nrì sv̀ng rø:tnò we, àngmaqí lúng mvdá:ngò,” a:lòe.
19Yesuí àngmaq sv̀ng, “Kv́mnøt mèv̀lnø̀ng we mvrilcèrìé, Ngà nø kadvgvp høq nàmaq nv̀ng v̀llv́m í má? Kadvgvp høq nàmaq sv̀ng tønaì ni má? Àng sv̀ng Ngà yv́ng èshølvtnø̀ng,” a:lòe.
20Àngmaqí cv̀mrépè sv̀ng Yesu yv́ng shøla:tnà kvt, Yesu sv̀ng cá:ngí yv̀ng bǿà nìnø cv̀mrépè sv̀ng chàng tímkéò nø̀ vbatø̀m sv̀ng vtúng daqì. Àng nònggøp kèní gø dvpup wa vshù sórí vrulshìe.
21Wekvt Yesuí àngpè sv̀ng, “Àng yadø í we nø kadv́ngte vlé ráì?” wa rø:tnòe.
Àngpèí, “Cv̀mré dvgvp kèní íe. 22Àng sv̀ng dvshílv́m cá:ngí nø svmi taq gø, tì taq gø àng kvtkvt dvgupshì dvzá:ròe. Nàí wá èngu:tnò nìnø, ngànípè sv̀ng dvshá èzashà nø̀ dèbvngshà,” a:lòe.
23Wekvt Yesuí àng sv̀ng, “Pàwálv́m, ‘Wá èngu:tnò nìnø,’ èwae? Kv́mnøt vl gǿ dvpvt nø pàgø bǿn daqe,” a:lòe. #Mak. 11:23
24Wela:ngí ni cv̀mrépè àngpè nø vkiq sórí, “Ngà kv́me. Ngà kv́mnøt mvluq yv́ng mv̀ng dèbvngà,” a:lòe. #Luk. 17:5
25Vsv̀ng loksokrì dvkǿmshì ráì we sv̀ng Yesuí yv̀ng bǿà kvt, À:ngí cáng kaq, “Màá, nàmvtá cáng nà, Ngàí dvkv́mvtnø̀ng, àng yv́ngkèní èlúshì. Akvt kèní kukaq àng vdòng sv̀ng rá zv́ngshì mvdaq,” wa nga:nòe.
26Cáng nø ser wa vkiq nø̀ àng sv̀ng svre lvshap tímkéò dá:ngí lúshìá:mì. Cv̀mrépè nø vshí dø vhúlá:mì rvt vsv̀ng mvmeí, “Àng nø shìá:mì,” wae. #Mak. 1:26 27Íwe Yesuí àng wur zø̀:mò nø̀ ku:ngò nìnø, àng búng lú:ngì.
28Chø̀m vdòng Yesu gòngá:mì nø̀ Àng wa vl dvgvp, coqcv́nrìí Àng sv̀ng, “Cáng welòng sv̀ng nøngmaqí pà rvt lúng mvdá:ngì má?” wa rø:tnòe.
29Yesuí àngmaq sv̀ng, “Yadø í pv̀n cáng nø vjúrø:tnò kvt#9:29 Àngké kàru tiqmaq taq “v́mpà màv́m vnatshì” wa kà vbáe. wa lúshìvme,” a:lòe.
Yesu shí rà we dang dvtáò we
Mat. 17:22-23; Luk. 9:43-45
30Àngmaq nø we yv́ngkèní búngá:mì nø̀, Galili rvgaqgaq léshì ráì. Yesuí nø àngmaq vl yv́ng kagǿí gø laq mvsháò wa dvda:mòe. #Yoh. 7:1 31Pawalv́m wani Àng coqcv́nrì sv̀ng À:ngí shvngøt mvyǿ rvt íe. À:ngí àngmaq sv̀ng, “Vsv̀ng Àngcèpè nø vsv̀ng wur taq tvle bǿò nø̀ àngmaqí shvt lú:ngòe. Shvt bǿò mèpvng vshø̀m ni wani taq Àng nø zun longe,” a:lòe. #Mak. 8:31; 10:32-34 32Ínìgø yakà sv̀ng àngmaqí mvcí:ngò. Àng sv̀ng røt gø mvka:mò.#Luk. 18:34
Kagǿ nø ring vtvng í we
Mat. 18:1-9; Luk. 9:46-50
33Àngmaq nø Kapernum mvrìng sv̀ng tuq ráì. Chø̀m vdòng gòngá:mì dvgvp Yesuí àngmaq sv̀ng, “To tvrà ram nàmaq kapà rvt nàzø̀ngnø̀nge?” wa rø:tnòe. 34Íwe àngmaq dø màwá vle. Pàwá wani tvrà ramø àngmaq dvhø̀ taq kagǿ nø ring vtvng í we dang vzø̀ng dá:rì.
35Wekvt Àng rung nø̀, coqcv́n Tiqcé Vnípè sv̀ng goò dá:ngí, “Kagǿ vgo wáshì mvyǿ nìnø, wegǿ nø shvngbe lv̀ngpvng cipshì nø̀, shvngbe sv̀ng dvzømshú wáshì ràe,” a:lòe.
#
Mak. 10:44
36À:ngí cv̀mrécè tiqgǿ shøla:tnà nø̀ àngmaq mv́rdv̀ngø shvri:pmòe. Àng wu:rí gø àng sv̀ng mvguqò sórí àngmaq sv̀ng, #Mak. 10:16 37“Ngà bø̀ng taqkèní yadø í we cv̀mré tiqgǿ sv̀ng vtoò we kagǿ ínìgø, Ngà sv̀ng nàtòng we íe. Vrá, Ngà sv̀ng nàtòng we wa mvtaq, Ngà kaq dèzv́r dakngà pè sv̀ng vtoò we íe,” a:lòe.#Mat. 10:40; Yoh. 13:20
38Yohaní Yesu sv̀ng, “Kàngpèá, vsv̀ng tiqgǿí Nà bø̀ng kèní cángrì lù:ngò we nøngmaqí yv̀ng bǿshà. Íwe àng nø nøngmaq mèpvng mvcv̀n rvt, àng sv̀ng vgám bǿshà,” a:lòe.
#
Dcr. 11:27,28 39Yesuí, “Àng sv̀ng mènàgámnø̀ngni. Pàwá wani Ngà bø̀ng kèní dàlv́m bv̀nlì wàò gǿ nø Ngà dang kà mvgv́m yùlyùlcè mvshø̀n long. #1Kr. 12:3 40Pàwá wani nøngmaq sv̀ng màtù gǿ nø nøngmaq lap wáshì vsv̀ng íe. #Mat. 12:30 41Ngàí jø̀ngjǿng vla:tnìni, nàmaq nø Kristuò èínø̀ng rvt nàmaq sv̀ng tì tiqgwìn shèaqvtnø̀ng we kagǿ ínìgø, àng zìbè nø kadø ínìgø màmv́ngaò,” a:lòe.#Mat. 10:42
Zùpvng mvdìlv́m dvtúò we
Mat. 5:29-30
42Vrá À:ngí, “Ngà sv̀ng kv́m we cv̀mrécè yarì taqkèní tiqgǿ sv̀ng vléshì dvzá:rò we kagǿ ínìgø àng lóngjvng taq loklvngmè tiqchv̀ng dvchu:ngò sórí, nvmukdvra sv̀ng gu:rò lòng nø àng dvpvt té shvlae. 43Wu:rí nà sv̀ng vléshì dèzv́rvt nìnø, ètu:tnò. Wur kø̀m dø màmaq we zùpvng svmi móng sv̀ng ègòngvm lòng mvdv̀m, gø̀nshaq cúnshìlv́m yv́ngsv̀ng wurdong ègòngvm lòng nø nà dvpvt té shvlae. 44(Wemóng nø bvløng gø mvshì, svmi gø màmaq móng íe). #9:44 Vlǿmv́m daq we àngké kàru tiqmaq taq 44 nv̀ng 46 ciqní màbá. 45Nà hí tiqtá:ngí nà sv̀ng vléshì dèzv́rvt nìgø, ètu:tnò. Zùpvng svmi móng sv̀ng nà hí vnítáng kø̀m dø ègur bø mvdv̀m, gø̀nshaq cúnshìlv́m yv́ngsv̀ng hídong ègòngvm lòng té shvlae. 46(Wemóng nø bvløng gø mvshì, svmi gø màmaq móng íe). 47Neí nà sv̀ng vléshì dèzv́rvt nìnø, èkù:nò. Ne vnípa kø̀m dø, zùpvng svmi móng sv̀ng ègur bø mvdv̀m, ne tiqpaí wa Gvray móngdàn sv̀ng ègòngvm lòng nø nà dvpvt té shvlae. 48Wemóng nø bvløng gø mvshì, svmi gø màmaq móng íe. #Esa. 66:24
Shvlaq nv̀ng svmi kàshvbóng
49Shòrcaq núngpà sv̀ng shvlaqí dvshè:rò dø, kagǿ gø dvshà mvhøt we svmi taq Gvrayí dvchø̀ng we vhǿm ràe. #Lew. 2:13
50Shvlaq nø shvlae. Íwe àng kílòng la bvlvm nìnø, vrá lvkí long dø kadø wá lúnshì má? Nàmaq vdòng taq shvlaq vl nø̀ tiqgǿ nø tiqgǿ mòngzø̀l dø èv̀lnø̀ng,” a:lòe.#Mat. 5:13; Luk. 14:34; Kol. 4:6
Terpilih Sekarang Ini:
Marko 9: GSM
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
© 2025 Rvcv́ngcè Kàru Gomidi Kristu Shvngø̀mré. All Rights Reserved.
Marko 9
9
1Yesuí rá, “Ngàí jø̀ngjǿng vla:tnìni, yayv́ng rip rì tiqmaqí, Gvray móngdàn nø jórnònggùn nv̀ng lashì daq we sv̀ng mvyà:ngò dv́ngte àngmaq mvshì long,” a:lòe.
Yesu mv̀rshv̀m shø̀ngshang vmvtná:mì we
Mat. 17:1-13; Luk. 9:28-36
2Vchuq ni vleá:mì ke Yesu nø Piter, Yaku nv̀ng Yohan maq sv̀ng shø:lò nø̀, vháng we shìgùng tiqyv́ng sv̀ng àngmaq wa ngangá:mì. Wekvt àngmaq mv́rdv̀ngø Yesu nø mv̀rshv̀m shø̀ngshang vmvtná:mì. 3Àng bèlaqrì gø vtvngshaq shorshor wa kvlàng lú:ngì. Rvgaq mvdv̀m laqtun zá:lò we kagǿí gø wedv́ngte mùng dø zv́l mvsháò. 4Eliya nv̀ng Moshi nø àngmaq yv́ng dvtánshì daqì nø̀ Yesu nv̀ng kà dvmv̀ne.
5Wekvt Piterí Yesu sv̀ng, “Rabiá,#9:5 “Rabi” nø “Svrapè” wa kà íe. yayv́ng nø nøngmaq dvpvt v́l shvlá dá:rì. Shìyat, Nà dvpvt tiqlòng, Moshi dvpvt tiqlòng, Eliya dvpvt tiqlòng vshø̀m lòng nøngmaq sv̀ng wá dèzv́rshà,” a:lòe. 6Àngmaq vtvng kèní svreá:mì nø̀, kapà shø̀nlv́m gø mvshá bǿà rvt Piter wedø vjoshì we íe.
7Wekvt rvmøt tiqpù bung daqì nø̀ àngmaq sv̀ng dvkøq daqà. Rvmøt vdòng kèní, “Yapè nø Ngà shóngshø̀ng we Ngàcèpè íe. Àng kà ètánø̀ng,” wa shø̀n daqì. #Mak. 1:11; 2Pt. 1:17; Drd. 18:15; Dzr. 3:22 8Wela:ngí gùrhøm sv̀ng àngmaqí dvjaqò nìnø, Yesu wa mø̀ínì, kagǿ gø mvyv̀ng bǿà.
Yesu zunlv́m dang vrá dvtáò we
9Shìgùng kèní àngmaq yøtshì daqì dvgvp, Yesuí àngmaq sv̀ng, “Vsv̀ng Àngcèpè nø shì yv́ngkèní mvzun long dv́ngte, nàmaqí èyv̀ng bǿshà lòng kagǿ sv̀ng gø mèshø̀nnø̀ngni,” wa dvká:mòe. #Mak. 8:30 10Kà yalòng sv̀ng àngmaq nøt vdòngø ríò nø̀, “shì yv́ngkèní vrá zun longe” wa kà nø pa sv̀ng wae má, wa nø̀ tasv̀ng tàle vrøtkee.
11Wekvt àngmaqí Àng sv̀ng, “Meshia mvdi vzv̀ng kaq Eliya nø nv̀mlat dí ràe, wa nø̀ dvrá svrarìí pàwá shø̀:nò má?” wa rø:tnòe.#Esa. 53:3; Mal. 4:5-6 #9:11 Wenila taq Yuda vsv̀ngrì nø Meshia mvdi daq vzv̀ng, Eliya tuq daqe wa kv́m yà:ngì.
12À:ngí, “Pv̀n vrv̀m shvngbe vrá dvcøp mvdónglv́m Eliya nø jø̀ngjǿng vzv̀ng di daqe. Íwe Vsv̀ng Àngcèpè nø dvshàlv́m mvme pv̀n tønshì nø̀, vsà:ngí ngál we vhǿmlv́m dang kàru taq vru yà:ngà we mø̀í má? 13Ngàí vla:tnìni, Eliya nø vdíshaq íe. Kàru taq àng dang vru yà:ngà dø tiqdvchá, àngmaq dvki vrè mvyǿ dø àng sv̀ng dvki vrè bǿà,” wa vtá:nòe.#Mat. 11:14; 1Kk. 19:2,10
Màá nàmvtá cáng lù:ngò we
Mat. 17:14-21; Luk. 9:37-42
14Dvgá coqcv́nrì vl yv́ng àngmaq tuq daqì dvgvp, àngmaq gùrhøm vsv̀ng loksok kø̀m nø̀, dvrá svrarì tiqmaq gø coqcv́nrì nv̀ng vzø̀ng da we àngmaqí yv̀ng bǿà. 15Vsv̀ng loksok shvngbeí Yesu sv̀ng yv̀ng bǿà kvt, gvzà dà sórí Àng yv́ngsv̀ng kvlv̀ng ráì nø̀ pàmvrà a:lòe.
16Wekvt À:ngí werì sv̀ng, “Àngmaq nv̀ng kapà rvt nàzø̀ngnø̀nge má?” wa rø:tnòe.
17Wekvt vsv̀ng loksok kèní tiqgǿí Àng sv̀ng, “Svrapèá, ngàcèpè taq màá cáng dvchøp rvtnø̀ Nà yv́ngsv̀ng shølvtnà. 18Àng taq kayv́ngø cáng zv́ngshì ra nìnø, weyv́ng ce vtungvme. Wekvt nonggøp kèní dvpup wa vshù sórí shà vjitshì nø̀ góng gø daq vtu longe. Cáng lúngalv́m rvt nà coqcv́nrì sv̀ng rø:tnò we, àngmaqí lúng mvdá:ngò,” a:lòe.
19Yesuí àngmaq sv̀ng, “Kv́mnøt mèv̀lnø̀ng we mvrilcèrìé, Ngà nø kadvgvp høq nàmaq nv̀ng v̀llv́m í má? Kadvgvp høq nàmaq sv̀ng tønaì ni má? Àng sv̀ng Ngà yv́ng èshølvtnø̀ng,” a:lòe.
20Àngmaqí cv̀mrépè sv̀ng Yesu yv́ng shøla:tnà kvt, Yesu sv̀ng cá:ngí yv̀ng bǿà nìnø cv̀mrépè sv̀ng chàng tímkéò nø̀ vbatø̀m sv̀ng vtúng daqì. Àng nònggøp kèní gø dvpup wa vshù sórí vrulshìe.
21Wekvt Yesuí àngpè sv̀ng, “Àng yadø í we nø kadv́ngte vlé ráì?” wa rø:tnòe.
Àngpèí, “Cv̀mré dvgvp kèní íe. 22Àng sv̀ng dvshílv́m cá:ngí nø svmi taq gø, tì taq gø àng kvtkvt dvgupshì dvzá:ròe. Nàí wá èngu:tnò nìnø, ngànípè sv̀ng dvshá èzashà nø̀ dèbvngshà,” a:lòe.
23Wekvt Yesuí àng sv̀ng, “Pàwálv́m, ‘Wá èngu:tnò nìnø,’ èwae? Kv́mnøt vl gǿ dvpvt nø pàgø bǿn daqe,” a:lòe. #Mak. 11:23
24Wela:ngí ni cv̀mrépè àngpè nø vkiq sórí, “Ngà kv́me. Ngà kv́mnøt mvluq yv́ng mv̀ng dèbvngà,” a:lòe. #Luk. 17:5
25Vsv̀ng loksokrì dvkǿmshì ráì we sv̀ng Yesuí yv̀ng bǿà kvt, À:ngí cáng kaq, “Màá, nàmvtá cáng nà, Ngàí dvkv́mvtnø̀ng, àng yv́ngkèní èlúshì. Akvt kèní kukaq àng vdòng sv̀ng rá zv́ngshì mvdaq,” wa nga:nòe.
26Cáng nø ser wa vkiq nø̀ àng sv̀ng svre lvshap tímkéò dá:ngí lúshìá:mì. Cv̀mrépè nø vshí dø vhúlá:mì rvt vsv̀ng mvmeí, “Àng nø shìá:mì,” wae. #Mak. 1:26 27Íwe Yesuí àng wur zø̀:mò nø̀ ku:ngò nìnø, àng búng lú:ngì.
28Chø̀m vdòng Yesu gòngá:mì nø̀ Àng wa vl dvgvp, coqcv́nrìí Àng sv̀ng, “Cáng welòng sv̀ng nøngmaqí pà rvt lúng mvdá:ngì má?” wa rø:tnòe.
29Yesuí àngmaq sv̀ng, “Yadø í pv̀n cáng nø vjúrø:tnò kvt#9:29 Àngké kàru tiqmaq taq “v́mpà màv́m vnatshì” wa kà vbáe. wa lúshìvme,” a:lòe.
Yesu shí rà we dang dvtáò we
Mat. 17:22-23; Luk. 9:43-45
30Àngmaq nø we yv́ngkèní búngá:mì nø̀, Galili rvgaqgaq léshì ráì. Yesuí nø àngmaq vl yv́ng kagǿí gø laq mvsháò wa dvda:mòe. #Yoh. 7:1 31Pawalv́m wani Àng coqcv́nrì sv̀ng À:ngí shvngøt mvyǿ rvt íe. À:ngí àngmaq sv̀ng, “Vsv̀ng Àngcèpè nø vsv̀ng wur taq tvle bǿò nø̀ àngmaqí shvt lú:ngòe. Shvt bǿò mèpvng vshø̀m ni wani taq Àng nø zun longe,” a:lòe. #Mak. 8:31; 10:32-34 32Ínìgø yakà sv̀ng àngmaqí mvcí:ngò. Àng sv̀ng røt gø mvka:mò.#Luk. 18:34
Kagǿ nø ring vtvng í we
Mat. 18:1-9; Luk. 9:46-50
33Àngmaq nø Kapernum mvrìng sv̀ng tuq ráì. Chø̀m vdòng gòngá:mì dvgvp Yesuí àngmaq sv̀ng, “To tvrà ram nàmaq kapà rvt nàzø̀ngnø̀nge?” wa rø:tnòe. 34Íwe àngmaq dø màwá vle. Pàwá wani tvrà ramø àngmaq dvhø̀ taq kagǿ nø ring vtvng í we dang vzø̀ng dá:rì.
35Wekvt Àng rung nø̀, coqcv́n Tiqcé Vnípè sv̀ng goò dá:ngí, “Kagǿ vgo wáshì mvyǿ nìnø, wegǿ nø shvngbe lv̀ngpvng cipshì nø̀, shvngbe sv̀ng dvzømshú wáshì ràe,” a:lòe.
#
Mak. 10:44
36À:ngí cv̀mrécè tiqgǿ shøla:tnà nø̀ àngmaq mv́rdv̀ngø shvri:pmòe. Àng wu:rí gø àng sv̀ng mvguqò sórí àngmaq sv̀ng, #Mak. 10:16 37“Ngà bø̀ng taqkèní yadø í we cv̀mré tiqgǿ sv̀ng vtoò we kagǿ ínìgø, Ngà sv̀ng nàtòng we íe. Vrá, Ngà sv̀ng nàtòng we wa mvtaq, Ngà kaq dèzv́r dakngà pè sv̀ng vtoò we íe,” a:lòe.#Mat. 10:40; Yoh. 13:20
38Yohaní Yesu sv̀ng, “Kàngpèá, vsv̀ng tiqgǿí Nà bø̀ng kèní cángrì lù:ngò we nøngmaqí yv̀ng bǿshà. Íwe àng nø nøngmaq mèpvng mvcv̀n rvt, àng sv̀ng vgám bǿshà,” a:lòe.
#
Dcr. 11:27,28 39Yesuí, “Àng sv̀ng mènàgámnø̀ngni. Pàwá wani Ngà bø̀ng kèní dàlv́m bv̀nlì wàò gǿ nø Ngà dang kà mvgv́m yùlyùlcè mvshø̀n long. #1Kr. 12:3 40Pàwá wani nøngmaq sv̀ng màtù gǿ nø nøngmaq lap wáshì vsv̀ng íe. #Mat. 12:30 41Ngàí jø̀ngjǿng vla:tnìni, nàmaq nø Kristuò èínø̀ng rvt nàmaq sv̀ng tì tiqgwìn shèaqvtnø̀ng we kagǿ ínìgø, àng zìbè nø kadø ínìgø màmv́ngaò,” a:lòe.#Mat. 10:42
Zùpvng mvdìlv́m dvtúò we
Mat. 5:29-30
42Vrá À:ngí, “Ngà sv̀ng kv́m we cv̀mrécè yarì taqkèní tiqgǿ sv̀ng vléshì dvzá:rò we kagǿ ínìgø àng lóngjvng taq loklvngmè tiqchv̀ng dvchu:ngò sórí, nvmukdvra sv̀ng gu:rò lòng nø àng dvpvt té shvlae. 43Wu:rí nà sv̀ng vléshì dèzv́rvt nìnø, ètu:tnò. Wur kø̀m dø màmaq we zùpvng svmi móng sv̀ng ègòngvm lòng mvdv̀m, gø̀nshaq cúnshìlv́m yv́ngsv̀ng wurdong ègòngvm lòng nø nà dvpvt té shvlae. 44(Wemóng nø bvløng gø mvshì, svmi gø màmaq móng íe). #9:44 Vlǿmv́m daq we àngké kàru tiqmaq taq 44 nv̀ng 46 ciqní màbá. 45Nà hí tiqtá:ngí nà sv̀ng vléshì dèzv́rvt nìgø, ètu:tnò. Zùpvng svmi móng sv̀ng nà hí vnítáng kø̀m dø ègur bø mvdv̀m, gø̀nshaq cúnshìlv́m yv́ngsv̀ng hídong ègòngvm lòng té shvlae. 46(Wemóng nø bvløng gø mvshì, svmi gø màmaq móng íe). 47Neí nà sv̀ng vléshì dèzv́rvt nìnø, èkù:nò. Ne vnípa kø̀m dø, zùpvng svmi móng sv̀ng ègur bø mvdv̀m, ne tiqpaí wa Gvray móngdàn sv̀ng ègòngvm lòng nø nà dvpvt té shvlae. 48Wemóng nø bvløng gø mvshì, svmi gø màmaq móng íe. #Esa. 66:24
Shvlaq nv̀ng svmi kàshvbóng
49Shòrcaq núngpà sv̀ng shvlaqí dvshè:rò dø, kagǿ gø dvshà mvhøt we svmi taq Gvrayí dvchø̀ng we vhǿm ràe. #Lew. 2:13
50Shvlaq nø shvlae. Íwe àng kílòng la bvlvm nìnø, vrá lvkí long dø kadø wá lúnshì má? Nàmaq vdòng taq shvlaq vl nø̀ tiqgǿ nø tiqgǿ mòngzø̀l dø èv̀lnø̀ng,” a:lòe.#Mat. 5:13; Luk. 14:34; Kol. 4:6
Terpilih Sekarang Ini:
:
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
© 2025 Rvcv́ngcè Kàru Gomidi Kristu Shvngø̀mré. All Rights Reserved.